2 TIMOTIUS 3:16 - Tanou Moonsoi Timugon

¹⁶ Ngaangai' ondo' tinulisan ra Buuk Kitab inimpuun ri Aki Kapuuno' am mokoonong toojo, ioginio mangila' ra atan ondo' motopot, koson mansawai am mampatanda' ondo' sala, am manulu' ra ulun koson makaaya' toojo ra kasagaan ri Aki Kapuuno'.

2 TIMOTIUS 3:16 ပူးပေါင်းရင်းမြစ်များ

2 SAMUIL 23:2

Ambiluo ru Tuhan minindagu pinabala' galing raki'; ragu Nano soroi ra bibil kuno.

NIGIMIA 9:20

Sabap ra kinoonsoi Muno, nambala' Kou ramon ra atan ondo' musiti' baalon; nangani' Kou risilo ra manna koson ra akanon, nangani' Kou risilo ra timug koson ra inumon.

MAZMUR 119:11

Ukum Muno buliin ku ra guang kuno, maa' raginio kolondo' boo tula kuno Rirun.

MAZMUR 119:130

Bala' ru pangilaan Muno manaak ra sinda, manaak ra karatian ra ulun magayantanga' guang.

MAZMUR 119:9

Tuu' bagu mokoowot ra kaayagan matanda' amon bayag nano sumugut ra panusuban Muno.

AMSAL 15:10

Ulun mambaal ra kalaatan ukuman no maagat; ulun marara' mangapu ra pansawayan matoi.

AMSAL 15:31

Ulun ondo' mampalio ra pansawayan, makasimpung ra ulun mapintar.

AMSAL 6:23

Panuluan nilono koson ra sisilau ondo' mapaang, am pansawayan nilono manulu' ra ralan kaayagan ondo' moonsoi ramuyun.

MIKA 2:7

Guang min kia' ra Israil ti inulas? Kalo kia' mokoorot Tuhan? Topot kia' mambaal Io ra baal koson raginio? Sala' ka kia mindagu Io ra molomoi ra ulun ondo' mambaal ra motopot?”

JIPANYA 3:2

Bandar no kalo mampalio ra bilin ru Tuhan, am kalo noyo boo mangapu ra pangilaan Nano. Bandar no kalo malansan ra Tuhan am kalo makiindangan Riso.

MATIUS 13:52

I Jisus pana mindagu poyo, “Moonong mangingila' ra Ukum ri Musa ondo' nasauk ra ulun ri Aki Kapuuno', io ti koson ra sangulun puun baloi ondo' mapaingkual ra kuliamos nakabagu am lairon intor ra kaban ru rapu' nano.”

MATIUS 21:42

Indagu i Jisus risilo, “Kalo poyo kia igondo' kau nakabasa' ra atan tinulisan ra Buuk Kitab? ‘Batu ondo' kinara' ru ulun-ulun manambaloi ra kolondo' onong nasauk ra batu maatang kaga'. Gitio noyo binaal ru Tuhan; mumpara' boo bonsoi no!’ ”

MATIUS 22:43

“Amon ru koson poyo raginio,” taam ri Jisus, “Kua Ambiluo ri Aki Kapuuno' nampaliman ri Daut ra mampiau Riso ‘Tuhan’? Sabap ra raja' Daut minindagu,

MATIUS 26:54

Kaa' amon ru koson raginio, ati koson masauk ondo' tinulisan ra Buuk Kitab, kono, baal ragitio musiti' pasaukon.”

MATIUS 26:56

Kaa' ngaangai' baal ragitio maaru' masauk koson mampainono' ondo' tinulisan ru nabi-nabi ra Buuk Kitab.” Ngaangai' maamaya' Nano pana nagiru' boo nangiruan ri Jisus.

MARKUS 12:24

Taam i Jisus, “Sotopot no nasala kau. Kalo nangarati' kau ra Buuk Kitab am kuasa' ri Aki Kapuuno'.

MARKUS 12:36

Alika i raja' Daut galama' minindagu ra io binalaan ru Ambiluo ri Aki Kapuuno', kono, ‘I Aki Kapuuno' minindagu ra Tuhan kuno: Panturung no ra pamiris Kutu saboi baalon Ku pantula' Muno kumuku' ngai' Rirun.’

JUANIS 10:35

Nakapandai takau no ra ragu ru Buuk Kitab kalo malulu'. I Aki Kapuuno' galama' nampiau risilo ra tuhan, ioginio ulun-ulun ondo' nampasukuan ra ragu Nano.

JUANIS 3:20

Osoi ayuk mambaal ra kalaatan masisang ra sinda am marara' matong ra sinda, maa' raginio ondo' baalon nilo ra malaat no kalo makasalula'.

