2 SAMUIL 8:10 - Tanou Moonsoi Timugon

¹⁰ Ginio ra nanusub Raja' Tou ra anak ungkuyon nano i Joram koson mapasaboi ra ragu nano ra Raja' Daut am minindagu ra kaansayan ra kamanangan nano ra Raja' Gadadijir, sabap ra Raja' Tou masalok noyo mangayou ra Raja' Gadadijir. Minatong i Joram ra Raja' Daut am nagibit ra masuang tangguang intor ra mas, pirok am gangsa'.

2 SAMUIL 8:10 ပူးပေါင်းရင်းမြစ်များ

KASAUKAN 43:27

Pangkuot i Jusup ra tanou nilo sigagama' am indagu, “Atan tanou ri ama' min ondo' pinatunung min raki'? Ati kulaan riso i? Moonsoi io kia?”

2 SAMUIL 8:11

Pinataak ru Raja' Daut ngaangai' tangguang no ra Tuhan koson pakayon ralalom ru sambayang. Koon niayuk binaal nano ra mas am pirok ondo' ginaau intor ra pagun ondo' kinala nano,

2 SAMUIL 8:9

Raja' Tou intor ra pagun Gamat nokorongog ra nangala Raja' Daut ra ngaangai' saujor ru Raja' Gadadijir.

1 RAJA'-RAJA' 1:47

Ra niayuk poyo, pagawai-pagawai ru istana minumpos minuma' ra Raja' Daut koson mindagu ra maringkuanang riso. Konilo riso, ‘Gama' ru i Aki Kapuuno' muno mapasauk ra Raja' Salomo no mauligan poyo kaga' intor rirun, am gama' ru langkaya' poyo intor ra pamarintaan muno.’ Kopongo raginio igugulatur Raja' Daut giu' ra intok kaalangan nano koson sumamba ra Tuhan,

1 TUNUNG RU BANSA' ISRAIL 18:10

Ginio ra Raja' Tou nanusub ri Joram, anak ungkuyon nano koson mampasaboi ra ragu kaansayan ra Raja' Daut am ragu paringkuanangan ra kamanangan nano ra Raja' Gadadijir. Raja' Tou galama' masalok noyo mangayou ra Raja' Gadadijir. Minuma' i Joram ra Raja' Daut am nagibit ra masuang tangguang intor ra mas, pirok am gangsa'.

2 TUNUNG RU BANSA' ISRAIL 32:23

Masuang ulun minatong ra Jirusalim am nagibit ra taak ra Tuhan am tangguang ra Raja' Gijkia. Intor raginio bansa'-bansa' ra bokon mangurumat ra Raja' Gijkia.

MAZMUR 129:8

Ulun ondo' mansail kalo mindagu, “Gama' ru barakaton kau ru Tuhan! Mambarakat akai ramuyun ralalom inggalan ru Tuhan.”

JISAYA 39:1

Bulintok ragili, raja' ru Babilonia, ioginio Raja' Mirodak Baladan anak ri Baladan nokorongog ra Raja' Gijkia marualan am makaluat noyo. Ginio ra raja' ru Babilonia napaibit ra surat am rondo' tangguang no ra Raja' Gijkia.

1 SAMUIL 13:10

kaa' kopongo ayuk Raja' Saul napataak raginio, nakasaboi i Samuil. Tuum Raja' Saul ri Samuil ra manguma' riso,