2 TIMOTIUS 2:24 - Tanou Moonsoi Timugon

²⁴ Kalo noyo moonsoi ulipon ru Tuhan no makapaliso makimansangor. Kaa' sotopot no moonsoi masamba io ayuk ra ngaangai' ulun, am sumauk ra mangingila' ra moonsoi ondo' mataan guang.

2 TIMOTIUS 2:24 ပူးပေါင်းရင်းမြစ်များ

2 TUNUNG RU BANSA' ISRAIL 24:6

Ginio ra pampiau Raja' Joas ri Joyada, tingganai nilo am pangkuot, “Kua rirun kalo nanusub ra ulun ru Liwi mongoi ra mamagun ru Jiuda am Jirusalim koson manimung ra cukai ondo' pinaugar ri Musa, ulipon ru Tuhan no ra tayar ru Kim ru Tuhan?”

JISAYA 40:11

Alungin No ulun Nano koson ra sangulun magagalung; timungon No am kubibilon No anak-anak ru domba, am ralalom kinolomoi, aakon No indung-indung ru domba.

DANIL 6:20

Paat ra maar matawang, sukal raja' am agou-agou minongoi ra luang batu ru singa' no.

MATIUS 12:19

Kalo maansang-ansang kapoam gumolok Io, kapoam ngunguak Io ra ralan pansailan ru ulun.

JUANIS 6:52

Intor ra ragu Nani, mansasangor boo ulun-ulun ru Jaudi ra rondo' am bokon, konilo, “Ati kulaan ulun ti mampaakan ritakau ra inan Nano?”

RINALATAN 15:2

Kaa' minansang toojo i Paulus am i Barnabas ra pangilaan ru ulun rati. Pupus i, i Paulus, i Barnabas am poyo kukula' ngaulun Kristian intor ra Antiokia pinoongoi ra Jirusalim koson mongoi uma' ra rasul am tingganai ru Kristian ra manalasai ra kapaganan ragitio.

RINALATAN 23:9

Golok boo ilo boo ra mapuor toojo. Kukula' ngaulun ru Parisi ondo' nasauk ra mangingila' ra Ukum ri Musa timinaam am minansang toojo, konilo, “Kolondo' rondo' pana sala ru ulun ti! Motopot lair ra mokoondo' ambiluo kapoam malaikat minindagu riso!”

RINALATAN 7:26

Iosuabon, pakakito io ra ruo ngaulun ru Israil nansangor am kinami' no ilo sawayo'. Kono risilo, ‘Akau ti mabukat. Kua malaat kau ra rondo' am bokon?’

2 KORINTUS 10:1

Aku, i Paulus, mangitaak ramuyun, aku ondo' raguon ra molomoi paat ra makatuum ramuyun, kaa' baani paat ra makapaginggalur ramuyun. Sabap ra kinolomoi am kinataau ru guang ri Kristus, kitaakon takamin

2 KORINTUS 10:4

Kinandoi mangayou ondo' ibiton mai ra pangayawan, sala' ka intor ra tana' ti, kaa' intor noyo ri Aki Kapuuno' ondo' makakuasa'. Am kinandoi mangayou ti noyo makapamuso ra kinaikang ru pantula'. Mompolonggo' akai ra pantataaman

2 KORINTUS 6:4

Kaa' ralalom ru ngaangai' baalon mai, mampakito akai ra ulipon akai ri Aki Kapuuno', ra ati kulaan mongorot ra nansalinut kapaganan ra guang mataan:

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

IPISUS 4:2

Paingganaa' noyo guang min, kolomoi am kasalok kano mataan guang. Pakitono' noyo kinotogom min ra mangindangan kau ra rondo' am bokon.

SAGULION 34:5

Kopongo raginio i Musa, ulipon ru Tuhan no, minatoi giu' ra tana' ru Moab, koson ra ondo' rinagu noyo ru Tuhan.

PILIPI 2:14

Atan ayuk kondoyon min, moonsoi kalo mambulingot kau kapoam makimansangor.

PILIPI 2:3

Pai' kano paguyum ra kaatangan ayuk galama' kapoam paliso lumimbau. Kaa' sotopot no paingganaa' min guang mino koson mangkara' ra ulun bokon maatang poyo intor ramuyun.

