2 TIMOTIUS 2:7 - Tanou Moonsoi Timugon

⁷ Guango' noyo pagabigan kuni, sabap ra Tuhan mangindangan rirun makarati' ra ngaangai' raginio.

2 TIMOTIUS 2:7 ပူးပေါင်းရင်းမြစ်များ

1 TUNUNG RU BANSA' ISRAIL 22:12

Gama' ru Tuhan, i Aki Kapuuno' muno mangani' rirun ra pangaratian am kapintaran, maa' raginio makapamarinta kou ra Israil sumugut ra Taurat Nano.

1 TUNUNG RU BANSA' ISRAIL 29:19

Anii' noyo anak kutu, i Salomo, gogoton ondo' totopot koson gumagaya' ra ngaangai' susuban Muno am koson mambaal ra baloi sambayangan ondo' ula' no tinampos ku noyo.”

MAZMUR 119:125

Aku ti ulipon Mu, anii' aku ra pangaratian, maa' raginio maratian ku pangilaan Muno.

MAZMUR 119:144

Inatang Muno masalok matimpok; paratio' aku no maa' raginio maayag aku.

MAZMUR 119:73

Okou noyo namangun am napasauk raki'; paratio' aku no mampaguang ra ukum Muno.

MAZMUR 64:9

Imboloon ilo ri Aki Kapuuno' sabap ragu-ragu nilono; ngaangai' ulun makakito risilo mamisik.

AMSAL 24:32

Bulintok ra aku mangimansa' am mangurio ra baal raginio, nakaalap aku ra pangilaan ragitio:

JISAYA 1:3

Sapi' makaulig ra nomolonggom riso no, am kaladai pana makatanda' ra intok papaakanan riso ru nomolonggom riso no, kaa' ulun Kuno Israil kalo makatutun. Totopot kalo makarati' ilo.”

JISAYA 28:26

Makapandai io mambaal ra kandoi nano, sabap ri Aki Kapuuno' nangila' riso.

JISAYA 5:12

Ralalom nasuangan pangiantakan mangkuli kau ra jitor, gambus, tamburing, am tulali, am niayuk manginum ra wain, kaa' kalo mapandayan min atan tatanga' baalon ru Tuhan raino ti.

DANIL 1:17

Nangani' i Aki Kapuuno' ra apat ngaulun ungkuyon mamulok no ra napandayan am katandaan ralalom kasusasteraan am falsafah. Rinuangan poyo, nangani' Io ri Danil ra mapandai koson mambala' ra arati' ru pinaintalang am inupi.

LUKAS 21:15

sabap ra Aku galama' mangani' ramuyun ra kapintaran tumaam, saboi kolondo' sangulun pana pantula' mino makaanggal kapoam makaansang ramuyun.

LUKAS 24:45

Kopongo ragili, nampaintutun Io risilo ra atan kon ru Buuk Kitab,

LUKAS 9:44

“Rongogo' am aratio' min bilin Kutu ragitio: Inaru' noyo ra Anak ru Ulun pataakin ra kuasa' ru ulun.”

JUANIS 14:26

Kaa' Ambiluo ri Aki Kapuuno', Io no Mangingindangan ondo' susubon ri Ama' ralalom ru inggalan Kuno, Io noyo mangila' ramuyun ra ngaangai' no am mampakara' ramuyun ra ngaangai' ondo' rinagu Ku noyo.

JUANIS 16:13

Kaa' paat ra Ambiluo ri Aki Kapuuno' no matong, mambala' Io ra katapatan ri Aki Kapuuno' am mampaintutun Io ramuyun ra ngaangai' ru katapatan. Kalo mambala' Io sumugut ra kuasa' Nano galama', kaa' mambala' Io ra atan ondo' morongog Nano am atan ondo' masauk ra tauli no.

RINALATAN 7:10

am pinalabus intor ra ngaangai' kapaganan. Paat ra io minongoi uma' ra raja' Misir i, ondo' sabiton ra Piraun, inanian io ri Aki Kapuuno' ra paliso moonsoi am kapintaran saboi raja' i nampasauk riso ra gabenor pagun raginio am magagalung ra istana.