RINALATAN 1:16

“Pabukat kau ngaangai'! Atan ondo' tinulisan ra Buuk Kitab no, maaru' masauk. Ragili Ambiluo ri Aki Kapuuno' nambala' noyo mansail ra ragu ru raja' Daut intor ri Judas ti, ra io nanulu' ra ulun mamparakop ri Jisus.

RINALATAN 18:25

Inila' io no ra pangilaan intor ra Tuhan. Mapirot io toojo mampasaboi pangilaan ri Jisus ondo' motopot, kaa' koson ra pampariwan, pangilaan ri Juanis ayuk napandayan nali.

RINALATAN 20:20

Nakapandai kano ra pinasalula' ku noyo ngaangai' ondo' mokoonong no ramuyun. Nangila' aku ramuyun ra saang ru ulun masuang am niayuk ra rorondo' baloi.

RINALATAN 20:27

Kalo igondo' aku nompoloso ra kandoi kutu koson mambala' ramuyun ra ngaangai' kasagaan ri Aki Kapuuno' no ramuyun.

RINALATAN 28:25

Nantutuliar am nansasangor ilo boo ra rondo' am bokon intor ra rinagu ri Paulus ragitio, kono, “Motopot toojo rinagu ru Ambiluo ri Aki Kapuuno' ra kinamatuaan mini ondo' pinabala' galing ra Nabi Jisaya, kon Nano;

ROMA 15:4

Ngaangai' ondo' tinulisan ra Buuk Kitab makapangila' ritakau, am pangilaan raginio mampaikang ra guang takau am mangani' ra guang mataan saboi makakalansanan takau ri Aki Kapuuno'.

ROMA 2:20

Mampatanda' kau ra ulun sasambungon am mangingila' kau niayuk ra ulun kolondo' guang. Mangintopot kau ra intor ra Ukum ri Musa ti mokoowot kau ra ngaangai' kapandayan am pangilaan motopot.

ROMA 3:2

Maaru' masuang onong! Intor poyo ra talimpuun i, ulun ru Jaudi noyo napalansanan ri Aki Kapuuno' ra ragu Nano.

ROMA 4:23

Ragu raginio, “inapu ri Aki Kapuuno' koson ra ulun ondo' mobonsoi saguli' Riso”, tinulisan sala' ka ri Abragam ayuk,

1 KORINTUS 12:7

Sigagama' takau inintopot ra Ambiluo ri Aki Kapuuno' am ginio koson ra kaatangan takau ngaangai'.

GALATIA 3:8

Nanala' noyo Buuk Kitab ragili ra i Aki Kapuuno' mopobonsoi saguli' ra ulun sala' ka Jaudi Riso sabap ra mangintopot ilo Riso. Tanou Moonsoi raginio pinasaboi galing ri Abragam, kon ragitio, “Sabap ra okou mambarakat i Aki Kapuuno' ra ngaangai' bansa' ru tana' ti.”

SAGULION 29:29

Topot ra mokoondo' kukula' baal ondo' kalo pinabala' ru Tuhan i Aki Kapuuno' takau, kaa' nambala' Io noyo ritakau ra Ukum Nano, am itakau am niayuk papag takau musiti' maya' raginio ra sabubuoi no.”

SAGULION 4:36

Nangiou Io ramuyun rumongog ra bolos Nano intor ra limbowon maa' raginio makapangila' Io ramuyun; giti ra tana' ti mangiou Io ramuyun magilong ra apui Nano ondo' matulai, am intor ra apui no minindagu Io ramuyun.

2 TIMOTIUS 2:25

Musiti' molomoi ragu nano ra io mampakatanda' ra ulun ondo' maanggal-anggal riso. Sabap ra maaru' lair i Aki Kapuuno' mangani' risilo ra kaluagan tumalikur intor ra tula nilo am makaulig boo ra katapatan.

2 TIMOTIUS 4:2

kasalok no makatampos mampabala' ra Tanou Moonsoi ra apuon kia ru ulun kapoam kalo. Painonoo' noyo ulun no, sawayo' amon ru makasala am paikango' ilo po. Ilaa' ilo toojo mabaya' ra kaaratan ru guang muno.

IBRANI 11:1

Pangintapatan ti makaarati' ra mangintopot toojo atan ondo' kalansanin am niayuk mangintopot ra atan ondo' kalo makito.

IBRANI 3:7

Sabap raginio, koson ra bala' ru Ambiluo ri Aki Kapuuno', kon Nano: “Amon ru orou raiti' makaining kau ra bolos ri Aki Kapuuno',

IBRANI 4:12

Bala' ri Aki Kapuuno' makakuasa' am maayag koson Riso. Mogondo' ra ilang ondo' inasa' ruo larom manguntas saboi bungul am utok nano suayon, koson niayuk ra bala' ri Aki Kapuuno' tumunsok ra salibuor am ambiluo saboi mampatalang ra kasagaan am pamaguangan ru ulun.