2 SAMUIL 8:8 - Tanou Moonsoi Timugon

⁸ Nampagaau niayuk Raja' Daut ra masuang tambaga' intor ra Bita am Birotai, bandar-bandar ondo' ragili kinuasa' ru Raja' Gadadijir.

2 SAMUIL 8:8 ပူးပေါင်းရင်းမြစ်များ

2 SAMUIL 8:7

Nampagaau Raja' Daut ra perisai-perisai mas ondo' pinakai ru pagawai-pagawai ru Raja' Gadadijir, am inibit ngaangai' no ra Jirusalim.

1 RAJA'-RAJA' 11:23

Nangkinibit niayuk i Aki Kapuuno' ri Rijon anak ri Ilyada mantula' ra Raja' Salomo. I Rijon no nagiru' intor ra tuan nano, Raja' Gadadijir intor ra Joba,

1 TUNUNG RU BANSA' ISRAIL 18:1

Kukula' buoi raiti, namulunsar Raja' Daut am nangala ra ulun ru Palistin, am niayuk nampagaau ra bandar Gat am niayuk ngaangai' pekan giu' ra liliut no.

1 TUNUNG RU BANSA' ISRAIL 18:8

Suai raginio Raja' Daut niayuk nangalap ra masuang kaga' tambaga' intor ra Tibhat am Kun, bandar-bandar ondo' ragili kinuasa' ru Raja' Gadadijir. (Paat ra orou tauli, tambaga'-tambaga' pinakai ru Raja' Salomo koson nambaal ra tangki', lugu'-lugu', am kuliamos ru sambayang giu' ra Baloi ru Tuhan.)

1 TUNUNG RU BANSA' ISRAIL 22:14

Intor ra Baloi ru Tuhan no, piniratan ku noyo toojo koson nanimung nasailan intor ra 3,400 ngatan mas am nasailan intor ra 34,000 ngatan pirok. Suai raginio mokoondo' gangsa' am basi' ondo' kalo mauntob suang no. Tataun am batu pana tinampos ku noyo, kaa' musiti' mu ruangin poyo ginio.

1 TUNUNG RU BANSA' ISRAIL 22:16

koson ra ulun manukang ra mas, ulun manukang ra pirok, ulun manukang ra gangsa' am ulun manukang ra basi'. Patalimpuuno' noyo kandoi no ra mataki'! Gama' ru Tuhan mabaya' rirun.”

1 TUNUNG RU BANSA' ISRAIL 29:7

Nangani' ilo ragitio koson ra pambaalan ra Baloi ru Tuhan: nasailan 170 ngatan mas, nasailan 340 ngatan pirok, mamaar 620 ngatan tambaga' am nasailan 3, 400 ngatan basi'.

YEHEZKIEL 47:16

mongoi ra Birota am Sibraim (bandar-bandar ondo' intok no lolot ru libung ru pamarintaan Damsyik am pamarintaan Gamat), am Tikon (bandar ondo' intok no giu' ra balitan ru pamarintaan Gauran).