KOLOSI 3:13

Pai' kano kataki' sumangit ra rondo' am bokon am ampuno' noyo amon ru mokoondo' sumonsol ra ulun bokon. Mogondo' ra Tuhan nangampun noyo ramuyun, moonsoi ru akau pana mangampun ra rondo' am bokon.

1 TISALONIKA 2:7

kabalu' pana akai ti, koson ra rasul ri Jisus Kristus, maaya' akai makitaak ra atan-atan ayuk intor ramuyun. Kaa' kinolomoi mai guang mai paat ra akai soroi ramuyun, koson ra sangulun ina' ra io mantalaanak.

1 TIMOTIUS 6:11

Kaa' okou ulun noyo ri Aki Kapuuno', ginio nai ra inggaluri' noyo ngaangai' baal malaat raginio. Singkotog no sumauk ra ulun motopot, matanda', makapangintapatan, motogom, tumaan guang am molomoi.

TITUS 1:1

Aku i Paulus mamatik ra surat ti koson sangulun ulipon ri Aki Kapuuno' am sangulun rasul ri Jisus Kristus. Aku pinili' koson mampaingkotog ra pangintapatan ru ulun pinili' ri Aki Kapuuno' am mampaintutun risilo ra pangilaan motopot sumugut ra ugama takau.

TITUS 1:7

Sangulun tingganai musiti' kolondo' sala sabap ra mangatang io ra kandoi ri Aki Kapuuno'. Kalo noyo io minsawat guang, kalo mataki' malasu' guang kapoam gagaukon, am poyo kalo maangkol-angkol kapoam maringkumaa' ra kalangkayaan ru tana' ti.

TITUS 1:9

Io ti poyo musiti' mangintopot toojo ra bala' ondo' malansanan am ondo' naila' noyo riso. Maa' raginio makapangikang io ra guang ru ulun bokon-bokon no mimaya' ra pangilaan motopot am poyo makapampainono' ra kasalaan ru ulun-ulun ondo' manggal no.

TITUS 3:2

Ragui' ilo no ra pai' pangalimut kapoam pakimansangor, kaa' masalok masamba am molomoi ra ngaangai' ulun.

JAKUBUS 1:1

Aku i Jakubus, sangulun ulipon ri Aki Kapuuno' am niayuk ulipon ru Tuhan Jisus Kristus. Kaansayan ku ra ngaangai' ulun ri Aki Kapuuno' ondo' soroi ra titikop ru tana' ti.

JAKUBUS 3:17

Kaa' kapintaran ondo' intor ra suruga', kasaa' no io mapasau am kolondo' sala; am poyo masaga' ra pabansayan, masamba, minsugut; mapanu' ra asi' am baal moonsoi; kalo mainggi' io am mabanis ayuk guang.

JAKUBUS 4:2

Mansalinut gogoton min, kaa' ra io kalo moowot min, makimampatoi kau boo. Maayo toojo guang min sumolon ra atan ayuk, kaa' ra io kalo masuku' min kaalap, ginio boo puun ra akau makimantaam am makimansangor ti. Kalo noyo makaalap kau ra atan ayuk pana, sabap ra kalo makiasi' kau ri Aki Kapuuno'.

JOSUA 1:1

Pakapatoi i Musa ulipon ru Tuhan no, minindagu Tuhan ri Josua anak ru Nun, mangindangan ri Musa.

1 PITRUS 3:8

Pamupusan raginio: Korondoo' noyo guang min am pakaasi' kano ra rondo' am bokon. Ponogom kano ra rondo' am bokon mogondo' ra akau tumogom ra pabukat min galama'. Am poyo musiti' kau mataau am minggana' guang.

JUDAS 1:3

Pabukat kau ngai' ondo' tagamin ku! Mokoondo' noyo guang ku ra buoi ti koson manulis raan ramuyun intor ra pamayagan ti ondo' inapu takali. Kaa' raino ti malimanan ku ra moonsoi ru manulis aku noyo ramuyun ra surat ti koson anggalon min ilo ondo' tumula' ra pangilaan motopot intor ri Aki Kapuuno', ondo' pinataak ra igondo' ayuk ra ulun Nano ra sabuoi-buoi no.