2 SAMUIL 8:16 - Tanou Moonsoi Timugon

^16-18 Gitio noyo pagawai-pagawai maatang ondo' linantik ru Raja' Daut: Panglima ru saujor: i Joab (ina' nano i Jiruya); Mamamatik ru istana: i Josapat anak ri Agilud; Imam-imam: i Jadok anak ri Agitub am i Agimilik anak ri Abiatar; Mamamatik ru pasimpungan pagun: i Siraya; Tingganai ru mantamung ayuk ra raja': i Binaya anak ri Joyada; Imam-imam giu' ra istana: anak-anak ungkuyon ru Raja' Daut.

2 SAMUIL 8:16 ပူးပေါင်းရင်းမြစ်များ

2 SAMUIL 18:2

Kopongo raginio panusub io risilo jumalai koson mongoi pangayou ralalom talu pulalai, sigagama' tiningganai ri Joab, i Abisai boborok ri Joab, am i Itai intor ra Gat. Kon ru raja' ra ulun-ulun nano, “Aku pana maya' ramuyun.”

2 SAMUIL 19:13

Panusub niayuk Raja' Daut risilo mindagu ri Amasa, “Okou pabukat kuno. Intor raino lantikon tokou masauk ra panglima saujor koson malit ri Joab. Polosoon noyo i Aki Kapuuno' mamatoi raki' amon ru baal raginio kalo baalon ku!”

2 SAMUIL 2:13

I Joab (ina' nano makainggalan ri Jiruya), nababaya' ra kukula' ngaulun pagawai ru Raja' Daut, sumuku' ra bandar raginio niayuk. Karuruo pulalai no nakapaguma' giu' ra kolam Gibion; i Abnir am pulalai nano nanturung ra tampilon ragiti, am i Joab am pulalai nano tampilon ra giu' no.

2 SAMUIL 8:15

Namarinta Raja' Daut giu' ra titikop ru Israil am nanutun maa' raginio mamagun nano masalok moonsoi am matimpok pamakuan no.

1 RAJA'-RAJA' 4:3

Mamamatik ru pagun: I Iligorip am i Agia, iono anak-anak ri Sisa Manutun ra rapu' ru pagun: I Josapat anak ri Agilud

2 RAJA'-RAJA' 18:18

Kopongo raginio nampiau ilo ra Raja' Gijkia, kaa' talu ngaulun pagawai nano minatong tuum risilo, iono i Iliakim anak ri Ilkia, manalingapu ra istana; i Sibna, mamamatik ru istana am i Joa anak ri Asap, mamamatik ru pagun.

2 RAJA'-RAJA' 18:37

I Iliakim, i Sibna am i Joa pana namparilak boo ra bayang nilo sabap ra mangiluk. Pinabala' nilo ragu-ragu ru pagawai ru Asyur no ra Raja' Gijkia.

1 TUNUNG RU BANSA' ISRAIL 11:6

Paat raginio, Raja' Daut mindagu, “Ulun ondo' kasaa' mamatoi ra sangulun Jibusi masauk ra panglima!” I Joab (ina' nano i Jiruya), naningganai ra pamulunsaran ondo' kasaa', ginio ra io nasauk ra panglima.