2 TISALONIKA 1:5 - Tanou Moonsoi Timugon

⁵ Am gitio noyo kakitanan ra kinabanis ru pangakiman ri Aki Kapuuno': Ra naimbolo' kano sabap ra pangintapatan min Riso, paayaan kau makaliman ra Tana' Bagu ri Aki Kapuuno'.

2 TISALONIKA 1:5 ပူးပေါင်းရင်းမြစ်များ

AYUP 8:3

Kalo igondo' i Aki Kapuuno' nampajajou ra katimpakan; kalo igondo' Io kaputat mambaal ra baal ondo' moonsoi.

MAZMUR 111:7

Tuhan matimpok am mampagagaya' ra atan ondo' baalon Nano; nansalinut panusuban Nano maintopot.

MAZMUR 33:5

Tuhan monogom ra kabanisan ru guang am katimpakan; titikop ru tana' ti natikop ra togom Nano.

MAZMUR 50:6

Limbowon napatanou ra katimpakan ri Aki Kapuuno', sabap ri Aki Kapuuno' noyo akim.

MAZMUR 72:2

maa' raginio raja' no mamarinta ra ulun Muno ra kabanisan ru guang, am matimpok pakuan ra ulun ondo' inimpayan.

MAZMUR 99:4

Okou Raja' ondo' maikang, tinogom Mu ukum; pinabigor Mu katimpakan giu' ra Israil, pinaugar Mu ukum am katimpakan.

JIRIMIA 9:24

Amon ru osoi pana mamanggo, musiti' io mamanggo sabap ra io nakaulig am nakarati' Raki', am ra Aku noyo Tuhan ondo' motogom ra ulun ra sabuoi-buoi no, am Aku mambaal ra matimpok am motopot. Ngaangai' no makabansuk ra guang Kuno. Aku, Tuhan, nakaindagu noyo.”

DANIL 4:37

“Raino aku, i Nibukadnijar, mongompor, mangurumat am mampatulai ra Raja' panguasa' giu' ra suruga'. Ngaangai' binaal Nano motopot am matimpok. Masaga' io mapainggana' ra osoi ayuk ondo' lumimbau.”

LUKAS 20:35

kaa' ilo ondo' sama' bayagon saguli' am maayag ra mantilayun kalo boo magagandu' ilo.

LUKAS 21:36

Ilalai' am kasalok makiasi', maa' raginio makapantataan kau baal ragitio ra io masauk am paat ra akau paumaan ra Anak ru Ulun.”

RINALATAN 13:46

Kaa' mulu' piboo i Paulus am i Barnabas makakau' mindagu, konilo, “Akau no galing sotopot no papasabayan ra bala' intor ri Aki Kapuuno' ti. Kaa' kalo inapu min am pangkaraan min poyo ra kalo noyo maaya' kau mokoowot ra kaayagan motopot am mantilayun ti. Ginio sabap ra akau iruanin mai am mongoi akai poyo ra ulun sala' ka Jaudi.

RINALATAN 14:22

Nampaikang ilo ra ulun-ulun nangintopot am nangkimait risilo koson marayus mangintopot ri Jisus. “Masuang kapaganan matuum takau galing maa' raginio makaili' takau Pamarintaan ri Aki Kapuuno',” nangilaan nilo.

ROMA 2:5

Kaa' akau mailo raguin am mokotog ulu! Intor raginio mampagaai kau po ra bagat ru ukum min ra Orou Pupus no, ioginio paat i Aki Kapuuno' mampaintalang ra sangit am ukum ondo' mabanis.

ROMA 8:17

Sabap ra itakau noyo anak ri Aki Kapuuno', makaapu takau ra barakat Nano ondo' inula' No ra ulun Nano. Mabaya' ri Kristus, makaapu takau poyo ra atan ondo' inula' noyo ri Aki Kapuuno' Riso. Sabap ra amon ru itakau makaaya' maimbolo' koson ri Kristus, makaaya' takau niayuk katulayon koson Riso.

IPISUS 4:1

Ginio sabap ra aku ti ondo' inaput sabap ra mangandoi ra Tuhan, makitaak toojo ramuyun ra kaayag kano maya' ra atan ondo' inaru' noyo ri Aki Kapuuno' paat ra Io nampiau ramuyun.

PILIPI 1:28

Pakakau' kano; pai' kalaa' risilo ondo' mangimbolo' ramuyun. Intor ra ginio mampakito kau ra ilo ti maala am akau makagula', sabap ri Aki Kapuuno' galama' intor ru indangan minti.

KOLOSI 1:12

Am mabaya' ra kaansukan, paringkuanang kano ri Aki Kapuuno', Ama' takau, ondo' nampasauk ramuyun makatayar intor ra pinongo Nano ra ulun ondo' mangintopot Riso, giu' ra ralalom ru pamarintaan ondo' natikop ra sinda Nano.

1 TISALONIKA 2:14

Pabukat ku ngai', akau pana nakaliman ra atan ondo' nasauk ra pasimpungan ulun Kristian giu' ra Judia, ioginio ilo ondo' nangintopot ri Jisus Kristus. Kaimbalaan ondo' malimanan min ti intor ra bansa' min galama', mogondo' niayuk ra sauk ru ulun Kristian ru Judia ra ilo inimbolo' ru ulun ru Jaudi.

2 TISALONIKA 1:11

Ginio sabap ra masalok makiasi' akai ri Aki Kapuuno' koson mampasauk ramuyun ra ulun ondo' maaya' ra pampiawan Nano. Gama' ru mabaya' ra kuasa' Nano, i Aki Kapuuno' makasauk ra kasagaan min mambaal ra moonsoi am mampaukop ra ngaangai' kinapirot ru pangintapatan min.

2 TIMOTIUS 2:12

Amon ru tumaan takau, makapamarinta takau niayuk mabaya' Riso. Amon ru magali' takau Riso, Io pana magali' ritakau.

PINAINTALANG 15:4

Osoi kia ondo' kalo malaa' Rirun, Tuhan? Osoi kia ondo' kalo masaga' mampatanou ra urumat Muno. Okou ayuk mapasau kaga'. Ngaangai' bansa' rumatong samba Rirun, sabap ra binaal Muno ondo' matimpok nakito ru ngaangai' ulun.”

PINAINTALANG 16:7

Korongog ku boo bolos intor ra panalaban ra kaminyan no mindagu, “O Tuhan, i Aki Kapuuno' Maayo Kaga' Kuasa'. Motopot am matimpok ukum pinataak Muno risilo!”

PINAINTALANG 19:2

Motopot am mabanis pangukuman Nano. Nakapangukum Io no ra ruandu' mantatalan ra inan nano ondo' nampakalayau ra ulun ru tana' ti ra pansasawaan nano. Nakapangukum Io noyo riso sabap ra namatoi io ra ulipon ri Aki Kapuuno'.”

PINAINTALANG 3:4

“Kaa' mokoondo' intor ramuyun ra bandar Sardis ondo' kalo minaya' mambaal ra tula, ioginio kalo jinamalan kau. Mababaya' kau Raki' am pambayangon kau ra mapulak sabap ra maaya' kau noyo.