2 TIMOTIUS 1:1 - Tanou Moonsoi Timugon

¹ Aku i Paulus ondo' sinauk ri Aki Kapuuno' ra sangulun rasul ri Jisus Kristus, koson mampatanou ra kaayagan ondo' binantu' ri Aki Kapuuno', ioginio pasimpungan takau ri Jisus Kristus.

2 TIMOTIUS 1:1 ပူးပေါင်းရင်းမြစ်များ

JUANIS 10:28

Mangani' Aku risilo ra kaayagan mantilayun koson kalo mapuso ilo. Kolondo' noyo mampagaau risilo intor Raki'.

JUANIS 17:3

Gitio noyo kaayagan motopot am mantilayun; ra makaulig ilo Rirun, i Aki Kapuuno' ondo' motopot, am poyo i Jisus Kristus ondo' sinusub Mutu.

JUANIS 5:24

“Balain takamin toojo: Osoi ayuk mangkirongog ra ragu Kutu am mangintopot Riso ondo' nanusub Raki', mokoowot ulun no ra kaayagan motopot am mantilayun. Kalo ukumin io, kaa' nakalabus io noyo intor ra kapatayan am nakatalimpuun noyo maayag.

JUANIS 6:40

Sabap ra gitio noyo kasagaan ri Ama': moonong ulun ondo' makaulig ra Anak Nano am mangintopot Riso, mokoowot ra kaayagan motopot am mantilayun am mampakaayag Aku risilo paat ra Orou Pupus.”

JUANIS 6:54

Osoi ayuk mangakan ra inan Kutu am manginum ra raraa' Kutu, mokoowot io ra kaayagan motopot am mantilayun am bayagon Ku io paat ra Orou Pupus.

ROMA 1:1

Pabukat kau ngaangai', aku i Paulus, ulipon ri Jisus Kristus am rasul ondo' pinili' am piniau ri Aki Kapuuno' mampabala' ra Tanou Moonsoi Nano.

ROMA 5:21

Intor raginio, koson niayuk ra tula nangkinibit ra ngaangai' ulun matoi, kataawan ri Aki Kapuuno' pana mangkinibit ritakau mobonsoi saguli' Riso, saboi mokoowot takau ra kaayagan motopot am mantilayun sabap ri Jisus Kristus, Tuhan takau.

ROMA 6:23

Sabap ra tula no mangkinibit ra kapatayan, kaa' taak ri Aki Kapuuno' no kaayagan motopot am mantilayun mababaya' ri Kristus Jisus, Tuhan takau.

1 KORINTUS 1:1

Pabukat kau ngaangai', ulun Kristian ru bandar Korintus. Surat ti intor raki', i Paulus am niayuk i Sostinus. Akau piniau noyo ri Aki Kapuuno' koson masauk ra ulun Nano, sabap ra akau longgom ri Jisus Kristus, nogondo' ra ngaangai' ulun ra ati ayuk intok ondo' sumamba ra Tuhan takau i Jisus Kristus, ioginio Tuhan nilo am niayuk Tuhan takau. Tinulisan ku surat ti ramuyun koson ra aku rasul ri Jisus Kristus, ondo' pinili' ri Aki Kapuuno' galama' maya' ra kasagaan Nano.

2 KORINTUS 1:1

Pabukat kau ngaangai' ra pasimpungan ulun Kristian ra bandar Korintus am poyo ngaangai' ulun ri Aki Kapuuno' ra pagun Akaya. Surat ti intor raki', i Paulus, rasul ri Jisus Kristus ondo' piniau ri Aki Kapuuno', am intor ra pabukat takau i Timotius. Gama' ru i Aki Kapuuno', Ama' takau am i Tuhan Jisus Kristus manaak ramuyun ra barakat am pabansayan.

2 KORINTUS 1:20

Sabap Riso, i Aki Kapuuno' mindagu ra “Iou” ra moonong ondo' binantu' Nali. Ginio ra itakau mindagu ra “Amin”, sabap ri Jisus Kristus, maa' raginio urumaton takau i Aki Kapuuno'.

GALATIA 3:26

Sabap ra mangintopot kau ri Kristus Jisus, nasauk kau ngaangai' ra anak ri Aki Kapuuno'.

