2 TISALONIKA 1:11 - Tanou Moonsoi Timugon

¹¹ Ginio sabap ra masalok makiasi' akai ri Aki Kapuuno' koson mampasauk ramuyun ra ulun ondo' maaya' ra pampiawan Nano. Gama' ru mabaya' ra kuasa' Nano, i Aki Kapuuno' makasauk ra kasagaan min mambaal ra moonsoi am mampaukop ra ngaangai' kinapirot ru pangintapatan min.

2 TISALONIKA 1:11 ပူးပေါင်းရင်းမြစ်များ

MAZMUR 138:8

Sinugut Mu ngai' bantu' Muno raki'; iou Tuhan, togom Muno mantilayun. Pai' langgai' mangindangan ra ulun-ulun Muno.

MAZMUR 48:14

imansaa' min timbok am urioo' kubu ru bandar no, maa' raginio maalap min katunung ra anak-anak bagu ra matong ti

MAZMUR 51:18

Kalo masaga' Kou ra taak simbalui ra pinataak; amon mapataak aku ra taak simbalui koson mapabansuk ra guang Muno, Okou pana kalo maansukan.

MAZMUR 68:20

Omporo' i Aki Kapuuno', sabap ra Io noyo namayag ritakau; moonong orou Io mansaan ra kapaganan takau.

AMSAL 4:18

Kaayagan ru ulun moonsoi koson ayuk ra sirang ru mato ru orou, buoi kabuoi matawang kaga' saboi mamai'.

JISAYA 25:9

Bulintok ra baal raginio masauk, ngaangai' ulun mindagu, “Io no i Aki kapuuno' takau! Io no inaanin takau koson mamayag ritakau. Io no Tuhan ra inaanin takau. Ragino magilakup takau koson maansukan sabap Io namayag ritakau.”

JISAYA 55:7

Musiti' ulun malaat mapatanda' ra bayag nano, am mangulau ra ralan ru pangkaraan nano. Polosoon io sumaguli' ra Tuhan, maa' raginio makaalap io ra kaasian Nano. Musiti' io tumingkuang ri Aki Kapuuno' takau, sabap ra Tuhan mangampun am mataau.

JISAYA 66:9

Indoson min polosoon Ku ulun Kuno tinayon saboi maukop bulan, am kalo mataak anakon.” Tuhan minindagu noyo.

DANIL 3:17

Amon ru i Aki Kapuuno' ondo' sambaan maino masaga' mamayag ramon intor ra rapuan ondo' bibilak am intor ra kuasa' muno, bayagon No akai.

GOSIA 6:3

Ibok pirot takano koson mulig ra Tuhan. Maaru' matong Io ritakau koson ra orou tumawang, am koson ra rasam ondo' mamasa' ra tana' ti bulintok ra mambusak.”

JAKARIA 4:7

Ompong maayo koson ra gunung pana inggion intor ra saang muno. Baalon mu sagulio' Baloi Kuno, am paat ra okou napabanta' ra batu ondo' pupus toojo ra intok nano, ulun gumolok, ‘Mapara' boo bonsoi no!’ ”

MARKUS 4:28

Tana' ti noyo mapatuu' ra puun sumawat am mangkawa'. Manangumbus io galing, mangantian boo am pupus no mangkawa'.

LUKAS 12:32

“Pai' kau kalaa', kabalu' pana kalo masuang kau, sabap ra i Ama' min masaga' mangani' ramuyun ra barakat ru pamarintaan Nano.

ROMA 1:9

I Aki Kapuuno' noyo sasi' ra atan ondo' raguon kutu motopot. Io no i Aki Kapuuno' ondo' pangandayan kuno ra sotopot-topot ru guang ra mampasaboi ra Tanou Moonsoi intor ra Anak Nano. Moonong ra aku makiasi' karaan takamin am makitaak ri Aki Kapuuno' ra poongoyon No aku ramuyun maya' ra kasagaan Nano.

ROMA 11:29

Sabap ra kalo makulau guang ri Aki Kapuuno' ra ulun pinili' am binarakat Nano.

