2 TISALONIKA 1:9 - Tanou Moonsoi Timugon

⁹ Ukumin ilo ra kapatayan mantilayun, pasuayon ilo intor ra Tuhan am intor ra kuasa' matulai Nano.

2 TISALONIKA 1:9 ပူးပေါင်းရင်းမြစ်များ

KASAUKAN 3:8

Paat ra mamai', nakaining ilo ra Tuhan i Aki Kapuuno' minugar ra ralalom ru taman am pansibuni ilo ra lolot ru puun-puun am kalo boo makito ilo ru Tuhan.

KASAUKAN 4:16

Ugar boo i Kain intor ra saang ru Tuhan am ayan io giu' ra tana' ondo' ininggalanan ra “Tanggawan” giu' ra tampilon sirangon ru Idin.

AYUP 21:14

Ulun malaat manusub ri Aki Kapuuno' minggalur risilo; marara' ilo makapandai ra kasagaan Nano ra tayar ru bayag nilo.

AYUP 22:17

Ginio noyo ulun ondo' nangimpai ri Aki Kapuuno', am mangkara' ra Io Ondo' Maayo Kaga' Kuasa' kalo mambaal ra atan-atan risilo.

MAZMUR 16:11

Tinuluan Mu aku ra ralan kaayagan; rinatangan Muno mapakaantak raki', am magail ayuk mapabansuk raki'.

MAZMUR 51:11

Palikaro' bulos Muno intor ra tula kuno, am pusoo' noyo ngaangai' kalaatan kuno.

JISAYA 1:28

Kaa' pusoon No moonong ulun ra makatula am niayuk ulun gumuor Riso no. Potoyon No moonong ulun ondo' mangiruan Riso.

JISAYA 2:10

Mansibuni ilo ra ralalom ru luang batu giu' ra kabatuan bulur, kapoam mangkali ra luang giu' ra tana' koson pansibunian maa' raginio makatuliar ilo ra sangit ru Tuhan, mansibuni intor ra kuasa' am niayuk katulayan Nano!

JISAYA 2:19

Ulun mansibuni ra ralalom ru luang batu giu' ra kabatuan bulur, kapoam mangkali ra luang giu' ra tana' koson tumuliar ra sangit ru Tuhan, am mansibuni intor ra kuasa' am katulayan Nano bulintok ra Io matong manguyog ra tana' ti.

JISAYA 2:21

Bulintok Tuhan matong manguyog ra tana' ti, ulun mansibuni ralalom ru luang batu giu' ra kabatuan bulur koson tumuliar intor ra sangit Nano, am mansibuni intor ra kuasa' am niayuk katulayan Nano.

JISAYA 33:14

Namagun ra Sion ondo' makatula monontol malaa'. Konilo, “Ukuman intor ri Aki Kapuuno' koson ra apui ondo' monolob ra sabuoi-buoi no. Mokoondo' kia osoi mabayag intor ra apui no?”

JISAYA 66:24

Bulintok ra ilo muli', makito nilo baangkai-baangkai ru ulun ondo' giminuor Raki'. Ulor mangakan ra baangkai nilono kalo matoi, am apui monolob risilo no kalo malasa'. Pagilayan raginio makalalaa' kaga' ra ngaangai' ulun.”

DANIL 12:2

Masuang ulun ondo' minatoi maayag saguli': mokoondo' ondo' makasia' ra kaayagan mantilayun, mokoondo' poyo ondo' maimbolo' ra mantilayun.

MATIUS 16:27

Sabap ra Anak ru Ulun no mamaar noyo rumatong ralalom katulayan ru Ama' Nano sumbayaan ru malaikat-malaikat Nano. Paat raginio mambalos Io ra moonong ulun maya' ra ondo' binaal nali.

MATIUS 22:13

Indagu boo raja' ti ra ulipon-ulipon nano, ‘Bangkilo' kalayam am kalindu' nano am patiri' io ti ra lisar ondo' intok molondom. Giu' no mantangi' io am manguritot boo ripon nano.’ ”

MATIUS 24:30

Bagu no tatandu' ra Anak ru Ulun no makito ra limbowon am bagu no ulun ra tana' ti mantatangi', am makito nilo Anak ru Ulun matong ra gaun mabaya' ra ikang am katulayan Nano ra maayo.

MATIUS 25:41

“Mindagu boo raja' no ra ulun-ulun ru kait i: ‘Pagiru' kano intor Raki', akau ulun inulas ri Aki Kapuuno'! Ayan kau ra ralalom apui ra mantilayun ondo' inaru' ra Tingganai ru riwato am malaikat-malaikat nano.

