2 TIMOTIUS 1:2 - Tanou Moonsoi Timugon

² Timotius, ondo' tagamin kuno: Gama' ru i Aki Kapuuno', Ama' takau am i Jisus Kristus, Tuhan takau manaak rirun ra barakat, asi' am pabansayan.

2 TIMOTIUS 1:2 ပူးပေါင်းရင်းမြစ်များ

RINALATAN 16:1

Minongoi i Paulus ra Dirbi am Listra. Giu' ra Listra mokoondo' sangulun Kristian, inggalan nali i Timotius. Ina' nano ulun ru Jaudi, ondo' niayuk sangulun Kristian kaa' ama' nano ulun ru Junani.

ROMA 1:7

Ginio ra nanulis aku ra surat ti ramuyun ngaangai' ra Roma ondo' tagamin ri Aki Kapuuno' am ondo' piniau noyo masauk ra ulun Nano. Gama' ru Ama' takau i Aki Kapuuno' am i Tuhan Jisus Kristus manaak ramuyun ra barakat am pabansayan.

ROMA 12:19

Pabukat ondo' tagamin ku: pai' pambalos ra kalaatan ru ulun, kaa' polosoo' noyo i Aki Kapuuno' mangukum risilo. Sabap ra tinulisan noyo ra Buuk Kitab, “ ‘Aku noyo mambalos am Aku noyo mangukum,’ kon ru Tuhan.”

1 KORINTUS 4:17

Ginio kuayan ra mompoongoi aku ri Timotius ramuyun. Koson sangulun Kristian, io ti anak kuno ondo' tagamin kuno am malansanan. Io mampakara' ramuyun ra ati kulaan kaayagan kuno koson ra sangulun ondo' mangintopot ri Kristus. Ginio noyo pangilaan kuno ra ngaangai' pasimpungan ulun Kristian ra ati ayuk intok.

PILIPI 4:1

Pabukat ondo' tagamin kuno, noondom aku ramuyun sabap ra akau no mampakaansuk ra guang kuno am maansayan aku magilong ra kinoonsoi ru bayag min. Ginio nai ra rayuso' noyo pasimpungan mino ra Tuhan.

1 TIMOTIUS 1:2

Timotius, pinakaanak tokou sabap ra pangintapatan muno ri Kristus. Gama' ru i Aki Kapuuno', Ama' takau, am i Jisus Kristus, Tuhan takau manaak rirun ra barakat, asi' am pabansayan.

2 TIMOTIUS 2:1

Timotius ondo' tagamin kuno, mikang kou toojo ra kataawan ondo' moowot takau sabap ra pasimpungan takau ri Jisus Kristus.

TITUS 1:4

Titus, pinakaanak tokou niayuk sabap ra mogondo' ayuk pangintapatan tati. Gama' ru i Aki Kapuuno', Ama' takau am i Jisus Kristus, Mamamayag takau, manaak rirun ra barakat am pabansayan Nano.

TITUS 2:13

Raino ti magiginaa takau ra Orou Kalansanan takau, ioginio papaintalangan ru katulayan ru Tuhan ondo' Maayo Kaga' Kuasa', i Jisus Kristus, Mamamayag takau.

3 JUANIS 1:4

Kolondo' atan-atan mapabansuk ra guang kuno intor ra nangkirongog ra bayag ru pabukat-pabukat kuno maya' ra susuban ri Aki Kapuuno'.