2 TISALONIKA 2:8 - Tanou Moonsoi Timugon

⁸ bagu no Ulun Malaat ti mintalang. Kaa' paat ri Tuhan Jisus matong, potoyon No Ulun Malaat no ra sampuyon no ayuk am pusoon No io ra sinda ru ratangan Nano.

2 TISALONIKA 2:8 ပူးပေါင်းရင်းမြစ်များ

2 SAMUIL 23:7

kolondo' sangulun pana masaga' mangambong raginio ra kalo mamakai ra basi' kapoam tutura'. Ulun koson raginio solobon koyoo'.

AYUP 4:9

Koson ra rasam am angin, namuso i Aki Kapuuno' risilo, am mabaya' ra sangit Nano mapuso ilo.

MAZMUR 18:15

Pabakison No panah Nano am kuliagayon No pantula' Nano; pasasakon No ganit no saboi ilo magiru'.

JISAYA 11:4

Ulun musikin akimin no ra matimpok, am paundokon no ulun lamumu' ra kabanisan ru guang. Tana' ti ukumin no ra susuban nano, am ulun malaat pusoon no.

JISAYA 30:28

Susubon No angin ra saang Nano koson ra liur mokopolos ra liog ondo' makapangabas ra atan-atan ayuk. Angin no mamuso ra bansa'-bansa' am mopolonggo' ra inatangan-inatangan nilo ra malaat.

DANIL 11:36

“Raja' ru Siria mambaal maya' ra kasagaan ru guang. Nabaya' ra kalimbawan, karaan ru raja' ra maayo io poyo intor ra dewa ru ati pana, am poyo makakuasa' poyo intor ri Aki Kapuuno' Ondo' Masawat Kaga'. Nambaal raja' no raginio saboi ra paat ri Aki Kapuuno' mangukum riso. Baalon ri Aki Kapuuno' totopot koson ra inatangan Nano.

DANIL 7:25

Manggal io ri Aki Kapuuno' Ondo' Masawat Kaga' am mangimbolo' ra ulun ri Aki Kapuuno'. Mangkinam io mangulau ra ukum am pangiantakan ru ugama nilo am ulun ri Aki Kapuuno' kuasaan no buoi talu ngambilor am maintanga'.

DANIL 7:26

Makama pangakiman ru suruga' pana mansusunur am mampagaau boo ra kuasa' nano, am niayuk mamuso raginio saboi malingon kapuso.

DANIL 8:25

Sabap ra ruung nano, makasugut io ralalom ru pamparuungan nano. Lumimbau io ra inan nano, am mamuso ra masuang ulun ra kalo mangani' ra pampakaraan. Io no poyo ondo' baani manggal ra Raja' Ondo' Maayo Kaga'. Kaa' pusoon io ra sala' ka ra kuasa' ru ulun.

GOSIA 6:5

Ginio ra manusub Aku ra nabi-nabi Kuno koson mampasaboi ra tanou Kuno ramuyun ra akau musiti' ukumin am pusoon. Ondo' gogoton Kuno intor ramuyun nakatalang am makito toojo.

MATIUS 13:19

Ulun ondo' mangkirongog ra tanou ati kulaan i Aki Kapuuno' mamarinta, kaa' kalo makarati', ulun koson ragitio noyo koson ra sampug ondo' naratu' ra ralan. Tingganai ru riwato no riminatong am nampagaau ra atan ondo' nakatias ra ralalom ru guang nilono.

MATIUS 13:38

Umo no, ioginio tana' ti. Sampug moonsoi no, ioginio ulun ondo' nasauk noyo ra ulun ri Aki Kapuuno', am alab no ulun ondo' maya' ra Tingganai ru riwato.

MATIUS 16:27

Sabap ra Anak ru Ulun no mamaar noyo rumatong ralalom katulayan ru Ama' Nano sumbayaan ru malaikat-malaikat Nano. Paat raginio mambalos Io ra moonong ulun maya' ra ondo' binaal nali.

MATIUS 16:28

Karaa' min! Mokoondo' kukula' ngaulun ragiti kalo matoi suku' ilo makakito ra Anak ru Ulun no rumatong koson ra raja'.”

1 KORINTUS 1:28

Pinili' No ondo' karaan ru ulun ru tana' ti koson kolondo' pangkat, kalo maatang am kolondo' onong. Maa' raginio maliom boo ri Aki Kapuuno' ondo' karaan ru ulun ru tana' ti maatang.

