2 TIMOTIUS 4:6 - Tanou Moonsoi Timugon

⁶ Kaa' koson raki' ti, maar noyo aku simbaluyon pataakin ri Aki Kapuuno'. Kalo boo mabuoi aku mangiruan ra tana' ti.

2 TIMOTIUS 4:6 ပူးပေါင်းရင်းမြစ်များ

KASAUKAN 48:21

Indagu boo i Jakub ri Jusup, “Koson ra makito muno, patayan kuno mamaar noyo, kaa' sumbayaan kou ri Aki Kapuuno' am magibit Io saguli' rirun ra pagun ru kinamatuaan muno.

KASAUKAN 50:24

Indagu i Jusup ra pagaka'-pagaka' nano, “Mamaar noyo patayan kuno, kaa' i Aki Kapuuno' magalung ramuyun am magibit ramuyun mingkual intor ra pagun ti am mongoi ra pagun ondo' binantu' Nano ri Abragam, i Isak am i Jakub.”

SAGULION 31:14

Tuhan pana mindagu ri Musa, “Bayag muno kalo boo mabuoi. Piawo' noyo i Josua am ibito' io ra Kim Kuno, maa' raginio makapanaak Aku ra panuluan riso.” Umpos i Musa am i Josua ra ralalom Kim ru Tuhan,

PILIPI 1:23

Karuo-ruo ti mampakabunduk ra guang kutu. Masaga' aku niayuk mangiruan ra painawo kutu am makasimpung ri Kristus, sabap ra ginio noyo moonsoi no.

PILIPI 2:17

Kaa' amon ru potoyon aku pana, am raraa' kuno masauk koson ra taak ri Aki Kapuuno', mabaya' ra pangintapatan min, maansayan aku ayuk am maansukan mababaya' ramuyun ngai'.

JOSUA 23:14

Raino nasaboi noyo paat ra aku matoi. Akau sigagama' nakapandai toojo ra Tuhan i Aki Kapuuno' min nanaak noyo ramuyun ra ngaangai' ondo' moonsoi, ondo' binantu' Nano. Moonong bantu' Nano sinugut noyo; kolondo' rondo' pana kalo nasugut Nano.