2 SAMUIL 7:8 - Tanou Moonsoi Timugon

⁸ Ginio ra balai' ulipon Kuno Raja' Daut ra gitio noyo ragu Kutu, Tuhan Ondo' Maayo Kaga' Kuasa' no riso, ‘Nangalap Aku rirun intor ra magalung ra domba giu' ra padang am napasauk Aku rirun ra tingganai ru ulun Kuno Israil.

2 SAMUIL 7:8 ပူးပေါင်းရင်းမြစ်များ

2 SAMUIL 12:7

Kon ri Natan ra Raja' Daut, “Okou noyo ulun no! Gitio noyo rinagu ru Tuhan, i Aki Kapuuno' ru ulun ru Israil, ‘Nangalap Aku no rirun masauk ra raja' ru Israil am namayag rirun intor ri Saul.

2 SAMUIL 14:13

Kon ru ruandu' no, “Sabap ra ragu muni, nangiou kou noyo ra okou galama' makasala sabap ra kalo nangiou ra anak ungkuyon muno muli' intor ra pamatiran. Kua baalo' mu kasalaan koson raginio ra ulun ri Aki Kapuuno'?

2 SAMUIL 23:1

Raja' Daut anak ri Isai iono ulun ondo' sinauk ri Aki Kapuuno' ra ulun maayo, am pinili' ri Aki Kapuuno' ri Jakub nasauk ra raja'. Nanulis Raja' Daut ra masuang rimbai ondo' moonsoi ra Israil, am gitio noyo ragu pupus nano:

2 SAMUIL 24:17

Nakito ru Raja' Daut malaikat ondo' tatanga' mamatoi ra mamagun no, kono boo ra Tuhan, “Aku noyo natulaan sabap ra nambaal aku ra kasalaan. Kaa' atan kia kasalaan ru bansa' ondo' makaasi'-asi' no? Ukumi' noyo aku am sasambaloi kuno!”

2 SAMUIL 5:2

Intor ragili, am poyo paat ra Raja' Saul lakat poyo raja' mai, okou noyo naningganai ra saujor ru Israil nangayou. Binantu' niayuk ru Tuhan no rirun ra okou maningganai ra ulun Nano am masauk ra raja' nilo.”

2 SAMUIL 6:21

Taam Raja' Daut, “Mansayau aku koson mangurumat ra Tuhan. Nangimpai Io ra ama' muli am niayuk sasambaloi muno, am nampili' raki' koson ra tingganai ru ulun Nano Israil. Rumayus aku mansayau am tumampos ra asabin janjain poyo intor ra raitii' ni koson mangurumat ra Tuhan. Mataman kou raki', kaa' ulipon-ulipon ruandu' no mangurumat raki'!”

1 RAJA'-RAJA' 3:6

Taam Raja' Salomo, “Nampakito Kono ra togom ondo' maayo ra ulipon Muno Raja' Daut, ama' kuno. Io moonsoi, gumagaya', am mabanis guang Rirun. Magail Kou mampakito ra togom Muno ondo' maayo am mantilayun no riso am nangani' riso ra sangulun anak ungkuyon, ondo' raino ti mamarinta minalit riso.

1 RAJA'-RAJA' 8:16

‘Intor ra Aku nagibit ra ulun Kuno miningkual intor ra Misir, kalo poyo igondo' Aku nampili' ra bandar ra ati pana ra titikop ru Israil koson ra intok pambaalan ra baloi, intok sambayangan Raki'. Kaa' nampili' Aku rirun Daut, koson mamarinta ra ulun Kuno.’ ”

1 TUNUNG RU BANSA' ISRAIL 17:7

Ginio ra balai' ulipon Kuno i Daut ra Aku, Tuhan Ondo' Maayo Kaga' Kuasa' minindagu riso, ‘Okou inalap Ku intor ra kandoi muno koson ra magagalung ra domba giu' ra padang, am nampasauk rirun ra raja' ru ulun Kuno Israil.

1 TUNUNG RU BANSA' ISRAIL 21:17

Pakiasi' Raja' Daut, “Iou Aki Kapuuno', aku noyo ra sala. Aku noyo ondo' nanusub ra ulun nampaugar ra panguntaban no. Atan kia kasalaan ru bansa' ragitio? Iou Tuhan, Aki Kapuuno' kuno, ukumi' aku no am sasambaloi kuno, kaa' painggaluro' karaat ti intor ra ulun Muno.”

AMOS 7:15

Kaa' Tuhan nampiau raki' intor ra kandoi magalung ra bibiag tinambiag am nanusub raki' mampasaboi ra tanou Nano ra ulun ru Israil.

RINALATAN 7:46

I Daut napabansuk ra guang ri Aki Kapuuno'. Ginio ra kitaako' no koson mambaal ra rondo' baloi ri Aki Kapuuno' ondo' sambaan ri Jakub.

1 SAMUIL 10:1

Kopongo raginio nangalap i Samuil ra sambutul umau jaitun, am pabuuro' umau no ra rasawat ru ulu ri Saul. Inalok no i Saul am indagu, “Pinili' kou ru Tuhan masauk ra raja' ru Israil, ulun Nano. Mamarinta kou ra ulun Nano am mangampin risilo intor ra ngaangai' pantula'. Gitio noyo inono' no ra pinili' kou noyo ru Tuhan masauk ra raja' ru ulun Nano:

1 SAMUIL 2:8

Io mangkayang ra ulun musikin intor ra kaimbalaan, am Io mapalabus ra ulun asabin intor ra kaimbalaan. Ilo pasaukon ra rangan ru ulun mangaatang ondo' makapangkat, am aniin ra intok maatang kaga'. Lonor ru tana' ti longgom ru Tuhan, giu' ra ralimbou ru lonor no, tinirong no tana' ti.

1 SAMUIL 9:16

“Susuab no tampilon ra susuab ti olo'-olo' paat koson ragitio, manusub Aku ra sangulun ungkuyon intor ra bansa' ru Binjamin muma' rirun. Umawo' ulu nano ra umau koson ra tatandu' nampili' riso masauk ra raja' ru ulun Kuno Israil. Mapalabus io ra ulun Kuno intor ra ulun ru Palistin. Nakito Ku noyo kaimbalaan ru ulun Kuno, am norongog Ku noyo tangi' nilo ra makiindangan.”