2 TIMOTIUS 3:15 - Tanou Moonsoi Timugon

¹⁵ am nakaulig kou ra Buuk Kitab intor ra okou boborok ayuk poyo. Ginio makapangani' rirun ra kapintaran koson mokoowot ra pamayagan sabap ra pangintapatan mu ri Jisus Kristus.

2 TIMOTIUS 3:15 ပူးပေါင်းရင်းမြစ်များ

2 TUNUNG RU BANSA' ISRAIL 34:3

Paat ra bilor kabalu' ra pamarintaan ru Raja' Josia, paat ra io lakat poyo mamulok, timinalimpuun io sumamba ri Aki Kapuuno' ondo' sinamba ru kinamatuaan nali, Raja' Daut. Kopongo apat ngambilor, timinalimpuun Raja' Josia namuso ra intok-intok sambaan ra sinungkalalaing, tatandu'-tatandu' ru Dewi Asyira am ngaangai' sinungkalalaing ra bokon.

MAZMUR 19:7

Mato ru orou minsir intor ra pompor am muli' ra pompor. Kolondo' rondo' pana makasindung intor ra lasu' nano.

MAZMUR 71:17

Nangila' Kou raki' intor ayuk poyo ra kinamuloko' kuno; saboi raino potonowon ku binaal Muli ondo' makaimuag no.

AMSAL 22:6

Ilaa' noyo anak no ra ralan kaayagan ondo' motopot, am saboi matutuo pana kaayagan nano kon raginio.

AMSAL 8:17

Tagamin ku ulun ra motogom raki', ondo' totopot maguyum raki', makatuum raki'.

MAMPATANOU 12:1

Ginio ra karaa' noyo Io Namangun ramuyun paat ra akau mamulok, ra kalo poyo makasaboi bulintok kaimbalaan min am mindagu kau, “Kalo nakasia' akai ra kaayagan.”

MATIUS 22:29

Taam i Jisus, “Mumpara' boo layau ru pangkaraan mino! Akau kalo makarati' ra Buuk Kitab kapoam kuasa' ri Aki Kapuuno'.

LUKAS 1:15

Masauk io ra sangulun maatang maya' ra pagilangan ru Tuhan; ginio nai ra kalo makainum io ra anggur kapoam inumon ra bokon ondo' makagauk am kuasaan io ru Ambiluo ri Aki Kapuuno' intor ra io kakaanak ayuk poyo.

LUKAS 2:40

Siminukor lalaing i am maikang, mapintar am tagamin Io kaga' ri Aki Kapuuno'.

LUKAS 24:27

Pambala' boo i Jisus risilo ra atan ondo' tinulisan intor Riso ralalom ru ngaangai' ru Buuk Kitab, tumalimpuun intor ra tayar ru kitab ri Musa am niayuk ngaangai' nabi.

LUKAS 24:32

Pagigindagu ilo, “Ka kia mabunduk guang to ra Io minindagu rito ra pangkiralanan tani, am nambala' rito ra tinulisan ra Buuk Kitab?”

LUKAS 24:45

Kopongo ragili, nampaintutun Io risilo ra atan kon ru Buuk Kitab,

JUANIS 5:47

Kaa' amon ru kalo nangintopot kau ra tinulisan nali, ati kulaan akau mangintopot ra atan raguon Kutu?”

RINALATAN 10:43

Io ti noyo ondo' kon ru ngaangai' nabi, osoi ayuk mangintopot Riso, ampunon tula nano ralalom inggalan Nano.”

RINALATAN 13:29

Kopongo sinauk nilono ri Jisus ngaangai' ondo' tinulisan ra Buuk Kitab intor Riso, patuuno' nilo boo baangkai Nali intor ra salip am ongoi nilo lobongo'.

RINALATAN 16:1

Minongoi i Paulus ra Dirbi am Listra. Giu' ra Listra mokoondo' sangulun Kristian, inggalan nali i Timotius. Ina' nano ulun ru Jaudi, ondo' niayuk sangulun Kristian kaa' ama' nano ulun ru Junani.

RINALATAN 17:2

Koson ra kaindalaman no, ongoi i Paulus ra baloi sambayangan ra mangkuot am mangila' io intor ra Buuk Kitab. Saboi intalu ra moonong orou Sabat nambaal io raginio.

