2 TIMOTIUS 4:3 - Tanou Moonsoi Timugon

³ Sabap ra masuku' paat nano ra kalo boo masaga' ulun mangapu ra pangilaan motopot. Kaa' sotopot no maya' ilo boo ra kasagaan ru guang nilo galama' am mampalulur ilo boo ra masuang mangingila' ondo' masaga' mangila' ra atan ondo' sumangut ra guang nilai.

2 TIMOTIUS 4:3 ပူးပေါင်းရင်းမြစ်များ

1 RAJA'-RAJA' 18:22

I Ilia pana mindagu, “Nabi ru Tuhan soroi aku ayuk sangulun, sotopot no nabi ru Baal mokoondo' apat ngaatus am limo ngoopor ngaulun.

1 RAJA'-RAJA' 22:18

Indagu Raja' Agab ra Raja' Josapat, “Nambala' aku noyo rirun raja' ra io kalo igondo' panala' ra baal ondo' moonsoi raki'! Masalok io manala' ra baal ondo' malaat!”

1 RAJA'-RAJA' 22:8

Taam Raja' Agab, “Mokoondo' sangulun poyo, i Mika anak ri Jimla. Kaa' masisang aku riso, sabap ra kalo igondo' io panala' ra baal moonsoi raki'; masalok io manala' ra baal malaat.” Taam Raja' Josapat, “Okou raja' kalo musiti' no mindagu koon raginio.”

KAINGKUALAN 32:33

Taam Tuhan, “Ulun ondo' makatula noyo Raki' ayuk luluon Ku inggalan no intor ra kitab Kuno.

JISAYA 28:12

Tuhan manaak ramuyun ngaangai' ra intok tangusan, kaa' marara' kau mangkirongog Riso.

JISAYA 30:10

Susubon nilo nasuangan nabi kalo paindaguon. Mindagu ilo, “Pai' paraguo' ragu ra motopot no ramon, kaa' paraguo' noyo ragu ra masaga' mai rongogon. Polosoo' akai no mantutuyang.

JIRIMIA 18:18

Kon boo ru ulun, “Ibok no paguguum takau manggal ri Jirimia sabap itakau galama' mokoondo' ra imam ondo' makapangani' ra pangilaan, ulun mapintar makapangani' ra bilin, am nabi ondo' makapampasaboi ra tanou ri Aki Kapuuno' masalok soroi. Ibok no ibito' takau panguwan ri Jirimia, am lumonggo' mangkirongog ra ragu-ragu nano!”

JIRIMIA 27:9

Pai' rongogo' nabi min kapoam osoi pana ondo' manginggalar ramuyun kumuku' ra raja' Babilonia, kabalu' pana mangiou ilo ra makapanala' ra orou tauli, inda' pana ralalom ru inupi, kapoam mampiau ra ambiluo ru ulun minatoi, kapoam kapandayan ra sihir.

JIRIMIA 29:8

Aku Tuhan, i Aki Kapuuno' ru Israil, nampakara' ramuyun maa' raginio kalo mokoloso inan ruungon ru nabi-nabi ondo' minayan ra tatanga' min kapoam ru osoi pana ondo' minindagu ra makapanala' ilo ra orou matong. Pai' lioo' inupi nilo.

JIRIMIA 5:31

ngaangai' ondo' rinagu ru nabi-nabi abau ayuk; imam-imam mamarinta maya' ra susuban ru nabi-nabi no, am ulun Kuno masaga' ra baal raginio. Kaa' atan kia ondo' baalon nilo ra pupus no?”

MIKA 2:11

Masaga' kau ra nabi ondo' masaga' magabau am mamparuung, am ondo' mindagu, ‘Manala' aku ra makaalap kau ra wain am inumon makagauk ondo' masuang toojo.’

LUKAS 20:19

Mangingila' ra Ukum ri Musa am tingganai imam Jaudi no nangkinam mamulali' mamparakop ri Jisus, sabap ra natutunan nilo ra ilo galama' kon ru abig ni; kaa' nalaa' ilo ra ulun masuang.

LUKAS 6:26

“Aibui boo ramuyun no, amon ru ngaangai' ulun mongompor ramuyun. Sabap ra koson raginio niayuk pinamakuan ru kinamatuaan takali ra nabi-nabi maabau-abau ra galing i.”

JUANIS 8:45

Kaa' Aku mindagu ra motopot. Ginio sabap boo ra akau kalo mangintopot Raki'.

RINALATAN 17:21

Sabap ra kaindalaman ru ngaangai' mamagun ra Atina am ulun bansa' ru bokon ondo' minayan ra giu' i, koson magail ayuk makimansusunur kapoam mangkirongog ra pangilaan nakabagu.)

1 KORINTUS 2:1

Pabukat kau ngaangai', paat ra aku minatong ramuyun am nampatanou ra katapatan ri Aki Kapuuno' ondo' kalo igondo' pinabala', kalo nampatanou aku ra ragu ondo' kalo naratian min am kalo binaya' ku kapintaran ru tana' ti.

1 KORINTUS 2:4

Tanou am pangilaan ondo' pinasaboi kuli ramuyun, kalo minaya' ra kapintaran ru ulun ondo' makabunduk ra guang, kaa' pinainono' ku ati kulaan kuasa' ru Ambiluo ri Aki Kapuuno'.

GALATIA 4:16

Kaa' raino aku ti pantula' min kia sabap ra nambala' ramuyun ra atan ondo' motopot ti?

1 TIMOTIUS 1:10

Am niayuk ulun mansawa' am lumapau, ulun homoseksual, ilo ondo' mantakou ra ulun, ulun ra maabau-abau, sasi' ra kalo motopot am poyo osoi ayuk ondo' manggal ra pangilaan motopot,

2 TIMOTIUS 1:13

Guuto' noyo pangilaan motopot ondo' inila' kuli rirun koson alapon mu ra tiluan. Pasingkotogo' noyo pangintapatan am togom ondo' intor ra pasimpungan takau ri Jisus Kristus i.

JUDAS 1:18

Nakapambala' ilo noyo ramuyun ra masuku' paat ra pamupusan ru tana' ti, mokoondo' ulun sumalula' koson manauyu' ramuyun, sabap ra maya' ilo ayuk ra kasagaan malaat ru guang nilai no.