ROMA 15:14

Pabukat kau ngaangai', mangintopot aku ra moonsoi kau toojo am makapandai kano ra ngaangai' saboi makapangila' ra rondo' am bokon.

ROMA 8:30

Koson niayuk risilo ondo' inaru' noyo ri Aki Kapuuno' kalalair, ilo niayuk piawon No. Ilo ondo' piniau ri Aki Kapuuno', ilo niayuk pobonsoyon saguli' poyo Riso. Ilo ondo' pinobonsoi saguli' ri Aki Kapuuno' no, ilo niayuk katulayon No.

1 KORINTUS 1:8

Io noyo galama' mampaikang ramuyun saboi ra orou pupus, maa' raginio akau kalo mauwan ra makasala ra orou ratangan Nano.

IPISUS 1:16

kalo lalanggain ku paringkuanangan kuno ri Aki Kapuuno' sabap ra akau, am ralalom pakiasian kuno pana karaan takamin.

IPISUS 1:5

Sabap ra togom Nano, inaru' noyo ri Aki Kapuuno' ra ralalom ri Jisus Kristus itakau saukon ra anak-anak Nano. Gitio noyo sotopot no kasagaan Nali.

IPISUS 1:9

Itakau noyo napaintalangan no ra ondo' kalo igondo' pinabala', ioginio inatang no kalalair i, koson ralalom ri Kristus ginio pinongo.

PILIPI 1:6

I Aki Kapuuno' noyo galama' nanalimpuun ra kandoi moonsoi ralalom ru kaayagan min. Am makakalansanan aku toojo ra Io po niayuk mamparayus ra kandoi ragitio saboi mopongo, suku' ri Jisus Kristus matong saguli'.

PILIPI 2:13

Sabap ri Aki Kapuuno' no galama' magibit ra guang mino mangiou am poyo magagaya' min niayuk atan ondo' kasagaan Nano toojo.

PILIPI 3:14

Ginio boo puun ra aku marayus ayuk mompogogot ra taak nangulaan ti, ioginio kaayagan giu' ra suruga'. Am gitio noyo pampiawan ritakau ri Aki Kapuuno' sabap ri Jisus Kristus.

1 TISALONIKA 1:3

Makara' mai ralalom pakiasian mai ri Aki Kapuuno', Ama' takau, ati kulaan akau mangintopot ri Kristus, motogom kau ra ulun bokon suku' mapirot toojo mangindangan risilo am poyo maikang lansan mino ra Tuhan takau i Jisus Kristus.

2 TISALONIKA 1:5

Am gitio noyo kakitanan ra kinabanis ru pangakiman ri Aki Kapuuno': Ra naimbolo' kano sabap ra pangintapatan min Riso, paayaan kau makaliman ra Tana' Bagu ri Aki Kapuuno'.

2 TISALONIKA 2:14

Sasaban ragitio noyo nampiau Io ramuyun mansail ra Tanou Moonsoi ondo' pinabala' mai ramuyun. Nampiau Io ramuyun koson mokoowot kau ra katulayan ru Tuhan takau, i Jisus Kristus.

IBRANI 12:2

Guango' takano toojo i Jisus, sabap ra Io noyo intaran am mampakatanda' ra pangintapatan takau. Tinaanan No ayuk kauyuan paat ra Io sinalip, sabap ra nangkara' Io ayuk ra kaansukan ondo' apuon No ra tauli no. Raino ti manturung Io ra tampilon pamiris ru takhta ri Aki Kapuuno'.

IBRANI 3:1

Pabukat kau ngai' ra Kristian ondo' piniau noyo ri Aki Kapuuno', pampaguang kano ri Jisus ondo' nasauk koson ra rasul am Tingganai Maayo Imam ru pangintapatan takau.

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.

PINAINTALANG 3:4

“Kaa' mokoondo' intor ramuyun ra bandar Sardis ondo' kalo minaya' mambaal ra tula, ioginio kalo jinamalan kau. Mababaya' kau Raki' am pambayangon kau ra mapulak sabap ra maaya' kau noyo.

PINAINTALANG 5:10

Nampasauk Kou risilo koson ra imam ondo' mabaya' Rirun mangandoi ri Aki Kapuuno', am mamarinta ilo ra tana' ti.”