2 SAMUIL 8:12 - Tanou Moonsoi Timugon

¹² iono Idom, Moab, Amon, Palistin am pagun ru ulun ru Amalik. Pinataak niayuk ru Raja' Daut santayaran intor ra kuliamos ondo' ginaau nano intor ra Raja' Gadadijir.

2 SAMUIL 8:12 ပူးပေါင်းရင်းမြစ်များ

2 SAMUIL 10:11

Kon ri Joab ra boborok nano, “Amon ru kalo tumaan aku manggal ra saujor ru Siria, indibok pangindangan raki'; kaa' amon ru kalo tumaan kou manggal ra saujor ru Amon, matong aku mangindangan rirun.

2 SAMUIL 10:14

Paat ra saujor ru Amon nakakito ra saujor ru Siria nagigiru', iruani' nilo i Abisai am subol ra ralalom ru bandar. Kopongo nangayou ra ulun ru Amon, uli' i Joab ra Jirusalim.

2 SAMUIL 8:2

Kopongo raginio nangala Raja' Daut ra ulun ru Moab. Nanusub io ra ulun inaput nano lumangan ra tana', pamatoi io boo ra ruo ngaulun intor ra moonong talu ngaulun. Ginio ra ulun ru Moab naala ra Raja' Daut am mambayar riso ra cukai.

1 TUNUNG RU BANSA' ISRAIL 18:11

Pinataak ru Raja' Daut ngaangai' tangguang no ra Tuhan koson pakayon ralalom ru upacara sambayang. Koon niayuk ra ondo' binaal ru Raja' Daut am kuliamos pirok am mas ondo' inalap nano intor ra bansa'-bansa' ondo' kinala nano, iono bansa' ru Idom, Moab, Amon, Palistin am Amalik.

1 SAMUIL 15:8

Rinakop ru Raja' Saul no Raja' Agag, raja' ru ulun ru Amalik, am namatoi ra ngaangai' ulun ru Amalik,

1 SAMUIL 27:8

Buoi raginio, i Daut am ulun-ulun nano naindalom mamulunsar ra ulun ru Gisur, Girji am Amalik; nabuoi ilo noyo minayan ra intok raginio. Sinubol ri Daut intok nilono saboi ra Sur, am rayus ra Misir tampilon ra rabugus.

1 SAMUIL 30:17

Paat ra tumawang ra suabon no, binulunsar ilo ri Daut am pangayawan no nasauk saboi ra rondom. Suai ra apat ngaatus ngaulun mamulok ondo' nagigiru' ra nangura' ra unta, kolondo' sangulun pana ra popolos ru pantula' ondo' nakapagiru'.

1 SAMUIL 30:20

Niayuk poyo i Daut nampagaau niayuk ra ngaangai' domba am bibiag tinambiag ra bokon. Bibiag tinambiag no inuyung ru ulun-ulun ri Daut ra pagulu no, nakapansuai intor ra kuliamos ginaau ra bokon. Ilo pana mindagu boo, “Gitio tayar ri Daut!”