MATIUS 25:46

Akau ti ukumin ra ukum mantilayun, kaa' ulun motopot mokoowot ra kaayagan mantilayun.”

MATIUS 26:24

Anak ru Ulun matoi koson ra tinulisan ra Buuk Kitab. Kaa' mumpara' boo lalaat ra ulun ondo' mampataak ra Anak ru Ulun! Mulu' bonsoi ru ulun no ra kalo inanak!”

MATIUS 7:23

Kaa' tumaam Aku risilo, ‘Kalo nakaulig Aku ramuyun! Pagiru' kano intor Raki', akau ulun malaat!’ ”

LUKAS 13:27

Kaa' indagu saguli' tuan no, ‘Kalo makapandai aku ati intor min. Pagiru' kau intor raki', akau ngaangai' ondo' mambaal ra kalaatan!’

JUANIS 5:14

Kalo nabuoi ragili, tinuum io ri Jisus giu' ra Baloi Tuhan am ragui' no ulun i, “Napali' kou noyo raino. Pai' noyo boo inganganai' tula mutu, maa' raginio kalo matiu' kou ra baal makalalaa' poyo.”

SAGULION 33:2

Minatong Tuhan intor ra Gunung Sinai; Siminila' io koson ra mato ru orou giu' ra rasawat ru Idom, am intor ra Gunung Paran simininda Io ra ulun Nano. Riribu malaikat mabaya' Riso; ra kalindu' pamiris Nano mokoondo' ra apui ondo' bibilak.

PILIPI 3:19

Kaa' pupus no ilo ti poongoyon ak ra naraka, sabap ra kasagaan ru guang nilo galama' ti noyo ondo' alapon nilo koson ra tuhan nilai. Mongompor ilo toojo ra baal nilai ondo' sotopot no makauyuyu' am mangkara' ilo ayuk ra atan ondo' guangon ru ulun ru tana' ti.

1 TISALONIKA 5:3

Paat ra ulun mindagu ra, “Raino nampalinos noyo ngaangai' am mokoondo' noyo pabansayan,” paat raginio niayuk pulali' kon ilo pusoon. Pulali' kon Io matong koson ra ruol ru ruandu' matipaganak, am kalo makapagiru' ilo.

2 TISALONIKA 2:8

bagu no Ulun Malaat ti mintalang. Kaa' paat ri Tuhan Jisus matong, potoyon No Ulun Malaat no ra sampuyon no ayuk am pusoon No io ra sinda ru ratangan Nano.

TITUS 2:13

Raino ti magiginaa takau ra Orou Kalansanan takau, ioginio papaintalangan ru katulayan ru Tuhan ondo' Maayo Kaga' Kuasa', i Jisus Kristus, Mamamayag takau.

IBRANI 10:29

Mumpara' boo bagat paukumin ra ulun ondo' magasab ra Anak ri Aki Kapuuno' am mangkara' ra kolondo' noyo onong ru raraa' nabantuan ri Aki Kapuuno' ondo' mangampun ra tula nano, am magasab poyo ra Ambiluo ri Aki Kapuuno' ondo' mangasi' riso.

2 PITRUS 2:17

Ulun-ulun migigiangku ra mangingila' no mogondo' ra taur napua' kapoam gaun ondo' siniaban ru bagiu' mapuor. Pinatampos noyo ri Aki Kapuuno' risilo rondo' intok molondom toojo.

2 PITRUS 3:7

Kaa' alungin No limbowon am tana' ondo' soroi ra raino ti, suku' ra Orou Pangukuman, ioginio paat ra ilo solobon ra apui am ulun malaat pusoon.

JUDAS 1:13

Koson ra kinulun mapuor ru raat manamputa', ilo mampakito ra baal nilo ondo' makauyuyu'. Ilo ti koson ra butitin ondo' pabanding-banding, ilo inaru' noyo ri Aki Kapuuno' ra intok molondom kaga' suku' ra mantilayun.

PINAINTALANG 20:11

Kakito ku boo rondo' takhta ondo' maayo am mapulak am Io ondo' nanturung no. Limbowon am tana' maliom ra saang Nano, saboi kalo boo makito saguli'.

PINAINTALANG 20:14

Patayan am Nabalu pinatiran ra tasik ru apui. (Tasik ru apui ti ioginio kapatayan ra kainduo.)

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”

PINAINTALANG 22:15

Kaa' ulun mambaal ra makauyuyu' am majamol, ulun makakapandayan malaat, mansasawa', mamamatoi, ondo' sumamba ra sinungkalalaing, am ulun magagabau – iou pana maya' ra ragu kapoam binaal nano; ngaangai' ulun ragitio intok nilo ra liwar ru bandar no.