2 TIMOTIUS 3:11 - Tanou Moonsoi Timugon

¹¹ Okou nakakito noyo ra ati kulaan ru kaimbalaan am kapaganan kuli. Nakaintutun kou no ra ngaangai' atan ondo' nasauk giu' ra Antiokia, giu' ra Ikonium, giu' ra Listra am ngaangai' ru kaimbalaan kuli. Kaa' binayag aku ru Tuhan intor ra ngaangai' raginio.

2 TIMOTIUS 3:11 ပူးပေါင်းရင်းမြစ်များ

KASAUKAN 48:16

Gama' ru malaikat ondo' namayag raki' intor ra baal makalalaa', mambarakat risilo. Gama' ru inggalan kuno am inggalan ru kinamatuaan kuli, i Abragam am i Isak, magail sisiraan sabap ra anak-anak ragitio! Gama' ru mokoondo' ilo masuang anak am masuang papag!”

2 SAMUIL 22:1

Kopongo Tuhan namayag ra Raja' Daut intor ra Raja' Saul am pantula'-pantula' nano ra bokon, narimbai i Daut ra rimbai ragitio tayar ru Tuhan:

2 SAMUIL 22:49

am mamayag raki' intor ra pantula' kuno. Iou Tuhan, mangani' Kou raki' ra kamanangan ra pantula' kuno, am manindung raki' intor ra ulun malaat.

MAZMUR 34:19

Tuhan minggaar ra ulun ondo' maluoi pangkaus; am mamayag Io ra ulun ondo' malawo guang.

MAZMUR 37:40

Mangindangan am mamayag Io risilo; am niayuk mapalabus risilo intor ra ulun malaat, sabap ra makisindung ilo Riso.

MAZMUR 91:14

Ragu ri Aki Kapuuno', “Bayagon Ku ulun ra monogom Raki' no, alungin Ku ulun ra mangiou Raki' no koson ra Tuhan.

JISAYA 41:10

Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

JISAYA 41:14

Tuhan mindagu, “Kabalu' pana akau boborok am lamuoi, akau Israil, pai' kalaa', indanganon Takamin. Aku i Aki Kapuuno' ru Israil, i Aki Kapuuno' ondo' matulai, Aku noyo namayag ramuyun.

JISAYA 43:2

Bulintok ra akau sumandaup ra raat malandom, mabaya' Aku ramuyun; kalo makalom kau ralalom kapaganan. Bulintok ra akau mansail ra apui, kalo mosolob kau; kalo majamaran kau ra pangkinaman-pangkinaman ra maagat.

DANIL 6:27

Manusub aku maa' raginio ngaangai' ulun ra titikop ru pamarintaan kuno mangurumat am malaa' ri Aki Kapuuno' ondo' sambaan ri Danil. Io noyo i Aki Kapuuno' ondo' naayag, Io mamarinta ra sabuoi-buoi no. Pamarintaan Nano totopot kalo mapuso, am kuasa' Nano kolondo' pupus.

RINALATAN 13:14

Intor ra Pirga, tungguli' nilo poyo pangkiralanan nilai mongoi ra Antiokia ra libung ru Pisidia. Paat ra orou Sabat, minumpos ilo ra baloi sambayangan am nanturung ra giu'.

RINALATAN 13:45

Kaa' paat ra ulun ru Jaudi nakakito ra ulun masuang no, nangusolon ilo toojo. Inanggal nilo ngaangai' rinagu ri Paulus saboi nagasab riso.

RINALATAN 14:8

Giu' ra Listra mokoondo' sangulun ungkuyon ondo' kalo makalulu' intor ra io inanak am kalo igondo' makapantana'.

RINALATAN 20:19

Mabaya' ra guang minggana' am masuang lomou, nangandoi aku koson ra ulipon ru Tuhan. Kabalu' pana naimbolo' aku ra kalaatan ondo' binaal ru ulun ru Jaudi raki'.

RINALATAN 23:10

Gili boo ra pansasangaran i giminaai toojo, saboi tingganai maayo ru saujor no malaa' ra uupin nilo lair i Paulus. Ginio ra susubo' no i Paulus paingkualon intor ra tatanga' ru ulun-ulun no am ibiton ra kim ru saujor.

RINALATAN 26:17

Palabuson tokou intor ra ulun ru Israil am niayuk ulun sala' ka Jaudi. Susubon tokou poyo mongoi ra ulun sala' ka Jaudi

RINALATAN 26:22

Kaa' saboi raino ti inindangan aku ri Aki Kapuuno'. Ilai' raino ti, mangani' aku niayuk ra kaintutunan kuno ra ngaangai' ulun, ondo' maatang kapoam kalo. Atan ondo' rinagu kutu koson ayuk ra ondo' pinabala' ru nabi-nabi am niayuk ri Musa:

RINALATAN 9:16

Aku galama' manulu' riso ra suang ru kapaganan ondo' mauma' no sabap ra Aku.”

ROMA 15:31

Pakiasi' kano raki' ri Aki Kapuuno' ra ampinin No aku intor ra ulun ondo' kalo mangintopot ra Tuhan giu' ra Judia am ra pangindanganan kuno apuon ru ulun ri Aki Kapuuno' giu' ra Jirusalim.

2 KORINTUS 1:5

Masuang kaimbalaan nailian mai sabap ra maya' akai ri Kristus, kaa' masuang poyo kaindangan naapu mai sabap Riso.

2 KORINTUS 1:7

Kalo igondo' akai kaimamang malansan ramuyun; sabap ra nakapandai akai ra kabalu' pana akau maimbolo' pakaaya' ramon, makaapu kau niayuk ra kaindanganan koson ramon.

2 KORINTUS 12:10

Sabap raginio, kalo malaa' aku makauma' ra atan ayuk kalawaan; pagasaban, kapoam nansalinut kapaganan sabap ra kaatangan ri Kristus. Sabap ra paat ra aku malawo, maintuma' niayuk raginio paikangon aku boo.

2 TIMOTIUS 4:7

Siminingkotog aku no koson sangulun masisimbul am nakasuku' aku no ra pamupusan, am pinongo ku ngaangai' kandoi ondo' pinalansan raki'.

2 PITRUS 2:9

Ngaangai' raginio mampakito ra Tuhan noyo makapandai atan koson mamayag ra ulun ondo' mampakatasu' Riso paat ra ilo makatuum ra pangkinaman. Mangaru' Io niayuk ra kalo labusin ulun malaat no maa' raginio ukumin ra Orou Pangakiman ra tauli no;