2 TISALONIKA 3:14 - Tanou Moonsoi Timugon

¹⁴ Amon ru mokoondo' ulun kalo gumagaya' ra pambalaan ru surat maiti, pagilalai' min am pai' kano latok risilo, maa' raginio mauyu' ilo.

2 TISALONIKA 3:14 ပူးပေါင်းရင်းမြစ်များ

IJRA 9:6

Indagu aku, “Iou i Aki Kapuuno' kuno, mauyu' aku kaga' tumungar ra saang Muno. Tula mai nansusunu' giu' ra rasawat ru ulu saboi ra limbowon.

MAZMUR 83:16

ilowo' ilo maya' ra bagiu' Muno, am ilalaano' ilo ra timpalak Muno.

AMSAL 5:13

Kalo mangkirongog aku ra pangilaan ru ngaangai' mangingila' kuli am kalo gumagaya' risilo.

JIRIMIA 3:3

Ginio sabap ra rasam kalo rumatu', am rasam paat ra mambusak kalo matong. Nansalu kou ra ulun mantalan ra inan; mailo kou ra mauyu'.

JIRIMIA 6:15

Mauyu' ilo kia sabap ra nambaal ra makauyuyu' ti? Kalo, totopot noyo kolondo' kauyuan nilo; nanangkapal bulos nilo. Ginio sabap ra maratu' ilo koson ra ulun bokon; bayag nilo pupusin paat ra Aku mangukum risilo. Aku, Tuhan nakaindagu noyo.”

JIPANYA 3:2

Bandar no kalo mampalio ra bilin ru Tuhan, am kalo noyo boo mangapu ra pangilaan Nano. Bandar no kalo malansan ra Tuhan am kalo makiindangan Riso.

UNTABAN 12:14

Taam Tuhan, “Amon ru tiwagin ru ama' nano bulos nano, moonsoi io mansaan ra uyu' buoi tulu' ngoorou. Ginio ra paingkualo' io intor ra pangkiman buoi tulu' ngoorou. Mopongo raginio, paumposon io saguli'.”

MATIUS 18:17

Amon ru kalo niayuk mangkirongog io ti, pabalaa' baal raginio ra pasimpungan ulun makapangintapatan. Pupus ti, amon ru kalo niayuk mangkirongog io ra ragu ragitio, karaa' noyo io ti koson ra kalo nakaulig ri Aki Kapuuno' kapoam sangulun mampalulur ra cukai.”

ROMA 16:17

Pabukat kau ngaangai', kitaakon takamin toojo, pagilalai' noyo ilo ondo' mampatuliar am mampalingou ra pangintapatan ru ulun Kristian. Pangilaan nilo kalo mogondo' ra nangilaan ramuyun i. Ginio ra inggalur kano risilo!

1 KORINTUS 4:14

Tinulisan ku gitio sala' ka koson mampakauyu' ramuyun, kaa' mangila' ramuyun koson ra anak kuno galama' ondo' tagamin kuno.

1 KORINTUS 5:11

Kaa' ondo' kon kuli, pai' kano latok ra ulun ondo' migiangku ra io Kristian, kaa' mansawa', makalit, sumamba ra sinungkalalaing, manimbaal ra ragu ra ulun bokon, gagaukon, kapoam mantatakou. Gumulung riso mangakan pana am pai'!

1 KORINTUS 5:9

Ralalom ru surat kuli ragili, nambala' aku ramuyun koson kalo lumatok ra ulun mansawa'.

2 KORINTUS 10:6

Mopongo kau mampainono' ra pampagagayaan min ri Kristus, bagu no akai tumampos mangukum ra osoi ayuk ondo' kalo gumagaya'.

2 KORINTUS 2:9

Ginio nai puun ru surat kuli ra masaga' aku mangkinam ramuyun, koson masalok kau kia mampagagaya' ra panusuban kuno.

2 KORINTUS 7:15

Am rumuang poyo kinotogom nano ramuyun, paat ra io nakakara' ra ati kulaan kau ngaangai' giminagaya' ra panusuban nali, am niayuk ati kulaan kau nangapu riso ra guang minggana' am urumat.

SAGULION 16:12

Gagaya' noyo ra susuban-susuban ragitio ra matanda'. Karaa' noyo ra inulipon kau giu' ra Misir ragili.”

PILIPI 2:12

Sabap raginio pabukat ondo' tagamin kuno, koson masalok kau niayuk giminagaya' raki' paat ra aku soroi ramuyun, mulu' poyo gagaya' mino ra raino ti ra itakau nakapaginggalur. Pirot kano mompogogot ra kaansayan ru pamayagan minti, ioginio mansail ra ati kulaan kinapirot ru guang min sumugut am mangurumat toojo ri Aki Kapuuno'.

KOLOSI 4:16

Mopongo surat ti mabasa' min, painjulo' min poyo ra pasimpungan ulun Kristian giu' ra Laodikia, maa' raginio mabasa' nilo niayuk. Mogondo' ra surat kuli ra bokon i ondo' painjulon boo ramuyun ru ulun Laodikia, basaa' min.

1 TISALONIKA 4:8

Ginio nai ra osoi ayuk kalo mangapu ra pangilaan ti, sala' ka ulun ayuk ondo' kalo apuon nati, kaa' i Aki Kapuuno' galama', ondo' mangani' ra Ambiluo Nano ramuyun.

2 TISALONIKA 3:6

Pabukat ku ngai', ralalom inggalan ru Tuhan Jisus Kristus, manusub akai ra inggalur kano ra ulun Kristian ondo' mangatiar, koson kalo maya' ra pangilaan ondo' pinaatak maili risilo.

TITUS 2:8

Raguo' noyo pangilaan motopot ayuk ondo' kalo mauwan ru ulun, maa' raginio pantula' muno mangauyu' sabap ra kolondo' rondo' pana panguwan ritakau.

TITUS 3:10

Moonsoi ru induain mu mansawai ra ulun ondo' mangkinibit ra pantutuliaran ra pasimpungan ulun Kristian. Am amon ru kalo niayuk gumagaya' io, pai' noyo pakimanrangan riso.

PILIMON 1:21

Tinulisan tokou ra surat ti sabap ra mangintopot aku ra suguton mu niayuk kitaakon kutu. Am napandayan ku ra mulu' poyo baalon muno.

IBRANI 13:17

Gagaya' kano ra tingganai mino am niayuk urumato' min ilo. Sabap ra ilo ti noyo linansanan ri Aki Kapuuno' magalung ra pangintapatan min. Amon ru gumagaya' kau risilo, makapangandoi ilo ra guang maansukan, kaa' amon ru kalo, maagat boo guang nilo am kolondo' onong ru ginio ramuyun.

2 JUANIS 1:10

Amon ru mokoondo' sasangulun matong ramuyun am kalo mambala' ra pangilaan ri Jisus Kristus, pai' min apuo' ulun no ralalom ru baloi min, am pai' min io tabio'.