2 TISALONIKA 2:3

Pai' min noyo polosoo' osoi ayuk mamparuung ramuyun ra atan ayuk pana sasaban. Sabap ra kalo poyo masuku' Orou ratangan ru Tuhan Jisus, maaru' gitio galing masauk: Masuang boo ulun tumula' ri Aki Kapuuno' am mintalang boo Ulun Malaat, io ondo' inaru' noyo pasubolon ra naraka.

1 TIMOTIUS 6:14

suguto' noyo toojo ngaangai' panusuban ragitio mabaya' ra guang mapasau koson kolondo' makapanguu' rirun, suku' ra Orou ratangan ru Tuhan takau i Jisus Kristus.

2 TIMOTIUS 1:10

kaa' raino bagu pinaintalang mansail ra ratangan ru Mamamayag takau, i Jisus Kristus. Io no namandak ra kuasa' ru kapatayan ondo' manguasa' ra ngaangai' ulun am nagibit ra kaayagan mantilayun mansail ra Tanou Moonsoi ti.

2 TIMOTIUS 4:1

I Jisus Kristus matong poyo saguli' mongoi pangukum ra ulun maayag am ulun ondo' namagatoi noyo. Io ti matong mamarinta koson ra raja'. Ralalom inggalan Nano am poyo ri Aki Kapuuno', gitio kitaakon kutu toojo rirun;

2 TIMOTIUS 4:8

Am raino, taak kamanangan maginaa noyo raki'. Tuhan ondo' mangakim ra motopot, mangani' raki' ra taak ti paat ra Orou Pupus no. Pai' ru aku ayuk ondo' mokoowot raginio, kaa' ngaangai' ulun ondo' magiginaa ra ratangan Nano.

TITUS 2:13

Raino ti magiginaa takau ra Orou Kalansanan takau, ioginio papaintalangan ru katulayan ru Tuhan ondo' Maayo Kaga' Kuasa', i Jisus Kristus, Mamamayag takau.

IBRANI 10:27

Ondo' ayuk inaanin takau ioginio pangakiman ri Aki Kapuuno' am apui ra makalalaa' ondo' mampaluus ra pantula' Nano.

1 JUANIS 2:13

Ama' kau ngaangai', tulisin takamin sabap ra nakaulig kano ri Jisus Kristus ondo' soroi intor ra talimpuun i. Kamulakan kau ngaangai', tulisin takamin sabap ra naanggal min noyo Tingganai ru riwato no.

1 JUANIS 3:12

Pai' takau tiluo' paliso ri Kain. Nakaaya' io ra Tingganai ru riwato am namatoi io ra boborok nano galama' ondo' ininggalanan ri Abil. Kua potoyo' ri Kain boborok nali? Sabap ra ondo' binaal nali kalo motopot kaa' ondo' binaal ru boborok nali motopot.

1 JUANIS 5:18

Nakapandai takau ra ngaangai' ulun ondo' nasauk ra anak ri Aki Kapuuno' kalo marayus mambaal ra tula, sabap ra Anak ri Aki Kapuuno' mangampin riso am Tingganai ru riwato no kalo makaguut riso.

PINAINTALANG 1:16

Kalindu' pamiris Nano nampaguut ra tulu' butitin am intor ra kabang Nano miningkual rondo' ilang ruo larom. Bulos Nano makasinda koson ra pangit ru mato ru orou.

PINAINTALANG 13:5

Bibiag masigo no iowon lumimbau am migiangku ra io i Aki Kapuuno'. Iowon io poyo manguasa' apat ngoopor am ruo ngambulan.

PINAINTALANG 19:15

Intor ra kabang Nano miningkual rondo' ilang malarom ondo' mampakaala ra bansa'-bansa'. Parintaan No ilo ra kalo makaasi' mogondo' ra kawa' ru anggur kikinjangin ra intok pamagaan, ioginio sangit am ukum ri Aki Kapuuno' Maayo Kaga' Kuasa'.

PINAINTALANG 2:16

Sabap raginio, talikur kano intor ra tula mino! Amon ru kalo tumalikur kau, matong Aku ramuyun ra mataki' am tumula' ra ulun-ulun ra ilang ondo' mingkual ra kabang Kuno.

PINAINTALANG 20:10

Tingganai ru riwato boo ondo' namparuung risilo no pinatiran ra tasik ru apui ondo' naratok ra balirang mapaang. Gili, gitio noyo namatiran ra bibiag masigo am migiangku ra nabi no am imboloon ilo orou-rondom ra sabuoi-buoi no.