RINALATAN 26:24

Liliwa' nagisaung i Paulus, golok boo i Pistus, kono, “Paulus, totopot kou no sasambungon! Inigigilaan muno ra najanjayan ondo' nangkinibit rirun mantuyang!”

ROMA 1:2

Tanou Moonsoi no binantu' noyo ri Aki Kapuuno' ra nabi-nabi Nano ra galing i am pinabatik noyo ra Buuk Kitab.

ROMA 16:26

Kaa' raino katapatan raginio pinasalula' mansail ra namatikan ru nabi-nabi. Am sumugut ra susuban ri Aki Kapuuno' ondo' mantilayun, katapatan raginio potonowon ra ngaangai' bansa', maa' raginio mangintopot am gumagaya' ilo boo Riso.

ROMA 2:27

Sonsolon kau ru ulun kalo sinunatan, sabap ra kabalu' pana mokoondo' kau ra Ukum ri Musa am niayuk sinunatan noyo, kalo gumagaya' kau ra Ukum no. Kaa' ilo ondo' kalo sinunatan no, gumagaya' niayuk ra Ukum ri Musa no.

1 KORINTUS 1:21

Sumugut ra kapintaran Nano, nangaru' i Aki Kapuuno' ra osoi ayuk kalo makaulig Riso maya' ra kapintaran nano galama'. Kaa' Io no mamayag risilo ondo' mangintopot Riso minumbaya' ra tanou ondo' posoboyon maino, ondo' karaan ru ulun ru tana' ti ra ragu sasambungon.

IPISUS 6:4

Matuo kau ngai', pai' kau pampakaruol ra guang ru anak mino suku' ra malikokot ilo. Kaa', sotopot no alungi' am ilaa' min ilo ra pangilaan ru Tuhan.

SAGULION 4:6

Gagayaa' noyo ukum no ra matanda'. Koson raginio, kapintaran min makito toojo ra ulun ra bokon. Paat akau nokorongog ra ngaangai' ukum no, mindagu kau, ‘Mapara' kinapintar am kinatanda' ru bansa' ondo' maayo no!’

1 TIMOTIUS 4:13

Buoi ra aku kalo poyo makaratong, piroto' noyo pabasaa' Buuk Kitab, potonowo' Tanou Moonsoi am ilaa' poyo ulun Kristian.

2 TIMOTIUS 1:1

Aku i Paulus ondo' sinauk ri Aki Kapuuno' ra sangulun rasul ri Jisus Kristus, koson mampatanou ra kaayagan ondo' binantu' ri Aki Kapuuno', ioginio pasimpungan takau ri Jisus Kristus.

2 TIMOTIUS 1:5

Makakara' aku poyo ra pangintapatan muno ondo' mabanis, mogondo' ra pangintapatan ru aru' muno i Lois am niayuk ina' mu i Unis. Nakatainu aku ra okou pana mangintopot mogondo' risilo.

2 PITRUS 3:16

Ralalom ru ngaangai' surat nano, masalok i Paulus nanulis intor ra baal raginio. Mokoondo' kukula' mapagon aration ralalom ru surat-surat no, am tayar raginio noyo kinulau ru ulun ondo' kalo makarati' toojo am ondo' kalo maikang pangintapatan. Baal raginio kalo makaimuag, nogondo' niayuk ra tayar ra bokon pana ralalom ru Buuk Kitab kulawon nilo niayuk koson raginio, kaa' gitio mangkinibit boo ra ilo galama' mapuso.

PINAINTALANG 19:10

Igulatur aku boo ra saang ru malaikat no am samba riso, kaa' indagu io, “Pai' aku sambaa'. Sambaa' noyo i Aki Kapuuno'. Sabap ra aku pana rangan mangngandoi muno, am ra ngaangai' pabukat muno ondo' gumagaya' ra kaintutunan intor ri Jisus.” Sabap ra katapatan ondo' pinakito ri Jisus mapaikang ra ulun mampabala' ra tanou intor ri Aki Kapuuno'.

1 SAMUIL 2:18

Liliwa' raginio, i Samuil ondo' lalaing ayuk poyo narayus mangandoi ayuk ra Tuhan. I Samuil nambayang ra bayang timpok intor ra konoon linon, koson ra bayang sambayang ru imam-imam.