2 TISALONIKA 2:17 - Tanou Moonsoi Timugon

¹⁷ mampakatasu' am mampaikang ra guang mino. Maa' raginio makapambaal am makapampatanou kau boo ra atan ondo' moonsoi.

2 TISALONIKA 2:17 ပူးပေါင်းရင်းမြစ်များ

JISAYA 51:12

Mindagu Tuhan, “Aku noyo ondo' napabansuk ramuyun. Kua kalaa' kau ra ulun ondo' mapandai matoi, am ulun ondo' pinatiran koson ra sakot?

JISAYA 51:3

“Jirusalim, bansukon Tokou, am ngaangai' ondo' minayan ra napuutan Muno. Padang-padang muno ra mapua' saukon Ku ra taman, koson ra Idin, taman Kuno ra malabung. Giu' no ulun maantak am maansukan, am maringkuanang ra marimbai-rimbai.

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

JISAYA 62:7

Musiti' ilo marayus mapakara' Riso, saboi Io mapatapuli' ra Jirusalim, am saukon ginio ra bandar ondo' sasabiton ra titikop ra tana' ti.

JISAYA 66:13

Bansukon Takamin giu' ra Jirusalim, koson ra ina' mapabansuk ra anak nano.

ROMA 1:11

Ginio ra moogot aku toojo muma' ramuyun am niayuk magapu ramuyun ra barakat ru Ambiluo ri Aki Kapuuno' ra mapaikang ra guang mino.

ROMA 15:13

Gama' ru i Aki Kapuuno', puun ru kalansanan takau, mangani' ramuyun ra kaansukan am katasuan ru guang ralalom ru pangintapatan min Riso. Maa' raginio, ralalom ru kuasa' ru Ambiluo ri Aki Kapuuno', mikang poyo kalansanan mino Riso.

ROMA 16:25

Omporo' noyo i Aki Kapuuno'! Makakuasa' Io mampaikang ra pangintapatan mino sumugut ra Tanou Moonsoi intor ri Jisus Kristus ondo' pinabala' kuno ramuyun. Ginio potonowon kuno sumugut ra ondo' pinaintalang noyo ri Aki Kapuuno' raki', ioginio katapatan ondo' kalo igondo' pinabala' intor ra galing i.

1 KORINTUS 1:8

Io noyo galama' mampaikang ramuyun saboi ra orou pupus, maa' raginio akau kalo mauwan ra makasala ra orou ratangan Nano.

2 KORINTUS 1:21

I Aki Kapuuno' galama' mampaikang ramon, mababaya' ramuyun, sumimpung ri Kristus; Io niayuk nampili' ritakau ra Io no tatangan.

KOLOSI 2:7

Polosoo' Io no sumauk ra puun ru kaayagan min. Pangintapatan mino Riso ondo' koson ra puun nano mulu' poyo ikang no sumugut ra atan ondo' inila' ramuyun i. Kasalok kano mongongompor mabaya' ra ragu paringkuanangan.

1 TISALONIKA 3:13

Maa' raginio mampaikang Io ramuyun, saboi guang mino mapasau am kolondo' sala ra pagilangan ri Aki Kapuuno', Ama' takau, paat ra ratangan ru Tuhan takau, i Jisus, mabaya' ra ngaangai' ulun Nano.

1 TISALONIKA 3:2

liliwa' poongoyon mai ramuyun i Timotius, pabukat takau. Io no sangulun mangangandoi ra Tuhan ondo' mabaya' ramon mampasaboi ra Tanou Moonsoi ri Kristus. Io sinusub mai mampaikang ra guang am pangintapatan mino ri Kristus.

2 TISALONIKA 2:16

Gama' ru Tuhan takau, i Jisus Kristus galama', am i Aki Kapuuno', Ama' takau, ondo' nonogom ritakau am ondo' ralalom ru kataawan Nano nangani' ritakau ra guang mataan am ra kalansanan moonsoi,

2 TISALONIKA 3:3

Kaa' Tuhan no totopot malansanan. Mampaikang am magalung Io ramuyun intor ra kalaatan.

IBRANI 13:9

Pai' kano karuung ra nansalinut pangilaan ondo' mampakalayau, kaa' musiti' mangapu takau ra kataawan ri Aki Kapuuno', maa' raginio kaikangon guang takau Riso. Pai' takano boo baya' ra kaulayan intor ra atan kia maakan kapoam kalo, sabap raginio kalo noyo nakapangindangan risilo ondo' sumugut raginio.

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.

1 JUANIS 3:18

Pabukat kau ngaangai'! Togom mino sala' ka raragu ayuk. Itakau musiti' motogom intor ra guang mabanis, ondo' makito ru ulun ralalom baalon takau.

JUDAS 1:24

Gama' ru i Aki Kapuuno' ondo' makakuasa' magalung ramuyun intor ra kinibit ru tula, am poyo mompoongoi ramuyun ra katulayan Nano mabaya' ra kaansukan ru guang,