2 TIMOTIUS 2:20 - Tanou Moonsoi Timugon

²⁰ Ralalom ru baloi ru ulun langkaya' nansalinut kakamot. Mokoondo' binaal intor ra pirok am mas, am niayuk ondo' binaal intor ra tataun kapoam tana' labu'. Masuai niayuk ondo' masalok pakayon am ondo' pakayon paat ra tambuluyon.

2 TIMOTIUS 2:20 ပူးပေါင်းရင်းမြစ်များ

IJRA 1:6

Ngaangai' pasambalayan nilo niayuk nangindangan ra nangani' ra kuliamos ondo' makapakuan: kuliamos ru pirok, mas, lutu' koson ra pangkiralanan, bibiag koson magaut ra kuliamos, rapu' ra bokon am niayuk taak koson Baloi ru Tuhan.

IJRA 6:5

Kuliamos ru mas am pirok ondo' pinakai giu' ra ralalom ru Baloi ru Tuhan, ondo' inalap ru Raja' Nibukadnijar intor ra Jirusalim am inibit ra Babil, musiti' pasagulion ra intok no saguli'.”

KAINGKUALAN 27:3

Baalo' noyo paliuk ru kaau makaumau, am pambaal niayuk ra panuuk, mangkuk, garapu' am intok ru apui; musiti' ngaangai' ru kuliamos no baalon intor ra gangsa'.

SULABOI 4:2

Ragili kamulakan ungkuyon ru bandar Sion koson ra mas ondo' mokologo, kaa' raino pinamakuan risilo koson ra rarapu' tembikar.

DANIL 5:2

Paat ra nagauk noyo, nanusub Raja' Bilsyajar koson mangalap ra mangkuk-mangkuk ondo' binaal intor ra mas am pirok ondo' ginaau ru ama' nano, Raja' Nibukadnijar intor ra Baloi ru Tuhan giu' ra Jirusalim. Kinitaak ru Raja' Bilsyajar mangkuk-mangkuk no maa' raginio io, ulun-ulun mangaatang nano, am niayuk ngaangai' andu' am ruandu' parulug ru raja' makainum intor ra mangkuk-mangkuk no.

JUANIS 8:49

Kon ri Jisus, “Sala', pai' ru sinubol Aku ru riwato. Aku mangurumat ra Ama' Kuno, kaa' akau magasab Raki'.

ROMA 9:20

Pabukat kuno, makakau' kou kia tumaam ri Aki Kapuuno' koson raginio? Makapangkuot kia rarapu' no ra mambabaal no, “Kua guat baalo' mu aku koson ragitio?”

1 KORINTUS 3:9

Akai masisinggau' mangandoi ri Aki Kapuuno'; am akau koson ra umo Nano. Koson ra tinambalayan kau niayuk ri Aki Kapuuno'.

2 KORINTUS 4:7

Akai ti koson ra pagangan tana', ondo' nambulian ra rapu' mokologo intor ra suruga'. Ginio mampakito ri Aki Kapuuno' noyo maayo kaga' kuasa', am sala' ka akai.

IPISUS 2:22

Ralalom pasimpungan min ri Kristus, akau niayuk nababaya' ra ngaangai' ulun ra bokon pasaukon ra baloi ri Aki Kapuuno', ioginio randanan ru Ambiluo Nano.

1 TIMOTIUS 3:15

Kaa' amon ru kalo makaratong aku ra mataki', okou mokoondo' noyo ra kaintutunan ra ati kulaan musiti' takau maayag koson ra anak ri Aki Kapuuno', ioginio pasimpungan ru ulun ondo' mangintopot ri Aki Kapuuno' ondo' maayag. Itakau noyo ondo' mampabala' am manungka' ra katapatan.

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.