2 SAMUIL 7:25 - Tanou Moonsoi Timugon

²⁵ Raino, iou Tuhan i Aki Kapuuno', intopoto' noyo bantu' ondo' rinagu Muno intor ra inan kuno am papag kuno, koson ra sabuoi-buoi no. Suguto' noyo atan ondo' binantu' Muno.

2 SAMUIL 7:25 ပူးပေါင်းရင်းမြစ်များ

KASAUKAN 32:12

Karaa' ra binantu' Mu noyo ra tandaan Mu raki' ngaangai' am manaak Kou raki' ra masuang papag saboi kalo mauntob ru sangulun pana sabap ra suang no koson ra agis giu' ra nagas ru raat.”

2 SAMUIL 7:24

Sinauk Mu Israil ra ulun Muno ra sabuoi-buoi no. Okou, iou Tuhan, nasauk noyo ri Aki Kapuuno' nilo.

2 SAMUIL 7:26

Inggalan Muno matulai am koson ra sabuoi-buoi no ulun mindagu, ‘Tuhan Ondo' Maayo Kaga' Kuasa' iono i Aki Kapuuno' ru ulun ru Israil!’ Ginio ra tutunon Mu maa' raginio sangulun intor ra papag kuno mamarinta koson ra raja' ru bansa' ragitio koson mantilayun.

1 RAJA'-RAJA' 2:4

Amon ru gumagaya' kou ra Tuhan, suguton no bantu' ondo' binaal Nano paat ra Io nambala' raki' ra papag kuno mamarinta ra Israil, buoi nilo totopot gumagaya' ra ngaangai' susuban Nano am gumagaya' Riso ra sotopot-topot ru guang am salibuor nilo.

1 RAJA'-RAJA' 8:26

Ginio ra, iou i Aki Kapuuno' ru Israil, suguto' noyo ngaangai' ondo' binantu' Muno ra ama' kuli Raja' Daut, ulipon Muno.

2 TUNUNG RU BANSA' ISRAIL 6:17

Ginio ra iou Tuhan, i Aki Kapuuno' ru Israil, suguto' noyo ngaangai' ondo' binantu' Muno ra ama' kuli Raja' Daut, ulipon Muli.

MAZMUR 119:38

Intopoto' bantu' Muno raki', ulipon Muti, bantu' ra pinataak Muno ra ulun ondo' gumagaya' Rirun.

MAZMUR 119:49

Karaa' noyo bantu' Muno raki', ulipon Muti; bantu' ondo' nanaak raki' ra kalansanan.

YEHEZKIEL 36:37

Indagu Tuhan Raja', “Igondo' poyo iowon Ku ulun ru Israil makiindangan Raki', am ruangin Ku suang nilo koson ra sampanon ru domba.

1 SAMUIL 1:23

Indagu i Ilkana, “Iou, baalo' noyo ondo' ilain mu ra moonsoi. Soroi no ra baloi ti saboi anak tano lumonggo' ra tumiti'. Gama' ru mambaal Tuhan ra bantu' muno totopot masauk.” Siminoroi boo i Ana ra baloi saboi ra anak nano liminonggo' ra tumiti'.