2 TISALONIKA 1:4 - Tanou Moonsoi Timugon

⁴ Ginio ra akai galama' maansukan mantunung ra pasimpungan ulun Kristian no ra ati kulaan kinaikang ru pangintapatan mino ri Kristus paat ra maimbolo' am mapagon ondo' malimanan min.

2 TISALONIKA 1:4 ပူးပေါင်းရင်းမြစ်များ

ROMA 12:12

Lansan kano ra Tuhan ra guang maansukan. Kataan kano amon ru makakapaganan am kasalok pakiasi' ra Tuhan.

ROMA 2:7

Ilo ondo' masalok mambaal ra moonsoi, ioginio malansan ra katulayan, urumat am kaayagan mantilayun intor ri Aki Kapuuno', ilo noyo aniin No ra kaayagan motopot am mantilayun.

ROMA 8:25

Kaa' amon ru lumansan takau ra atan ondo' kalo poyo makito, kulimanon takau ra guang mataan.

1 KORINTUS 7:17

Kaayag kano sigagama' sumugut ra tinaakan ru Tuhan ramuyun, ioginio tayar ru kaayagan min paat ri Aki Kapuuno' nampiau ramuyun. Ginio noyo pangilaan kuno ra moonong pasimpungan ulun Kristian.

2 KORINTUS 12:10

Sabap raginio, kalo malaa' aku makauma' ra atan ayuk kalawaan; pagasaban, kapoam nansalinut kapaganan sabap ra kaatangan ri Kristus. Sabap ra paat ra aku malawo, maintuma' niayuk raginio paikangon aku boo.

2 KORINTUS 7:14

Nokopongompor aku no alia ramuyun ra saang nali, am maansayan aku ra kalo tupo nampakauyu' kau raki'. Ngaangai' ragu mai ramuyun motopot ayuk, mogondo' niayuk ra ompoporon maili ri Titus i pana motopot.

2 KORINTUS 7:4

Malansan am maringkuanang aku ramuyun. Ginio boo ra kabalu' pana masuang kapaganan mai, kaa' guang kuno pinaikang min am maansukan aku toojo.

2 KORINTUS 9:2

Nakapandai aku ra akau masaga' mangindangan. Koson ragitio ompor kuno ramuyun ra ulun ru Makidonia ra aku minindagu risilo, “Pabukat min ra Kristian ra pagun ru Akaya nakatampos noyo kalalair ra taak nilai intor ra sambilaran i.” Kinataau min ti noyo nampakapirot ra guang ru kasuangan nilai.

2 KORINTUS 9:4

Ati boo kulaan amon ru mokoondo' ulun ru Makidonia ti mabaya' raki' mongoi ramuyun, am ilai' nilo ra kalo niayuk nakatampos kau. Mumpara' boo uyu' mai, kaa' mulu' piboo uyu' min, sabap ra nakalansan akai ramuyun.

1 TISALONIKA 1:3

Makara' mai ralalom pakiasian mai ri Aki Kapuuno', Ama' takau, ati kulaan akau mangintopot ri Kristus, motogom kau ra ulun bokon suku' mapirot toojo mangindangan risilo am poyo maikang lansan mino ra Tuhan takau i Jisus Kristus.

1 TISALONIKA 2:14

Pabukat ku ngai', akau pana nakaliman ra atan ondo' nasauk ra pasimpungan ulun Kristian giu' ra Judia, ioginio ilo ondo' nangintopot ri Jisus Kristus. Kaimbalaan ondo' malimanan min ti intor ra bansa' min galama', mogondo' niayuk ra sauk ru ulun Kristian ru Judia ra ilo inimbolo' ru ulun ru Jaudi.

1 TISALONIKA 2:19

Akau no toojo kalansanan am kaansukan mai. Sabap ra paat ra ratangan saguli' ru Tuhan Jisus ra tumuum takau Riso, akau no sasaban ru paringkuanangan maino.

2 TISALONIKA 3:5

Gama' ru Tuhan mampaintutun poyo ramuyun ra togom ri Aki Kapuuno' am poyo ati kulaan i Kristus mangani' ramuyun ra guang mataan.

IBRANI 10:36

Musiti' pantataan ayuk guang min, maa' raginio makapampagagaya' kau ra kasagaan ri Aki Kapuuno' am makaalap kau ra atan ondo' binantu' Nali.

IBRANI 6:12

Ginio nai ra kalo masaga' akai ra akau sumauk ra ulun matiar, kaa' ra akau tumilu ra ulun bokon ondo' mangintopot ri Aki Kapuuno' am poyo mataan guang. Maa' raginio makaapu kau ra ondo' binantu' ri Aki Kapuuno'.

IBRANI 6:15

Naginaa ayuk i Abragam ra guang mataan, saboi nakaapu io ra atan ondo' binantu' ri Aki Kapuuno' i riso.

JAKUBUS 5:11

Ilo no piawon takau ra ulun makaansuk sabap ra kinataan ru guang nilai i. Norongog min noyo ati kulaan guang pantataan ri Ayup, am nakapandai kano pupus ru inatang ru Tuhan koson riso. Sabap ra Tuhan no maluoi makaasi' am maayo toojo guang.

2 PITRUS 1:6

Am kaintutunan ruangin ra guang pantataan. Am guang pantataan ruangin ra guang tumaan ra kaimbalaan. Am guang tumaan ra kaimbalaan ruangin ra kaayagan ondo' mapabansuk ra guang ri Aki Kapuuno'.

PINAINTALANG 14:12

Ginio boo sabap ra ulun ri Aki Kapuuno' ondo' gumagaya' ra panusuban Nano am niayuk gumagaya' ri Jisus, musiti' ilo tumaan ra kaimbalaan.