2 SAMUIL 9:7 - Tanou Moonsoi Timugon

⁷ Indagu Raja' Daut riso, “Pai' kalaa'. Mataau aku rirun sabap ri Jonatan, ama' muno. Mangani' aku rirun saguli' ra ngaangai' tana' ondo' ragili linonggom ru aki muli Raja' Saul. Magail kou kimaitin mangakan ra mija' kuno.”

2 SAMUIL 9:7 ပူးပေါင်းရင်းမြစ်များ

KASAUKAN 43:18

Tatanga' ilo mumpos ra baloi no, mangalaa' ilo am mampaguang ilo, “Inibit takau ragiti sabap ra ruit ra pinasaguli' ralalom ru karung takali ra kasaa' itakau minatong ragiti. Rokopon nilo pulalii' itakau, alapon nilo kaladai takano am saukon takau ra ulipon nano.”

KASAUKAN 43:23

Taam ulipon no, “Pai' pagalabo. Pai' kalaa'. I Aki Kapuuno' mino, iono i Aki Kapuuno' ru ama' mino ondo' napauli ra ruit i ra karung mino. Naapu ku noyo logo ru gandum mini.” Ibito' no boo i Simion risilo.

2 SAMUIL 12:8

Nangani' aku noyo rirun ra pamarintaan ri Saul am andu'-andu' nano. Napasauk Aku niayuk rirun ra raja' ru Israil am Jiuda. Amon ru ngaangai' ti lakat poyo kalo maukop, maaru' mangani' Aku rirun ra kinasuang induo ruli' poyo.

2 SAMUIL 19:28

Ngaangai' ru sasambaloi ru ama' kuli musiti' ukumin mu ra matoi, kaa' iniou mu aku mangakan giu' ra istana. Raino kalo baani aku makitaak ra atan-atan pana boo intor rirun.”

2 SAMUIL 19:29

Kon ru raja', “Sama' noyo! Namatas aku no ra okou am i Jiba manungkus ra ngaangai' rapu' ru Raja' Saul.”

2 SAMUIL 19:33

Kaa' kon ru raja' riso, “Baya' no raki' mongoi ra Jirusalim. Mangani' aku rirun ra ngaangai' pakuan muno ra giu'.”

2 SAMUIL 21:7

Sabap ra Raja' Daut am i Jonatan nagibot noyo ra rondo' am bokon, kalo pinataak ru Raja' Daut i Mipibosit anak ri Jonatan, akupu ru Raja' Saul no risilo.

2 SAMUIL 9:1

Paat ra sangarawan pangkuot Raja' Daut, “Mokoondo' kia osoi-osoi intor ra sasambaloi ru Raja' Saul ondo' lakat poyo maayag? Amon ru mokoondo', masaga' aku makibonsoi riso sabap ri Jonatan.”

2 SAMUIL 9:10

Okou, anak-anak muno am ulipon-ulipon muno, musiti' kondoyon tana' no tayar ru sasambaloi ru tuan muno, am pangani' ra ampos ru tana' no risilo koson mangukop ra pakuan nilo. Kaa' i Mipibosit magail mangakan ra mija' kuno.” (Mokoondo' i Jiba mopor am limo ngaulun anak ungkuyon am ruo ngoopor ngaulun ulipon.)

2 SAMUIL 9:11

Taam i Jiba, “Suguton ku ngaangai' susuban muno.” Ginio ra i Mipibosit nangakan nagulung ra raja' koson ra sangulun intor ra anak ungkuyon ru Raja' Daut galama'.

2 SAMUIL 9:13

Koon raginio noyo i Mipibosit ondo' kimpo' karuo-ruo kalayam nano minayan ra Jirusalim am magail mangakan ra mija' ru raja'.

2 SAMUIL 9:3

Pangkuot poyo Raja' no riso, “Mokoondo' kia osoi-osoi intor ra sasambaloi ru Raja' Saul ondo' lakat poyo maayag, maa' raginio mokopobonsoi aku riso sumugut ra bantu' kuno ri Aki Kapuuno'?” Taam i Jiba, “Lakat poyo mokoondo' sangulun anak ungkuyon ri Jonatan. Io ti kimpo'.”

1 RAJA'-RAJA' 2:7

Kaa' koonsoi no ra anak-anak ri Barjilai, ulun ru Giliad no. Tampilani' ilo ra kaukapan nilo sabap ra moonsoi ilo raki' paat ra aku nagiru' intor ra maayo muli i Absalom.

2 RAJA'-RAJA' 25:29

Raja' Joyakin kalo boo nambayang ra bayang ru pangaputan am mangakan io giu' ra mija' ru raja' ra buoi ru bayag nano.

MAZMUR 41:9

Mindagu ilo, “Malanjag maruol nano am kalo boo makasukal intor ra kaalangan no.”

JIRIMIA 52:33

Iniou Raja' Joyakin rumalin ra bayang ru pangaputan nano, am niayuk iowon mangakan giu' ra mija' ru raja' buoi ru bayag nano.

JAKARIA 7:9

“Paat ra galing i, nangani' Aku ra susuban ti ra ulun Kuno, ‘Akau musiti' mambaal ra matimpok, moonsoi guang am makaasi' ra ulun ru akau po ngai'.

MATIUS 6:11

Anii' akai no ra akanon ra orou raiti'.

LUKAS 22:30

Mangakan am manginum kau ra rondo' mija' mababaya' Raki' paat ra Aku masauk ra raja'. Akau pana saukon ra raja' koson mangakim ra mopor am ruo ngantayaran bansa' ru Israil.”

PINAINTALANG 3:20

Iningo'! Migor Aku ra kulobon am manitik. Amon ru mokoondo' makaining ra bolos Kuno am mangukab ra kulobon no, mumpos Aku ra baloi nano am mangakan magulung riso, am mangakan io magulung Raki'.

1 SAMUIL 12:24

Gagaya' kano ra Tuhan am pangandoi ayuk toojo Riso am ra sototopot ru guang mino. Karaa' noyo baal maayo ondo' binaal Nano ramuyun.

1 SAMUIL 20:15

pakitono' gagaya' muno ra papag kuno ra sabuoi-buoi no. Mopongo Tuhan no mamuso ra ngaangai' ru pantula' muno,

1 SAMUIL 22:23

Ayan no raki' am pai' kalaa'. Moogot Raja' Saul no mamatoi rirun, kaa' moogot io mamatoi raki' niayuk. Ginio ra mamimio kou ra intok kutu.”