2 TISALONIKA 2:13 - Tanou Moonsoi Timugon

¹³ Pabukat ku ngai' ondo' tagamin ru Tuhan, musiti' akai masalok maringkuanang ri Aki Kapuuno' sabap ra akau, sabap ra pinili' kano ri Aki Kapuuno' ra kasaa' ra bayagon kau. Ralalom ru Ambiluo Nano am pangintapatan min ra katapatan intor ri Aki Kapuuno', sinauk kau ri Aki Kapuuno' ra ulun Nano ondo' mapasau.

2 TISALONIKA 2:13 ပူးပေါင်းရင်းမြစ်များ

KASAUKAN 1:1

Paat ra talimpuun i paat ri Aki Kapuuno' napasauk ra limbowon am namingkal ra tana' ti.

2 SAMUIL 12:25

am nanusub ra Nabi Natan manginggalan ra anak no ri Jidija, sabap ra motogom Tuhan riso.

AMSAL 8:23

Aku pagulu binangun, ra kalo poyo binangun tana' ti.

JISAYA 46:10

Intor ra talimpuun pabalaan Ku baal ra orou matong, intor ra galing i maguang Ku atan kasaukan. Ragu Ku: Pamatasan Kuno maaru' masauk, kasagaan Kuno musiti' Ku baalon!

JIRIMIA 31:3

intor ra maalur minintalang Aku risilo. Ulun kau ru Israil, intor ragili masalok Aku motogom ramuyun, am parayuson Ku mampakito ra masalok Aku motogom ramuyun.

YEHEZKIEL 16:8

“Paat ra Aku nansail poyo, nakaliman Aku ra paat muno koson makakubayau nasaboi noyo. Sinilian Ku inan muno ondo' nagibabaang no ra sukub Kuno. Nambantu' Aku motogom rirun am nambaal Aku ra nabantuan paguatan rirun maa' raginio okou masauk ra Aku tatangan.” Koon raginio noyo ragu ru Tuhan Raja'.

DANIL 10:11

Kon ru malaikat no raki', “Okou Danil, motogom i Aki Kapuuno' rirun. Sukal no am rongogo' toojo ragu kuti. Sinusub aku mongoi rirun.” Karagu no ginio, sukal aku, am lakat poyo monontol.

DANIL 10:19

Kono, “Motogom i Aki Kapuuno' rirun. Ginio ra pai' kalaa' am pai' pagalabo intor ra atan-atan pana.” Karagu no ginio, giminaai ikang kuno. Indagu aku boo, “Tuan, indagu no. Pinaikang mu aku.”

DANIL 9:23

Paat ra okou timinalimpuun nakitaak ri Aki Kapuuno', tinaam No kinitaak muno. Minatong aku nampasaboi ra taaman no sabap ra motogom Io kaga' rirun. Ginio ra rongogo' toojo liliwa' ra aku mambala' toojo ra arati' ru pinaintalang no.

LUKAS 1:75

am mambaal ra kasagaan Nano am mangandoi Riso ayuk, buoi itakau maayag ra tana' ti.

JUANIS 1:1

Paat ra talimpuun i, ra kalo poyo nabingkal tana' ti, mokoondo' noyo Ragu. Ragu no soroi ri Aki Kapuuno' am Io ti niayuk nogondo' ri Aki Kapuuno'.

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

RINALATAN 13:48

Pakaining ayuk ulun sala' ka Jaudi ragu raginio, naansukan ilo toojo saboi mongongompor ilo ra bala' intor ra Tuhan i. Ulun ondo' inaru' noyo ri Aki Kapuuno' koson mokoowot ra kaayagan motopot am mantilayun, nangintopot ilo ri Jisus niayuk.

RINALATAN 15:9

I Aki Kapuuno' kalo manginggi' ra osoi ayuk pana; ulun ru Jaudi kia kapoam sala' ka Jaudi. Ampunon No niayuk tula nilai sabap ra mangintopot ilo.

ROMA 6:17

Kaa' paringkuanangan ri Aki Kapuuno', sabap ra galing i inulipon kau ru tula, kaa' raino gumagaya' kau toojo ra pangilaan motopot ondo' inapu min.

ROMA 8:33

Osoi makapanguu' risilo ondo' pinili' ri Aki Kapuuno'? Maaru' kolondo'! I Aki Kapuuno' galama' mambala' ra itakau kolondo' sala.

ROMA 9:11

Koson mampakito ra sangulun intor ra anak-anak pilian Nano, minindagu i Aki Kapuuno' ri Ribika, “Anak ra katuaan no mangandoi ra boborok nano.” Ginio rinagu Nano ra kalo poyo karuruo anak ni inanak am kalo poyo nambaal ilo ra moonsoi kapoam malaat. Maa' raginio makito toojo ra pilian ri Aki Kapuuno' no kalo inimpuun ra baal nilo, kaa' maya' ra pampiawan Nano galama' ayuk.

1 KORINTUS 1:21

Sumugut ra kapintaran Nano, nangaru' i Aki Kapuuno' ra osoi ayuk kalo makaulig Riso maya' ra kapintaran nano galama'. Kaa' Io no mamayag risilo ondo' mangintopot Riso minumbaya' ra tanou ondo' posoboyon maino, ondo' karaan ru ulun ru tana' ti ra ragu sasambungon.