1 KORINTUS 12:8

Ambiluo no mangani' ra sangulun ra taak mindagu ra mapintar toojo. Ulun ra bokon inanian poyo ru Ambiluo raginio ra taak mambala' ra kapandayan intor ri Aki Kapuuno'.

SAGULION 32:29

Kalo nakapandai ilo kua kinala ilo, kalo makarati' ilo ra atan ondo' nasauk noyo.

SAGULION 4:39

Ginio ra karaa' noyo ra orou raiti' am pai' liliani' ra Tuhan rondo'-rondo' i Aki Kapuuno' giu' ra limbowon am giti ra tana' ti; kolondo' boo bokon.

PILIPI 4:8

Pabukat kau, koson bilin ku ra pamupusan ti, guango' noyo ondo' moonsoi am moompor: ioginio ondo' motopot, ondo' matulai, mabanis guang, paliso moonsoi, koson mokoondo' ra togom am poyo ragu ra moonsoi rongogon.

KOLOSI 1:9

Ginio nai ra intor poyo ra akai nakaining raginio, masalok akai boo mangkara' ramuyun ralalom pakiasian mai. Makiasi' akai ri Aki Kapuuno' ra makatutun kau ra atan sotopot no kasagaan Nano, ioginio aniin kau ru Ambiluo ri Aki Kapuuno' ra kapintaran am kapandayan.

1 TIMOTIUS 4:15

Piroto' baalo' ngaangai' ru ginio, maa' raginio makito boo ru ulun masuang kasingkatan muno.

2 TIMOTIUS 2:6

Sangulun mantatanom ondo' mingkotog toojo mangandoi, io noyo toojo magulu makaalap ra tayar ru ampos ru tatanom nano.

2 TIMOTIUS 2:8

Karaa' noyo i Jisus Kristus, anak ru raja' Daut ondo' binayag noyo saguli' intor ra kapatayan. Ginio inila' ku ra Tanou Moonsoi ondo' pinasaboi kuli.

IBRANI 12:3

Guango' min noyo ati koson Io inimbolo' am kasisangin ru ulun makatula, maa' raginio kalo lumawo kau saboi mangkaus.

IBRANI 13:7

Karaa' noyo tingganai min ondo' nampasaboi ramuyun ra bala' ri Aki Kapuuno', ra ati kulaan kiralan am ampos ru kaayagan nilai, am tilu kano risilo.

IBRANI 3:1

Pabukat kau ngai' ra Kristian ondo' piniau noyo ri Aki Kapuuno', pampaguang kano ri Jisus ondo' nasauk koson ra rasul am Tingganai Maayo Imam ru pangintapatan takau.

IBRANI 7:4

Guango' min i Milkisidik ti. Io sangulun maatang kaga' saboi kinamatuaan takali i Abragam nantayar riso ra mopor piatus rapu' ginaau nali ra pangayawan i.

JAKUBUS 1:5

Amon ru mokoondo' intor ramuyun no kalo mapintar, moonsoi ru makiasi' io ayuk ri Aki Kapuuno', maa' raginio aniin io ra kapintaran; sabap ri Aki Kapuuno' ti noyo manaak ra osoi ayuk ulun mabaya' ra asi' am kinataau ru guang Nano.

JAKUBUS 3:15

Ginio sala' ka kapintaran intor suruga'. Kaa' intor io ayuk ra tana' ti, intor ayuk ra paliso ru ulun am intor poyo ra riwato.

JAKUBUS 3:17

Kaa' kapintaran ondo' intor ra suruga', kasaa' no io mapasau am kolondo' sala; am poyo masaga' ra pabansayan, masamba, minsugut; mapanu' ra asi' am baal moonsoi; kalo mainggi' io am mabanis ayuk guang.

1 JUANIS 5:20

Nakapandai takau ra minatong noyo Anak ri Aki Kapuuno' am nangani' ritakau ra kaintutunan koson makaulig takau ri Aki Kapuuno'. Maayag takau sumimpung ri Aki Kapuuno' am niayuk i Jisus Kristus. Io noyo i Aki Kapuuno' ondo' motopot, am gitio noyo kaayagan motopot am mantilayun.