2 TIMOTIUS 2:16 - Tanou Moonsoi Timugon

¹⁶ Inggaluri' noyo pantaaman ra kolondo' onong no am ondo' magasab ri Aki Kapuuno'. Raragu koson ragitio mampainggalur ayuk risilo intor ri Aki Kapuuno'.

2 TIMOTIUS 2:16 ပူးပေါင်းရင်းမြစ်များ

IJRA 10:10

Imam Ijra pana minigor boo am indagu ra ulun raginio, “Makatula kau noyo am rinuangan kasalaan ru Israil sabap ra nanangandu' ra ruandu' ru bansa' ra bokon.

GOSIA 12:1

Indagu Tuhan, “Liminibung bansa' ru Israil Raki' ra abau am ruung, am bansa' ru Jiuda lakat poyo gumuor Raki', i Aki Kapuuno' ondo' matulai am gumagaya'.

1 KORINTUS 15:33

Pai' kau karuung ru ulun. Pangkubayawan ra malaat mampakalaat ra paliso moonsoi.

1 KORINTUS 5:6

Kalo moonsoi kau masumbung koson raginio. Nakapandai kano lair ragu ragitio, “Ragi ra sanganu ayuk mampagayo ra ngaangai' ru ruti', ioginio tapung linatakan ra timug am umau.”

1 TIMOTIUS 1:9

Karaa' takau boo ra ukum ti pai' ru pinataak koson mampatanda' ra ulun moonsoi, kaa' ulun mangalaat ondo' manggal ra ukum, ioginio ondo' makatula, ondo' tumalikur am kalo mangurumat ri Aki Kapuuno', am poyo ulun ondo' mamatoi ra matuo nilai, kapoam mamamatoi ra bokon.

1 TIMOTIUS 4:7

Kaa' inggaluri' noyo tutunungon ondo' binaal-baal ayuk ra kolondo' onong no. Igigila' no ra kaayagan ondo' kasagaan ri Aki Kapuuno'.

1 TIMOTIUS 6:20

Timotius, rayuso' poyo kandoi ondo' pinalansan noyo rirun. Inggaluri' noyo pantataaman ra kolondo' onong am ondo' magasab ri Aki Kapuuno', pagagansangan ondo' piawon rokoon “Kapandayan”, kaa' sotopot no kalo.

2 TIMOTIUS 2:14

Ngaangai' baal ragitio pakaraan mu ra pasimpungan ulun Kristian am pinsonon mu ilo ra saang ri Aki Kapuuno' ra kalo boo mantataam ra arati' ru rorondo' ragu. Kolondo' toojo onong ru gitio, ondo' ak am mampakajajou ayuk ra ulun ondo' mangkirongog no.

2 TIMOTIUS 2:21

Koson ra osoi ayuk ondo' mangandoi ra Tuhan, amon ru tumalikur intor ra ngaangai' kalaatan, saukon io boo mambaal ra maatang. Pilion io sabap ra mokoonong ra pagilangan ru tuan nano. Nakatampos io noyo pongondoyon ra atan ayuk baal moonsoi.

2 TIMOTIUS 3:13

Kaa' ulun ondo' mangalaat am mamparuung no, gumaai poyo kinalaat nilai no. Ilo mamparuung ra ulun ra bokon, kaa' ilo pana galama' maruung niayuk.

TITUS 1:11

Moonsoi sonsongon kabang nilai no, sabap ra mampakalayau ilo ra sasambaloi ra pangilaan nilai ra kalo motopot ti. Baal nilo ti makauyuyu' toojo sabap ra maguyum ilo ayuk ra panginduitan galama'.

TITUS 1:14

Am kalo boo makaaya' ilo ra pangilaan ru ugama Jaudi kapoam tutunungon ondo' binaal ayuk ru ulun ondo' timinalikur intor ra pangilaan motopot.

TITUS 3:9

Kaa' inggaluri' noyo pantataaman ra kolondo' onong, tutunungon ondo' binaal-baal ayuk ru ulun, pangayawan am pansasangaran intor ra Ukum ri Musa. Sabap raginio ngai' kolondo' onong kapoam ampos no.

IBRANI 12:15

Ilalai' noyo ra kolondo' sangulun pana tumalikur ra kataawan ri Aki Kapuuno', maa' raginio kolondo' sangulun pana mantipagon ra bokon mogondo' ra tutuu' makatuwo ondo' makaanit ra ulun.

2 PITRUS 2:18

Ragu nilai masumbung am sasambungon. Pansasawaan nilono mamparuku' ra ulun ondo' bagu ayuk poyo timinalikur intor ra kaayagan nakalayau.

2 PITRUS 2:2

Kabalu' pana koson raginio, masuang ulun tumilu ra kinibit ru guang malaat nilai. Binaal nilai ti noyo mangkinibit ra masuang boo ulun magasab ra Ralan Katapatan.

PINAINTALANG 13:14

Ngaangai' ulun ra tana' ti ruungon no mansail ra kaimuagan ondo' iniou mabaal no ra saang ru bibiag masigo kasaa' no. Ilo ngaangai' ti susubon no mambaal ra sinungkalalaing koson sumamba ra bibiag masigo ondo' napilatan noyo ra ilang, kaa' lakat poyo maayag.

PINAINTALANG 13:3

Rondo' intor ra tulu' ulu no makito koson mokoondo' pilat maayo ondo' makapatoi, kaa' pilat no napali' noyo. Ngaangai' ulun ru tana' ti nangimuag ra bibiag masigo no, am baya' ilo boo riso.