2 TISALONIKA 2:12 - Tanou Moonsoi Timugon

¹² Maa' raginio, ngaangai' ondo' kalo mangintopot ra katapatan intor ri Aki Kapuuno', kaa' maansayan ayuk ra kalaatan, ukumin ilo.

2 TISALONIKA 2:12 ပူးပေါင်းရင်းမြစ်များ

MAZMUR 11:5

Mangkinam Io ra ulun moonsoi am niayuk ulun malaat; masisang Io kaga' ra ulun ondo' monogom ra kalaatan.

GOSIA 7:3

Indagu Tuhan, “Ra ruung am binaal malaat, kuminam mamagun mampabansuk ra guang ru raja' am pagawai-pagawai nano.

MIKA 3:2

kaa' masisang kau ra kaansayan am masaga' ra kalaatan. Ngaangai' bansa' Kuno iningkulitan min, am bininsang kual nilo intor ra bungul.

MARKUS 14:11

Naansukan kaga' tingganai imam Jaudi paat ra nangkirongog am bantu' nilo mangani' riso ra ruit. Kopongo ragili mampaguang io ra orou moonsoi pataakon no i Jisus risilo.

MARKUS 16:16

Osoi ayuk mangintopot am riwon, io no bayagon; kaa' osoi ayuk kalo mangintopot, io no ukumin.

JUANIS 3:36

Maa' raginio osoi ayuk mangintopot ra Anak no mokoowot ra kaayagan motopot am mantilayun. Kaa' osoi ayuk kalo gumagaya' Riso no, kalo mokoowot ra kaayagan no, kaa' mantilayun i Aki Kapuuno' masisang riso.

ROMA 1:32

Nakapandai ilo ra maya' ra ukum ri Aki Kapuuno' ulun ondo' nambaal koson raginio ukumin ra potoyon. Iou pana koson raginio, rayuson nilo ginio am maansayan ilo poyo ra ulun bokon ondo' mambaal koson niayuk raginio.

ROMA 12:9

Tagami' noyo ulun bokon ra totopot ru guang min. Kasisangi' min baal ra malaat am rayuso' min mambaal ra moonsoi.

ROMA 2:8

Kaa' ilo ondo' masalok maguyum ra kasingkatan galama', manginggi' ri Aki Kapuuno' am poyo gumagaya' ra kalaatan, ilo no kasangitan am ukumin ri Aki Kapuuno'.

1 KORINTUS 13:6

Kalo kaansayin no kalaatan, kaa' maansayan io ra baal moonsoi.

SAGULION 32:35

Mansuli' Tuhan am mangukum risilo; masaboi paat no ra ilo maratu' am mapuso, orou katutukan nilo mataki' makasaboi.

1 TISALONIKA 5:9

Sabap ra pai' ru pinili' takau ri Aki Kapuuno' koson ra ukumin, kaa' koson mokoowot takau ra pamayagan ralalom ri Jisus Kristus, Tuhan takau.

2 TISALONIKA 2:10

Mamparuung io ra mansalinut kalaatan ra ulun ondo' maaru' pusoon. Pusoon ilo sabap ra kalo nangapu am nonogom ilo ra katapatan intor ri Aki Kapuuno' ondo' makapamayag risilo.

2 PITRUS 2:3

Ulun-ulun migigiangku ra mangingila' maringkumaa' am mansail ra tutunungon nilai ti noyo maguyum ilo ayuk ra ampos nilo galama'. Kaa' pinatampos noyo kalalair ukum pataakin risilo am kapusaan ondo' inaru' no, maginaa noyo risilo.

3 JUANIS 1:11

Pabukat ondo' tagamin kuno! Pai' tiluo' paliso ra malaat, kaa' tiluo' ondo' matanda' no. Ulun ondo' mambaal ra matanda', io anak ri Aki Kapuuno'. Ulun ondo' mambaal ra malaat, io no kalo poyo nakaulig ri Aki Kapuuno'.