2 TIMOTIUS 3:2 - Tanou Moonsoi Timugon

² Mokoondo' masuang ulun mangkara' ayuk boo ra kasingkatan nilo galama', maringkumaa' ra kalangkayaan, masumbung am lumimbau. Magasab ilo ra ulun, manggal ra matuo nilai, kolondo' paliso nilo ra paringkuanangan am kalo mangurumat ra ugama.

2 TIMOTIUS 3:2 ပူးပေါင်းရင်းမြစ်များ

MAZMUR 10:3

Ulun malaat mamanggo ra kalaatan nilono; ulun mampaluung magibot am mangimpai ra Tuhan.

MAZMUR 49:6

Kalo malaa' aku makauma' ra kapaganan, paat ra aku liniputan ru pantula',

MAZMUR 52:1

Ra tingganai ru santimungan maririmbai. Sisindiron ri Daut,

JISAYA 10:15

Kaa' mindagu Tuhan, “Makapamanggo kia kapak no ra ulun ondo' mamakai riso no? Maatang kia toojo rondo' garagaji' no ka ulun ondo' mamakai ra garagaji' no? Sala' ka tataun pamalamba' no mampaguut ra ulun kaa' ulun no mampaguut ra tataun pamalamba'.”

DANIL 11:36

“Raja' ru Siria mambaal maya' ra kasagaan ru guang. Nabaya' ra kalimbawan, karaan ru raja' ra maayo io poyo intor ra dewa ru ati pana, am poyo makakuasa' poyo intor ri Aki Kapuuno' Ondo' Masawat Kaga'. Nambaal raja' no raginio saboi ra paat ri Aki Kapuuno' mangukum riso. Baalon ri Aki Kapuuno' totopot koson ra inatangan Nano.

DANIL 7:25

Manggal io ri Aki Kapuuno' Ondo' Masawat Kaga' am mangimbolo' ra ulun ri Aki Kapuuno'. Mangkinam io mangulau ra ukum am pangiantakan ru ugama nilo am ulun ri Aki Kapuuno' kuasaan no buoi talu ngambilor am maintanga'.

MATIUS 15:6

kalo boo pana mangurumat ulun no ra ama' nano. Koson raginio noyo inimpayan min ragu ri Aki Kapuuno' am gumagaya' ra pangilaan min galama'.

LUKAS 12:15

Indagu poyo i Jisus risilo ngaangai', “Karaa' min, am ilalain kalit mino. Sabap ra sotopot no, sala' ka kuliamos ondo' maatang ra kaayagan ru ulun, kabalu' pana langkaya' io kakaga'.”

LUKAS 16:14

Paat ra ulun-ulun ru Parisi nokorongog ra ngaangai' ragu ragitio, nangiis ilo ri Jisus sabap ra ruit ayuk karaan nilo.

LUKAS 6:35

Kaa' akau, tagami' noyo pantula' mino am koonsoi kau risilo. Pairaa' min ayuk am pai' kau kalansan maalap saguli'. Amon ru koson raginio, maayo ampos mino am akau masauk ra anak ri Aki Kapuuno' Ondo' Masawat Kaga'. Sabap ra moonsoi Io toojo ra ulun ondo' kalo mapandai maringkuanang am ra ulun ondo' malaat niayuk.

RINALATAN 5:36

Ragili mokoondo' sangulun inggalanin ri Tiudas ondo' migiangku ra io tingganai maatang. Mokoondo' olo'-olo' apat ngaatus ngaulun minaya' riso, kaa' pinatoi io am ngaangai' maamaya' nali nantutuliar, am kandoi nali pana napuso.

ROMA 11:18

Kaa' pai' pagasab risilo ondo' inindaanan noyo koson ra raan no! Pai' kano limbau! Sabap ra akau no raan ayuk. Sala' ka akau no nanambakat ra puun no, kaa' sotopot no bakat no ondo' mampatuu' ramuyun.

2 KORINTUS 5:15

I Kristus minatoi noyo koson ra alig ru ngaangai' ulun, maa' raginio ngaangai' ulun ondo' maayag kalo boo mampakaatang ra kaayagan nilo galama' ayuk, kaa' mangkara' ayuk boo Riso, ondo' minatoi am binayag saguli' koson kaatangan ilo.

PILIPI 2:21

Kaa' bokon no sala' ka maguyum ra kaatangan ri Jisus Kristus, kaa' maguyum ayuk ra kasingkatan nilo galama'.

KOLOSI 3:5

Ginio ra patiri' noyo kasagaan ra pansasawaan, mansalinut baal ra makauyuyu', kasagaan ru guang malaat am maringkumaa' (sabap ra paliso raginio mogondo' ayuk koson sumamba ra sinungkalalaing).

2 TISALONIKA 2:4

Makimantula' am makiompor io ra ngaangai' ondo' rokoon tuhan kapoam atan ayuk ondo' sambaan ru ulun, saboi sumubol am manturung io ra Baloi Tuhan am migiangku ra io rokoon i Aki Kapuuno'.

1 TIMOTIUS 1:20

Koson ragitio niayuk sauk ri Iminius am i Aliksandir. Ilo karuo ti pinakuasaan ku noyo ra tingganai ru riwato, maa' raginio malanggaan nilo boo magasab ri Aki Kapuuno'.

