2 TIMOTIUS 3:17 - Tanou Moonsoi Timugon

¹⁷ Maa' raginio osoi ayuk mangangandoi ri Aki Kapuuno' makatampos toojo mampaugar ra atan ayuk kandoi moonsoi.

2 TIMOTIUS 3:17 ပူးပေါင်းရင်းမြစ်များ

NIGIMIA 2:18

Tunungo' ku boo ati kulaan i Aki Kapuuno' mabaya' am mangindangan raki', am atan ondo' rinagu ru raja' raki'. Taam ilo, “Ibok kano talimpuun takau mambaal!” Kopongo raginio tampos ilo koson manalimpuun ra kandoi no.

RINALATAN 9:36

Giu' ra Jopi mokoondo' poyo sangulun ruandu' makainggalan ri Tabita. Nangintopot io ri Jisus. (Inggalan nano ralalom ragu ru Junani am i Dorkas ondo' makaarati' “Tambang”.) Masalok moonsoi baalon nano am mangindangan io niayuk ra ulun musikin.

2 KORINTUS 9:8

Kalo lumonggo' i Aki Kapuuno' mambarakat ramuyun, maa' raginio akau galama' masalok maukapan am malabaan kau niayuk koson makapangani' ra osoi ayuk makakaatangan raginio.

IPISUS 2:10

I Aki Kapuuno' noyo nambaal ritakau, am sabap ra pasimpungan takau ri Kristus Jisus, nangatang Io ra kiralan ru kaayagan takau koson mambaal ra moonsoi. Gitio ondo' tinampos no kalalair ra pabaalin ritakau.

1 TIMOTIUS 6:11

Kaa' okou ulun noyo ri Aki Kapuuno', ginio nai ra inggaluri' noyo ngaangai' baal malaat raginio. Singkotog no sumauk ra ulun motopot, matanda', makapangintapatan, motogom, tumaan guang am molomoi.

2 TIMOTIUS 2:21

Koson ra osoi ayuk ondo' mangandoi ra Tuhan, amon ru tumalikur intor ra ngaangai' kalaatan, saukon io boo mambaal ra maatang. Pilion io sabap ra mokoonong ra pagilangan ru tuan nano. Nakatampos io noyo pongondoyon ra atan ayuk baal moonsoi.

TITUS 1:16

Migiangku ilo ra mangintopot kon ri Aki Kapuuno', kaa' naimumuyan boo intor ra baal nilo ra kalo noyo mangintopot ilo. Mangalaat ilo kaga', kalo gumagaya' ri Aki Kapuuno' am kalo makaangun ra baal moonsoi.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

TITUS 3:1

Pakaraa' noyo ulun muno ondo' mangintopot no ra gumagaya' ra tingganai am pamarinta no, koson masaga' toojo mambaal ra atan ayuk kandoi moonsoi.

IBRANI 10:24

Guango' takau, ati koson mangindangan ra ulun montotogom ra rondo' am bokon am poyo mambaal ra moonsoi.

IBRANI 13:21

Gama' ru mangani' Io ramuyun ra moonong baal moonsoi, koson makapambaal kau ra kasagaan Nano. Gama' ru ralalom ri Jisus Kristus noyo, mampasauk Io ra kasagaan Nano ralalom kaayagan takau. Musiti' takau mongompor ri Kristus ra sabuoi-buoi no! Amin.