2 TIMOTIUS 4:5 - Tanou Moonsoi Timugon

⁵ Kabalu' koson raginio, okou Timotius musiti' guangon mu toojo atan ayuk ondo' baalon muno. Oroton ayuk ra okou imboloon. Paugaro' noyo kandoi muno koson mampasaboi ra Tanou Moonsoi ti am pongoono' noyo ngaangai' ondo' pinalansan rirun koson ra sangulun ulipon ri Aki Kapuuno'.

2 TIMOTIUS 4:5 ပူးပေါင်းရင်းမြစ်များ

JISAYA 62:6

Giu' ra timbok muno, okou Jirusalim, paayanon Ku mantatamung; orou rondom kalo mokopongkoror ilo, kaa' musiti' ilo mapakara' ra Tuhan intor ra bantu' Nali, maa' raginio kalo malilianan No.

JIRIMIA 6:17

Kopongo raginio nampalantik Tuhan ra magagalung koson mangkirongog ra bolos pulanu ru bujung. Kaa' konilo, “Marara' akai mangkirongog.”

YEHEZKIEL 3:17

“Okou ulun mapandai matoi, lantikon Tokou masauk ra magagalung ra bansa' ru Israil. Musiti' kou mampasaboi ra pampakaraan ondo' pataakon Kutu rirun ra tayar nilo.

YEHEZKIEL 33:2

“Okou ulun mapandai matoi, balai' bansa' muno ra atan ondo' masauk paat ra Aku mamparatong ra pangayawan ra rorondo' pagun. Mamagun ru pagun no mampili' ra sangulun intor risilo koson ra magagalung.

YEHEZKIEL 33:7

Raino, okou ulun mapandai matoi, lantikon Tokou masauk ra magagalung ru bansa' ru Israil. Musiti' mu posoboyon pampakaraan Kuno risilo.

MATIUS 25:16

Ulipon ondo' inanian ra limo ngaribu ruit mas ti parayus ongoi palaburo' ruit ra tinaakan riso, am pakaalap limo ngaribu poyo.

MARKUS 13:34

Sauk nano koson ra sangulun mugar ra maalur, ondo' mangiruan ra baloi nano am paalungin no ra ulipon-ulipon nano. Sigagama' inanian no ra kondoyon, am nambilin io ra ulun magagalung ra kulobon ra ilalain toojo.

MARKUS 13:37

Ondo' raguon Kuno ramuyun, raguon Ku niayuk ra ngaangai' ulun: Pantataani' min!”

LUKAS 12:37

Mumpara' boo bonsoi ru ulipon-ulipon ondo' nangkuliman am nakatampos paat ra tuan nilai matong! Balain takamin, rumalin boo tuan no, susubon no ulipon-ulipon nano manturung am sulungin no ilo.

RINALATAN 21:8

Iosuabon, ugar akai po am nakasuku' ra Kaisaria. Giu' i, minayan akai ra baloi ru sangulun mampasaboi ra Tanou Moonsoi, makainggalan ri Pilipus. Io ti sangulun intor ra tulu' ngaulun ondo' pinili' giu' ra Jirusalim i.

ROMA 15:19

ralalom ru tatandu' am kaimuagan am ralalom niayuk ru kuasa' ru Ambiluo ri Aki Kapuuno'. Pinabala' ku noyo Tanou Moonsoi intor ri Kristus ra ati-ati ayuk, inintaran ku ra bandar Jirusalim suku' ra libung ru Ilirikum.

IPISUS 4:11

Io no nangani' ra ulun ra taak; mokoondo' sinauk Nano ra rasul am bokon no nabi; mokoondo' poyo sinauk Nano ra ulun mampasaboi ra Tanou Moonsoi, am bokon no magagalung kapoam mangingila' ra pasimpungan ulun Kristian.

IPISUS 4:12

Gitio binaal Nano koson momongo ra ngaangai' ulun ri Aki Kapuuno' mangandoi ra Tuhan, koson mapaikang ra inan ri Kristus.

KOLOSI 1:25

Sumugut ra kasagaan ri Aki Kapuuno' aku nasauk sangulun ulipon ru pasimpungan ulun Kristian, ioginio mampasaboi ra Tanou Moonsoi.

KOLOSI 4:17

Balai' i Arkipus, “Karaa'. Pongoono' noyo ondo' pinakandayan rirun ru Tuhan.”

1 TISALONIKA 5:6

Ginio ra pai' takano pombobolong ayuk koson ra ulun bokon no, kaa' ilalain am masalok takano tumampos.

1 TIMOTIUS 4:12

Pai' polosoo' osoi ayuk mataman ra pangilaan muno ra lakat kou poyo mamulok. Kaa' sauk no ra tiluan ru ulun Kristian ralalom ru sunur, paliso, togom, pangintapatan am kapasawan ru guang muno.

1 TIMOTIUS 4:15

Piroto' baalo' ngaangai' ru ginio, maa' raginio makito boo ru ulun masuang kasingkatan muno.

2 TIMOTIUS 1:8

Ginio nai ra pai' kauyu' mapabala' intor ra sauk ru Tuhan takau am pai' niayuk kauyu' sabap ra aku ondo' inaput ti sabap ri Kristus. Kaa' sotopot no, maya' ra kaikangan intor ri Aki Kapuuno', musiti' kou maya' maimbolo' sabap ra papasabayan ru Tanou Moonsoi no.

2 TIMOTIUS 2:10

Ginio sabap ra tumaan aku ra ngaangai' ti koson ra kaatangan ru ilo ondo' pinili' noyo ri Aki Kapuuno', maa' raginio ilo pana mokoowot ra pamayagan ondo' taakin ralalom inggalan ri Jisus Kristus am ondo' mabaya' ra urumat mantilayun.

2 TIMOTIUS 2:3

Musiti' kou maya' maimbolo' koson sangulun saujor ri Kristus ondo' gumagaya' Riso.

2 TIMOTIUS 4:17

Kaa' Tuhan noyo ondo' nangampin raki' am nampaikang raki' saboi naalap ku mampabala' ra ngaangai' ru Tanou Moonsoi no, suku' maining boo ru ulun sala' ka Jaudi. Ginio ra pinalabus aku niayuk intor ra potoyon raan.

IBRANI 13:17

Gagaya' kano ra tingganai mino am niayuk urumato' min ilo. Sabap ra ilo ti noyo linansanan ri Aki Kapuuno' magalung ra pangintapatan min. Amon ru gumagaya' kau risilo, makapangandoi ilo ra guang maansukan, kaa' amon ru kalo, maagat boo guang nilo am kolondo' onong ru ginio ramuyun.

1 PITRUS 1:13

Sabap ra ngaangai' ondo' binaal ri Aki Kapuuno' no ramuyun, kasalok pororoo' pangkaraan min. Pagilalai' min noyo am poyo lansan kano toojo ra kataawan ri Aki Kapuuno' ramuyun paat ra papaintalangan ri Jisus Kristus.

PINAINTALANG 3:2

Ginio boo ra karat no am kaikango' saguli' ondo' soroi poyo ramuyun ra kalo poyo matoi toojo. Sabap ra napandayan Ku atan binaal mino kalo poyo matanda' ra pagilangan ri Aki Kapuuno' Kuno.