1 TIMOTIUS 1:9

Karaa' takau boo ra ukum ti pai' ru pinataak koson mampatanda' ra ulun moonsoi, kaa' ulun mangalaat ondo' manggal ra ukum, ioginio ondo' makatula, ondo' tumalikur am kalo mangurumat ri Aki Kapuuno', am poyo ulun ondo' mamatoi ra matuo nilai, kapoam mamamatoi ra bokon.

1 TIMOTIUS 3:3

Am poyo kalo gagaukon, kalo makimansangor kaa' sotopot no lumomoi ayuk am makimobonsoi am kalo maringkumaa' ra kalangkayaan.

1 TIMOTIUS 6:10

Sabap ra maringkumaa' ra kalangkayaan ti noyo puun ru mansalinut kalaatan. Mokoondo' ulun naingkinibitan ru ginio saboi nakalayau intor ra pangintapatan takau am pupus no migimbolo' ilo ra mansalinut kapaganan.

1 TIMOTIUS 6:4

io noyo ulun masumbung am kolondo' toojo kapandayan. Ulun koson ragitio kalo matanda', magail ayuk mantataam ra arati' ru rorondo' ragu, saboi mampasalula' ra kaingatan, pagagansangan, pangalimutan, panalaan malaat,

2 TIMOTIUS 3:4

Ilo mapandai mamparuung, jajajou am masumbung ayuk. Ilo maansayan ayuk ra katasuan ru kaayagan nilo galama', intor monogom ri Aki Kapuuno'.

JAKUBUS 2:8

Gitio noyo moonsoi, amon ru totopot suguton min Ukum ru pamarintaan ri Aki Kapuuno', ondo' tinulisan ra Buuk Kitab; “Tagami' noyo rondo' am bokon mogondo' ra akau mitotogom galama'.”

JAKUBUS 4:16

Kaa' raino minsawat boo guang min am lumimbau kau ayuk. Ngaangai' ragu lumimbau ti kalo noyo moonsoi.

JAKUBUS 4:6

Am mulu' poyo boo kataawan Nano ritakau. Ginio ra tinulisan ra Buuk Kitab ra, “Ampangin ri Aki Kapuuno' ulun ondo' minsawat guang, kaa' mataau Io ra ulun ondo' minggana' guang.”

1 PITRUS 5:5

Koson niayuk ramuyun tuu'-bagu kau ngai', gagaya' kano ra ulun matutuo. Pabukat kau ngai', paingganaa' noyo guang mino am pangindangan kano ra rondo' am bokon. Sabap ra mokoondo' tinulisan ra Buuk Kitab, “I Aki Kapuuno' gumula' ra ulun mangasumbung, kaa' motogom io ra ulun minggana' guang.”

2 PITRUS 2:10

mulu' poyo ukumin ulun ondo' mampagagaya' ayuk ra kinibit ru guang nilo ra majamol am ondo' manalaing ra kuasa' ri Aki Kapuuno'. Ulun-ulun migigiangku ra mangingila' no makakau' am mangasumbung, saboi kalo mangurumat ilo ra mangunguasa' matulai no.

2 PITRUS 2:12

Kaa' ulun-ulun migigiangku ra mangingila' no kolondo' guang. Ilo ti koson ayuk ra bibiag mangasigo ondo' rokopon am potoyon ayuk. Magasab ilo ayuk ra atan ondo' kalo naratian nilai no. Gitio boo kinibit ra ilo ti pusoon.

2 PITRUS 2:18

Ragu nilai masumbung am sasambungon. Pansasawaan nilono mamparuku' ra ulun ondo' bagu ayuk poyo timinalikur intor ra kaayagan nakalayau.

2 PITRUS 2:3

Ulun-ulun migigiangku ra mangingila' maringkumaa' am mansail ra tutunungon nilai ti noyo maguyum ilo ayuk ra ampos nilo galama'. Kaa' pinatampos noyo kalalair ukum pataakin risilo am kapusaan ondo' inaru' no, maginaa noyo risilo.

JUDAS 1:16

Ngaangai' ulun raginio masalok ayuk butok-butok am mampasala poyo ra ulun bokon. Maya' ilo ayuk ra kasagaan malaat ru guang nilai ti. Migigiompor ilo ayuk am gamisin nilo ulun ra bokon koson ra kaatangan nilo ayuk galama'.

PINAINTALANG 13:1

Kakito ku boo sanginan bibiag masigo siminalula' intor ra ralalom ru raat. Mokoondo' io ra mopor sangau am tulu' ulu. Rorondo' ra sangau no mokoondo' karaun am rorondo' ra ulu no makabatik ra inggalan magulas ri Aki Kapuuno'.

PINAINTALANG 16:11

Intor raginio magugulas ilo boo ri Aki Kapuuno' ondo' mayan ra suruga' sabap ra maruol am talipos nilono. Kaa' kalo tumalikur ilo intor ra baal malaat nilono.

PINAINTALANG 16:21

Intor ra limbowon no riminatu' ra ulun rasam batu ra maayo ondo' rorondo' makabagat limo ngoopor ngakilo no. Ginio boo ra magulas ilo ri Aki Kapuuno' sabap ra baal ru rasam batu no makalalaa'.

PINAINTALANG 16:9

Maumpo ulun ra kinalasu' no am magulas ilo ra inggalan ri Aki Kapuuno', ondo' manguasa' ra ngaangai' karaat. Kaa' ilo ti kalo tumalikur intor ra tula nilo am kalo masaga' mongompor ra kuasa' ri Aki Kapuuno'.