GALATIA 3:1

Kua boo ramuyun, ulun ru Galatia, sasambungon kau nai! Osoi noyo namparuku' ramuyun? Kalo kia pinabala' ku ramuyun noyo toojo pinatayan ri Jisus Kristus ra salip!

IPISUS 2:8

Sabap ra asi' ri Aki Kapuuno' noyo itakau binayag, ioginio sabap ra pangintapatan takau. Am kaayagan no sala' ka intor ra baal moonsoi takau, kaa' ginio taak intor ri Aki Kapuuno'.

SAGULION 33:12

Intor ra bansa' ru Binjamin, indagu io, “Gitio noyo bansa' ondo' tagamin am sindungin ru Tuhan; magalung Io risilo ra tutukir paat, minayan Io ra tatanga' nilo.

KOLOSI 1:5

Ra intor noyo ra Tanou Moonsoi ondo' motopot ti kasaa' pinabala' am nakasaboi ramuyun, makakalansanan kano. Mangintopot am motogom kau sabap ra kalansanan makaapu ondo' pinongo noyo ramuyun giu' ra suruga'.

KOLOSI 3:12

Akau nakasimpung noyo ri Aki Kapuuno', nampili' Io no ramuyun am monogom Io ramuyun. Ginio nai ra pakitono' min noyo togom min, bonsoi ru guang min, inggana' ru guang min, kinolomoi ru guang min am poyo kinataan ru guang mino.

1 TISALONIKA 1:4

Pabukat kau ngai' ra Kristian, nakapandai akai ra motogom i Aki Kapuuno' ramuyun am nampili' ramuyun masauk ra ulun Nano.

1 TISALONIKA 2:12

Sinawai, sinimayo am kinimaitan takamin koson maayag kau sumugut ra kasagaan ri Aki Kapuuno', ondo' mampiau ramuyun makaliman ra Tana' Bagu ri Aki Kapuuno' am katulayan Nano.

1 TISALONIKA 4:7

Kalo piniau takau ri Aki Kapuuno' koson maayag ra pansasawaan, kaa' koson maayag ra mapasau.

1 TISALONIKA 5:9

Sabap ra pai' ru pinili' takau ri Aki Kapuuno' koson ra ukumin, kaa' koson mokoowot takau ra pamayagan ralalom ri Jisus Kristus, Tuhan takau.

2 TISALONIKA 1:3

Pabukat ku ngai', musiti' akai masalok maringkuanang ri Aki Kapuuno' sabap ra akau. Am ginio noyo maaru' baalon mai, sabap ra mulu' poyo boo akau mangintopot ri Kristus am togom maayo min ra ulun bokon.

2 TISALONIKA 2:10

Mamparuung io ra mansalinut kalaatan ra ulun ondo' maaru' pusoon. Pusoon ilo sabap ra kalo nangapu am nonogom ilo ra katapatan intor ri Aki Kapuuno' ondo' makapamayag risilo.

2 TISALONIKA 2:12

Maa' raginio, ngaangai' ondo' kalo mangintopot ra katapatan intor ri Aki Kapuuno', kaa' maansayan ayuk ra kalaatan, ukumin ilo.

2 TISALONIKA 2:16

Gama' ru Tuhan takau, i Jisus Kristus galama', am i Aki Kapuuno', Ama' takau, ondo' nonogom ritakau am ondo' ralalom ru kataawan Nano nangani' ritakau ra guang mataan am ra kalansanan moonsoi,

2 TIMOTIUS 1:9

I Aki Kapuuno' nampakaayag am nampiau ritakau maa' raginio gumagaya' toojo Riso. Am gitio sala' ka intor ra atan ondo' binaal takau ra moonsoi, kaa' sotopot no sabap ra pangatangan am kataawan Nano galama'. Am ginio sinauk Nano sabap ri Jisus Kristus ra kalo poyo tana' ti biningkal,

2 TIMOTIUS 2:15

Singkotog no toojo ra iowon kou ri Aki Kapuuno' koson sangulun mangangandoi ondo' kalo mauyu' ra baal ru kondoyon nano, kaa' makapangila' toojo ra katapatan intor ri Aki Kapuuno'.

2 TIMOTIUS 3:15

am nakaulig kou ra Buuk Kitab intor ra okou boborok ayuk poyo. Ginio makapangani' rirun ra kapintaran koson mokoowot ra pamayagan sabap ra pangintapatan mu ri Jisus Kristus.

IBRANI 1:10

Minindagu poyo i Aki Kapuuno' ra Anak Nano: “Okou noyo Tuhan, ondo' namingkal ra tana' ti ra talimpuun i, am Okou galama' nambaal ra limbowon.

JAKUBUS 1:18

Sumugut ra kasagaan Nano galama', itakau pinakaanak No mansail ra bala' Nano ra motopot ondo' pinasaboi ritakau. Ginio sabap ra nangani' Io poyo ritakau ra intok kasaa' intor ra ngaangai' sinauk Nano.

1 JUANIS 4:10

Gitio noyo togom: sala' ka itakau nonogom ri Aki Kapuuno', kaa' i Aki Kapuuno' nonogom ritakau. Am nanusub Io ra Anak Nano sumauk ra pabansayan ru tula takau.

1 JUANIS 4:19

Mokotogom takau sabap ra i Aki Kapuuno' nakapagulu motogom ritakau.