2 TISALONIKA 3:1 - Tanou Moonsoi Timugon

¹ Pupus ti, pabukat ku ngai' pakiasi' kano ramon ra Tuhan, maa' raginio bala' ru Tuhan mataki' makatanou am apuon mabaya' ra urumat, mogondo' koson ra intok min ragili.

2 TISALONIKA 3:1 ပူးပေါင်းရင်းမြစ်များ

MAZMUR 138:2

Migulatur aku tumingkuang ra Baloi Muno ondo' matulai liliwa' mongompor ra inggalan Muno, sabap ra Okou ti magagaya' am togom Muno mantilayun, am nanulu' Kou noyo ra inggalan Muno am bala' Muno matulai.

MATIUS 9:38

Pakiasi' kano ra tatangan ru kumoson no maa' raginio manusub io ra ulun mangkumos ra tinanom nano.”

LUKAS 10:2

Indagu i Jisus risilo, “Kumoson no mauli' kaga' kaa' ulun mangkukumos no kalo masuang. Pakiasi' kano ri Aki Kapuuno' ondo' tatangan ra kumoson ti koson manusub Io poyo ra ulun mangkumos ra umo no.

RINALATAN 12:24

Liliwa' raginio tanou intor ri Aki Kapuuno' nakatabual poyo ra ati ayuk intok am masuang ulun nangintopot ri Jisus.

RINALATAN 19:20

Kon raginio noyo ra bala' intor ra Tuhan nakatabual poyo am masuang poyo boo ulun nangintopot ri Jisus.

RINALATAN 6:7

Kon raginio noyo Tanou Moonsoi ri Aki Kapuuno' nakatabual poyo am giu' ra Jirusalim i pana, riminuang poyo boo ondo' mangintopot ri Jisus. Masuang poyo imam Jaudi ondo' nangintopot.

ROMA 15:30

Pabukat kau ngaangai', kitaakon takamin toojo ralalom inggalan ru Tuhan takau i Jisus Kristus am ralalom ru togom tinaakan ru Ambiluo ri Aki Kapuuno', koson mababaya' takau mirot makiasi' ri Aki Kapuuno' ra bala kuno.

1 KORINTUS 16:9

Sabap ra masuang kaluagan moonsoi kuno mangandoi ra Tuhan ragiti, kabalu' pana masuang niayuk manggal raki'.

2 KORINTUS 1:11

Ra indangan ru pakiasian min mamayag Io poyo ramon. Sabap ra masuang pakiasian mini iowon ri Aki Kapuuno', am mambarakat io ramon, am sabap raginio, masuang ulun boo maringkuanang ri Aki Kapuuno'.

2 KORINTUS 13:11

Pupusin ku pabukat kau ngaangai', tumoojo kau! Pirot kano toojo tumanda' am rongogo' noyo bilin kutu. Pogogondoo' noyo guang min am koonsoi kano ra rondo' am bokon. Gama' ru i Aki Kapuuno' ondo' monogom am manaak ritakau ra pabansayan mabaya' ramuyun.

KOLOSI 4:3

Karaa' min niayuk akai ralalom ru pakiasian min, maa' raginio i Aki Kapuuno' mangani' ramon ra kaluagan mampasaboi ra tanou ri Kristus ondo' kalo igondo' pinabala'. Sabap ra kinibit ru kandoi ragitio noyo ra aku pinasubol ra pangaputan ti.

1 TISALONIKA 1:5

Ginio nai ra pampatanawan mai ra Tanou Moonsoi ti ramuyun i, sala' ka raragu ayuk, kaa' mabaya' ra kuasa' ru Ambiluo ri Aki Kapuuno' am mabaya' poyo ra kapandayan ra Tanou Moonsoi no motopot. Nakapandai kano ati kulaan kiralan ru kaayagan maili paat ra akai soroi ramuyun, koson nampakaatang akai ayuk ramuyun.

1 TISALONIKA 1:8

Sabap ra tumalimpuun intor ramuyun, bala' ru Tuhan nakasaboi noyo ra Makidonia am Akaya. Am sala' ka ginio ayuk, kaa' tanou intor ra pangintapatan min ri Aki Kapuuno' nakasuku' noyo ra ati-ati ayuk intok, saboi akai kalo pana boo mindagu intor raginio.

1 TISALONIKA 2:1

Pabukat ku ngai', akau galama' makapandai ra rinatangan maili ramuyun pai' ru kolondo' ampos.

1 TISALONIKA 2:13

Gitio rondo' poyo sasaban ra akai masalok maringkuanang ri Aki Kapuuno', ra nangkirongog am nangapu kau po ra tanou intor ri Aki Kapuuno' ondo' pinasaboi maili. Nangapu kau ra tanou no sala' ka koson ra tanou intor ra ulun, kaa' koson ra totopot i Aki Kapuuno' noyo intor ru tanou no. Am Io po nampasauk ramuyun nangintopot ri Kristus.

1 TISALONIKA 4:1

Pabukat ku ngai', pupus no, nangani' akai no ramuyun ra tiluan moonsoi ra ati koson ru kaayagan ondo' mapabansuk ra guang ri Aki Kapuuno' am ginagaya' min noyo ginio. Kaa' raino, ralalom inggalan ri Tuhan Jisus, kitaakon am kimaitin takamin mirot poyo toojo mapabansuk ra guang ri Aki Kapuuno'.

1 TISALONIKA 5:17

am pakiasi'.

1 TISALONIKA 5:25

Pabukat ku ngai', karaa' min niayuk akai ra pakiasian min.

2 TIMOTIUS 2:9

Sabap ra pampasabayan kuno ra Tanou Moonsoi i noyo aku naimbolo', saboi ra aku binangkil koson ayuk ra sangulun malaat. Kaa' bala' ri Aki Kapuuno' ti kalo noyo maalap kabangkil.