2 TIMOTIUS 1:7 - Tanou Moonsoi Timugon

⁷ Sabap ra pai' ru Ambiluo ri Aki Kapuuno' magibit ra guang takau malaa', kaa' sotopot no mangani' io ritakau ra kaikangan, togom am kinataan ru guang.

2 TIMOTIUS 1:7 ပူးပေါင်းရင်းမြစ်များ

MAZMUR 119:80

Gama' ru masugut ku ngai' panusuban Muno, am kalo tauyuon aku.

AMSAL 2:7

Manaak Io ra pangindanganan am panindungan ra ulun ondo' mabanis guang.

AMSAL 8:14

Aku noyo manaak ra pambalaan ra moonsoi, am niayuk namuun no. Mapintar aku am maikang.

JISAYA 11:2

Kuasa' ru Tuhan manaak riso ra kapintaran am niayuk katutunan am kapintaran koson mamarinta ra ulun nano. Makaulig io ra kasagaan ru Tuhan am mangurumat Riso.

MIKA 3:8

Kaa' ra aku, Tuhan nanikop raki' ra kuasa' am Ambiluo Nano. Nangani' Io raki' ra arati' ru katimpakan, am niayuk kinabaani koson mambala' ra ulun ru Israil intor ra tula nilo.

JAKARIA 4:6

Nanusub malaikat no raki' nampasaboi ra tanou ru Tuhan ti ri Jirubabil, “Makasugut kou sala' ka kaikangan ru saujor kapoam kaikangan muno galama', kaa' ra Ambiluo Kuno.

LUKAS 10:19

Rongogo' min! Inanian takamin ra kuasa' manginjang ra kukuo makabisa' am lingait am niayuk kuasa' makaanggal ra ikang ru pantula' mino. Kolondo' mampakaruol ramuyun.

LUKAS 15:17

Katutuni' no binaal nali, nampaguang io, ‘Ngaangai' mangngandoi ri ama' malabaan ra akanon, am aku ragiti matoi ayuk kalo ra bitil!

LUKAS 24:49

Aku galama' mangator ramuyun ondo' binantu' ri Ama' i. Kaa' musiti' kau maginaa galing ra bandar ragitio saboi mokoowot kau ra kuasa' ti intor ri Aki Kapuuno', bagu mongoi kau pampatanou.”

LUKAS 8:35

Ongoi boo ulun masuang no ilong ra atan ondo' nasauk i. Pakasuku' ilo ra giu' i, kakito nilo ungkuyon ondo' sinubol ru riwato ra raitii' ni. Nanturung io ra tuma' ri Jisus, nambayang am niayuk matanda' io. Nalaa' ilo ngaangai'.

JUANIS 14:27

Kaansayan patatangon Kuno ramuyun; kaansayan Kuno galama' pataakon Ku ramuyun. Kaansayan Kuno sala' ka koson ra kaansayan ondo' taakin ru tana' ti. Ginio ra pai' kano pagalabo kapoam kalaa'.

RINALATAN 1:8

Kaa' akau makaalap ra kuasa' paat ra Ambiluo ri Aki Kapuuno' no matong ramuyun. Masauk kau boo ra sasi' Kuno giu' ra Jirusalim, ngaangai' ra Judia, am Samaria, am saboi ra ati ayuk intok ra tana' ti.”

RINALATAN 10:38

Nakapandai kau poyo ra i Aki Kapuuno' nampili' noyo ri Jisus, ulun Nasarit i, am inanian No ra Ambiluo ri Aki Kapuuno' am niayuk kuasa'. Minongoi Io ra ati ayuk intok koson mambaal ra moonsoi am mamabas ra ulun masuang ondo' kinuasa' ru Tingganai ru riwato, sabap ra mabaya' i Aki Kapuuno' ri Jisus.

RINALATAN 20:24

Kaa' kalo mangkara' aku ra maayag aku kia kapoam kalo; ondo' karaan kuno ayuk am momongo ra kandoi ondo' pinataakan raki' ru Tuhan Jisus, ioginio mampasaboi ra Tanou Moonsoi intor ra asi' ri Aki Kapuuno'.

RINALATAN 21:13

Kaa' taam i Paulus, “Kua kia tangii' min aku koson ragitio saboi mangiluk boo toojo guang kutu? Nakatampos aku no ra bangkilon kia kapoam matoi pana giu' ra Jirusalim, sabap ri Tuhan Jisus.”

RINALATAN 26:11

Masalok aku niayuk nangimbolo' risilo giu' ra baloi sambayangan am nampajajal risilo lumugut intor ra inintopot nilai. Nasisang aku kaga' risilo saboi sinunu' ku ilo ra ati ayuk bandar ra pagun bokon koson mangimbolo' risilo.”

RINALATAN 26:25

Kaa' taam i Paulus, “Tuan, kalo mantuyang aku. Ngaangai' ondo' rinagu kuni motopot toojo am matanda'.

RINALATAN 6:8

I Stipanus binarakat toojo ri Aki Kapuuno' am makakuasa', saboi makapambaal ra kaimuagan am tatandu' ra ulun masuang.

RINALATAN 9:22

Kaa' mulu' poyo ikang ru bala' ri Saulus i. Atan ondo' pinabala' nali ra i Jisus noyo Mamamayag ondo' sinusub ri Aki Kapuuno' mintutun toojo, saboi ulun ru Jaudi ondo' minayan ra Damsyik kalo boo makataam riso.

ROMA 5:5

Am kalansanan raginio kalo mangkinibit ritakau mangkaus, sabap ra nanaak noyo i Aki Kapuuno' ritakau ra Ambiluo Nano ondo' mampakito ritakau ra togom ri Aki Kapuuno'.

ROMA 8:15

Sabap ra Ambiluo ondo' pinataak ri Aki Kapuuno' ramuyun, kalo mangulipon am mambaal ramuyun malaa'. Kaa' sotopot no Ambiluo no mampasauk ramuyun ra anak ri Aki Kapuuno', am ralalom indangan ru Ambiluo no, iowon takau mampiau ri Aki Kapuuno', “Ama', i Ama' kuno!”

1 KORINTUS 2:4

Tanou am pangilaan ondo' pinasaboi kuli ramuyun, kalo minaya' ra kapintaran ru ulun ondo' makabunduk ra guang, kaa' pinainono' ku ati kulaan kuasa' ru Ambiluo ri Aki Kapuuno'.

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

KOLOSI 1:8

Io ti niayuk ondo' nambala' ramon ra ati kulaan Ambiluo ri Aki Kapuuno' no magibit ramuyun mokopontotogom.

IBRANI 2:15

Mansail raginio noyo mampalabus Io ra ulun ondo' moonong orou malaa' ra matoi.

1 PITRUS 1:22

Sabap ra gumagaya' kau ra pangilaan ri Aki Kapuuno' ti noyo, migimpasau kano, saboi mokoponogom kau boo ra pabukat min ra Kristian. Intor raginio, tagami' noyo rondo' am bokon mabaya' ra guang mapasau.

1 JUANIS 4:18

Ulun ondo' nakaliman ra togom ri Aki Kapuuno' kalo malaa'. Sabap ra togom ra tumilayun no mamuso ra ngaangai' pangkaraan ra malaa'. Intor raginio, osoi ayuk malaa' no, kalo poyo nakaliman ra togom ri Aki Kapuuno' tumilayun riso, am ulun raginio malaa' ra pangukuman no.