2 SAMUIL 9:11 - Tanou Moonsoi Timugon

¹¹ Taam i Jiba, “Suguton ku ngaangai' susuban muno.” Ginio ra i Mipibosit nangakan nagulung ra raja' koson ra sangulun intor ra anak ungkuyon ru Raja' Daut galama'.

2 SAMUIL 9:11 ပူးပေါင်းရင်းမြစ်များ

2 SAMUIL 15:15

Taam ilo, “Iou, raja' mai. Akai ngaangai' nakatampos mambaal ra atan ayuk kasagaan muno.”

2 SAMUIL 19:17

Nagibit io ra saribu ngaulun intor ra bansa' ru Binjamin nababaya' riso. I Jiba, ulipon ru sasambaloi ru Raja' Saul, niayuk minatong nababaya' ra mopor am limo ngaulun anak ungkuyon nano am ruo ngoopor ngaulun ulipon. Nakasaboi ilo ra Sungoi Jordan nakapagulu intor ra raja'.

2 SAMUIL 19:24

Kopongo raginio, i Mipibosit, akupu ru Raja' Saul minongoi uma' ra raja'. Kalo igondo' io nambagu' ra kalayam, kapoam nangaur ra jangut, kapoam nampupu' ra konoon intor ra raja' nangiruan ra Jirusalim saboi ra raja' siminaguli' ra matanda'.

2 SAMUIL 19:26

Taam i Mipibosit, “Raja' kuno, nakapandai kou ra aku ti kimpo'. Nanusub aku ra ulipon kuno koson mampabingkal ra palana ra kaladai maa' raginio makaaya' aku rirun. Kaa' nanumbalik io raki'.

2 SAMUIL 9:10

Okou, anak-anak muno am ulipon-ulipon muno, musiti' kondoyon tana' no tayar ru sasambaloi ru tuan muno, am pangani' ra ampos ru tana' no risilo koson mangukop ra pakuan nilo. Kaa' i Mipibosit magail mangakan ra mija' kuno.” (Mokoondo' i Jiba mopor am limo ngaulun anak ungkuyon am ruo ngoopor ngaulun ulipon.)

2 SAMUIL 9:12

I Mipibosit mokoondo' sangulun anak ungkuyon inggalan no i Mika, ondo' lakat poyo mamulok. Ngaangai' ru sasambaloi ri Jiba nasauk ra ulipon ri Mipibosit.

2 SAMUIL 9:13

Koon raginio noyo i Mipibosit ondo' kimpo' karuo-ruo kalayam nano minayan ra Jirusalim am magail mangakan ra mija' ru raja'.