2 TIMOTIUS 2:2 - Tanou Moonsoi Timugon

² Pangilaan kuli ondo' naining mu noyo ra saang ru masuang sasi', ilaan mu gitio ra ulun ondo' malansanan am ondo' matasik mangila' poyo ra bokon.

2 TIMOTIUS 2:2 ပူးပေါင်းရင်းမြစ်များ

IJRA 7:10

Pinataak ri Ijra kaayagan nano koson mintutun ra Ukum ru Tuhan, nambaal raginio am niayuk nangila' ra ngaangai' inaru' am ukum nano ra bansa' ru Israil.

IJRA 7:25

“Musiti' okou, Ijra, manampakuan ra kapintaran ondo' pinataak ri Aki Kapuuno' rirun. Lantiko' tingganai-tingganai am akim-akim maa' raginio maningganai ra mamagun giu' ra Iprat Kalasaan, ondo' maayag sumugut ra Ukum ri Aki Kapuuno' muno. Musiti' okou mangila' ra Ukum no ra ngaangai' ulun ondo' kalo poyo nakapandai raginio.

NIGIMIA 7:2

Pinataak ku pamarintaan ru bandar Jirusalim ra pabukat kuno i Ganani am ri Gananya, panglima ru kubu pangampinan. I Gananya kolondo' pogondo' nano sabap ra io maintopot am malaa' ri Aki Kapuuno'.

MAZMUR 101:6

Apuon ku ulun ondo' gumagaya' ri Aki Kapuuno'; paayanon ku ilo ra baloi kuno; ulun totopot mabanis guang iowon ku mangandoi raki'.

AMSAL 13:17

Ulun sinusub ra kolondo' guang maparatong ra kapaganan, kaa' ulun sinusub ra maintopot maparatong ra kaansayan.

JIRIMIA 23:28

Nabi ondo' naginupi musiti' no mindagu, ‘Ginio inupi ayuk.’ Kaa' nabi ondo' nangapu ra tanou intor Raki' musiti' mampasaboi ra tanou no ra sotopot no. Atan kia rami no amon ru pinogondo' ra gandum!

IMAMAT 14:42

Musiti' batu-batu ondo' baguon pakayon koson pamalit ra batu-batu ondo' pinatiran noyo. Musiti' titikop ru rinding batu no angkupin ra simin baguon.

MALIAKI 2:7

Imam-imam musiti' toojo mangila' ra atan ondo' motopot intor ri Aki Kapuuno'. Mamagun musiti' matong ra imam-imam koson makapandai ra kasagaan Kuno sabap ilo ulun sinusub ru Tuhan Ondo' Maayo Kaga' Kuasa'.

UNTABAN 12:7

Kaa' kalo koson raginio ra ulipon Kuno i Musa; sinauk Ku noyo io ra tingganai ru ngaangai' ulun Kuno Israil.

MATIUS 13:52

I Jisus pana mindagu poyo, “Moonong mangingila' ra Ukum ri Musa ondo' nasauk ra ulun ri Aki Kapuuno', io ti koson ra sangulun puun baloi ondo' mapaingkual ra kuliamos nakabagu am lairon intor ra kaban ru rapu' nano.”

MATIUS 24:25

Rongogo' min! Nakaindagu Aku noyo ramuyun paat ra kalo poyo nasuku' baal ti.

LUKAS 12:42

Taam ru Tuhan, “Osoi ulipon ra gumagaya' am matanda' toojo? Io no ondo' susubon ru tuan nano maningganai ra ulipon ra bokon, am mangani' risilo ra akanon paat ra inaru' noyo.

1 KORINTUS 4:2

Rondo' ayuk maatang ra sangulun ulipon, ioginio gumagaya' io toojo ra tuan nano.

2 KORINTUS 2:14

Kaa' maringkuanang aku ri Aki Kapuuno'! Masalok Io maningganai ramon koson mokoowot ra kamanangan, sabap ra pasimpungan mai ri Kristus. Magibit Io ramon mampabala' ra tanou ri Kristus ra ati ayuk pana, am tanou raginio koson ra owou maamis.

2 KORINTUS 3:5

Kolondo' kon atan pana ramon ondo' mangiou ra akai maaya' mambaal ra kandoi ti. Kaa' pangiawan maino intor noyo ri Aki Kapuuno'.

KOLOSI 1:7

Inigigilaan min ragitio intor ra rangan mangangandoi mai i Ipapras, ondo' tagamin mai. Io sangulun mangngandoi ri Kristus ondo' sumugut toojo ra kandoi maatang maiti.

1 TIMOTIUS 1:12

Maringkuanang aku ri Jisus Kristus, Tuhan takau, sabap ra aku pinaikang am linansanan Nano sumauk ra mangangandoi Riso,

1 TIMOTIUS 1:18

Timotius ondo' pinakaanak kuno, kandoi ragitio palansanon ku rirun: Anggalo' ilo ondo' maabau-abau ra okou mampabala' ra Tanou Moonsoi, maya' ra bilin ru nabi rirun ragili.

1 TIMOTIUS 4:14

Pai' polosoo' ayuk kandoi tinaakan ri Aki Kapuuno' no rirun, paat ra tingganai-tingganai napabanta' ra kalindu' nilai ra ulu muli liliwa' nabi-nabi nampabala' ondo' inaru' rirun ri Aki Kapuuno'.

1 TIMOTIUS 4:6

Amon ru mangila' kou ra ngaangai' ti ra pabukat Kristian, okou sangulun ulipon ri Jisus Kristus ondo' moonsoi. Pangintapatan muno pana ikangon poyo ralalom ru pangilaan ra motopot ondo' sinugut mu noyo ra buoi ti.

1 TIMOTIUS 5:22

Pai' kaluoi papabanta' ra kalindu' ra ulu ru sasangulun, koson ra tatandu' ra mangiou riso ra mangngandoi ru Tuhan. Amon ru ulun ra bokon mambaal ra tula, pai' no pakaayaya'. Kaa' alungi' ayuk toojo kapasawan ru kaayagan muno.

1 TIMOTIUS 6:12

Gogot no gumagaya' ri Kristus ra sotopot-topot ru guang suku' moowot mu kaayagan mantilayun. Sabap raginio noyo nampiawan ri Aki Kapuuno' rirun paat ra okou nangiou ra mangintopot kou no ri Jisus Kristus ra saang ru masuang sasi'.

2 TIMOTIUS 3:10

Kaa' okou nakaintutun noyo ra ati kulaan pangilaan kuno, paliso kuno am kiralan ru kaayagan kuno. Am poyo nakaintutun kou ra togom kuno, pangintapatan kuno am guang mataan kuno am kaaratan kuno pana.

2 TIMOTIUS 3:14

Kaa' okou Timotius, guuto' noyo toojo atan ondo' inila' i noyo rirun am ondo' inintopot muno. Nakaintutun kou no ra osoi nangila' rirun i

IBRANI 2:17

Ginio noyo sabap ra musiti' Io masauk ra ulun koson ra pabukat Nano ralalom ngaangai' baal. Maa' boo raginio nasauk Io ra Tingganai Maayo Imam ondo' makaasi' toojo ritakau am masalok gumagaya' ra susuban ri Aki Kapuuno'. Intor ra kandoi Nano raginio tula ru ulun ampunon boo ri Aki Kapuuno'.

1 SAMUIL 2:35

Mampili' Aku ra sangulun imam ondo' gumagaya' Raki' am ondo' mambaal ra ngaangai' ru susuban Kuno. Manaak Aku riso ra papag ondo' magail mangandoi tayar ra imam ra raja' ondo' pilion Kuno.