GALATIA 3:28

Raino kalo boo nansasala' ulun ru Jaudi am ulun sala' ka Jaudi, ulipon am sala' ka ulipon, kapoam ungkuyon am ruandu'. Sabap ra rondo' kau ayuk ngai' ralalom ri Kristus Jisus.

IPISUS 3:6

Gitio io ti: Sabap ra Tanou Moonsoi no, ulun sala' ka Jaudi pana mokoowot ra barakat ri Aki Kapuuno' mabaya' ra ulun ru Jaudi. Ilo karuo ti masauk koson ra rondo' inan, koson ulun sala' ka Jaudi pana mokoowot ondo' binantu' ri Aki Kapuuno' mansail ra pasimpungan nilo ri Jisus Kristus.

1 TIMOTIUS 6:19

Maa' raginio makapanimung ilo boo ra kalangkayaan ondo' sumauk ra puun ru kaayagan nilo ra orou tauli no. Am koson raginio mokoowot ilo ra kaayagan ondo' motopot am mantilayun.

2 TIMOTIUS 1:10

kaa' raino bagu pinaintalang mansail ra ratangan ru Mamamayag takau, i Jisus Kristus. Io no namandak ra kuasa' ru kapatayan ondo' manguasa' ra ngaangai' ulun am nagibit ra kaayagan mantilayun mansail ra Tanou Moonsoi ti.

2 TIMOTIUS 1:13

Guuto' noyo pangilaan motopot ondo' inila' kuli rirun koson alapon mu ra tiluan. Pasingkotogo' noyo pangintapatan am togom ondo' intor ra pasimpungan takau ri Jisus Kristus i.

2 TIMOTIUS 1:9

I Aki Kapuuno' nampakaayag am nampiau ritakau maa' raginio gumagaya' toojo Riso. Am gitio sala' ka intor ra atan ondo' binaal takau ra moonsoi, kaa' sotopot no sabap ra pangatangan am kataawan Nano galama'. Am ginio sinauk Nano sabap ri Jisus Kristus ra kalo poyo tana' ti biningkal,

2 TIMOTIUS 2:1

Timotius ondo' tagamin kuno, mikang kou toojo ra kataawan ondo' moowot takau sabap ra pasimpungan takau ri Jisus Kristus.

2 TIMOTIUS 2:10

Ginio sabap ra tumaan aku ra ngaangai' ti koson ra kaatangan ru ilo ondo' pinili' noyo ri Aki Kapuuno', maa' raginio ilo pana mokoowot ra pamayagan ondo' taakin ralalom inggalan ri Jisus Kristus am ondo' mabaya' ra urumat mantilayun.

2 TIMOTIUS 2:3

Musiti' kou maya' maimbolo' koson sangulun saujor ri Kristus ondo' gumagaya' Riso.

2 TIMOTIUS 3:15

am nakaulig kou ra Buuk Kitab intor ra okou boborok ayuk poyo. Ginio makapangani' rirun ra kapintaran koson mokoowot ra pamayagan sabap ra pangintapatan mu ri Jisus Kristus.

TITUS 1:2

Pangilaan raginio noyo puun ru kalansanan takau ra mokoowot takau ra kaayagan mantilayun ondo' binantu' ri Aki Kapuuno' ra kalo poyo tana' ti biningkal. Kalo noyo magabau i Aki Kapuuno'.

TITUS 1:4

Titus, pinakaanak tokou niayuk sabap ra mogondo' ayuk pangintapatan tati. Gama' ru i Aki Kapuuno', Ama' takau am i Jisus Kristus, Mamamayag takau, manaak rirun ra barakat am pabansayan Nano.

IBRANI 9:15

Ginio nai ra mansail ri Kristus noyo i Aki Kapuuno' nakapambaal ra nabantuan bagu, maa' raginio ulun ondo' pinili' Nano makaapu ra barakat mantilayun ondo' binantu' Nali. Ngaangai' raginio masauk sabap ri Kristus minatoi noyo koson mampakaayag ra ulun intor ra sala ondo' binaal nilono nakapaat ra nabantuan kasaa' i iniou.

1 JUANIS 2:25

Am gitio binantu' galama' ri Jisus Kristus ritakau, io no kaayagan mantilayun.