2 SAMUIL 7:24 - Tanou Moonsoi Timugon

²⁴ Sinauk Mu Israil ra ulun Muno ra sabuoi-buoi no. Okou, iou Tuhan, nasauk noyo ri Aki Kapuuno' nilo.

2 SAMUIL 7:24 ပူးပေါင်းရင်းမြစ်များ

KASAUKAN 17:7

“Suguton Ku toojo bantu' Kuno rirun am papag muno, mansusugul am bantu' no mantilayun. Masauk Aku ri Aki Kapuuno' muno am i Aki Kapuuno' ru papag muno.

KASAUKAN 17:8

Manaak Aku rirun am papag muno ra tana' ragitio, intok inayanan muno raino ti koson ra ulun bansa' ru bokon. Titikop tana' ru Kanaan masauk ra longgom ru papag muno ra sabubuoi no am Aku masauk ri Aki Kapuuno' nilo.”

2 SAMUIL 7:23

Giti ra titikop ru tana' ti, kolondo' bansa' ra bokon koson ra Israil, ondo' binayag Mu noyo intor ra pangulipanan, am niayuk mapasauk risilo ra ulun Muno galama'. Binaal maayo am makaimuag no, ondo' binaal Muno risilo napatulai noyo ra inggalan Muno ra titikop ru tana' ti. Napagiru' Kou ra bansa'-bansa' ra bokon am dewa-dewa nilono paat ra ulun Muno jumalai mangayou, ulun ondo' binayag Muno intor ra Misir koson masauk ra ulun Muno galama'.

2 SAMUIL 7:25

Raino, iou Tuhan i Aki Kapuuno', intopoto' noyo bantu' ondo' rinagu Muno intor ra inan kuno am papag kuno, koson ra sabuoi-buoi no. Suguto' noyo atan ondo' binantu' Muno.

1 TUNUNG RU BANSA' ISRAIL 17:22

Pinasauk Mu Israil ra ulun Muno galama' ra sabubuoi no. Okou, iou Tuhan, masauk ri Aki Kapuuno' nilo.

MAZMUR 48:14

imansaa' min timbok am urioo' kubu ru bandar no, maa' raginio maalap min katunung ra anak-anak bagu ra matong ti

KAINGKUALAN 15:2

Tuhan manaung raki' ondo' maikang; Io noyo namayag raki'. Io i Aki Kapuuno' kuno, am mongompor aku Riso; Io i Aki Kapuuno' ondo' sambaan ri ama' i, am marimbai aku ra kinaayo Nano.

KAINGKUALAN 6:7

Mapasauk Aku ramuyun ra ulun Kuno galama', am masauk Aku ri Aki Kapuuno' min. Makapandai kau ra Aku noyo Tuhan i Aki Kapuuno' min, paat ra Aku mapalabus ramuyun intor ra pangulipanan ra pagun ru Misir.

JISAYA 12:2

Aki Kapuuno' Mamamayag raki'; mangintopot aku Riso am kalo malaa' aku. Tuhan manaak ra kuasa' am kaikangan raki'; Io no Mamamayag raki'.

JIRIMIA 31:1

Indagu Tuhan, “Masaboi paat ra Aku masauk ri Aki Kapuuno' ra ngaangai' bansa' ru Israil, am ilo masauk ra ulun Kuno.

JIRIMIA 31:33

Gitio noyo nabantuan bagu ondo' baalon Kuno ra ulun ru Israil: Buliin Ku ukum Kuno ra ralalom ru guang nilo, am tulisin ginio ra guang nilo. Masauk Aku ri Aki Kapuuno' nilo, am masauk ilo ra ulun Kuno.

JIRIMIA 32:38

Masauk ilo ra ulun Kuno, am masauk Aku ri Aki Kapuuno' nilo.

GOSIA 1:10

Ulun ru Israil masauk ra masuang koson ra kinasuang ru agis giu' ra raat, kalo maalap kauntob kapoam tukuon. Raino mindagu i Aki Kapuuno' risilo, “Akau sala' ka ulun Kuno, kaa' masaboi paat no ra mindagu Io risilo, “Aku noyo i Aki Kapuuno' ondo' naayag am akau noyo anak-anak Kuno.”

JAKARIA 13:9

Sampitalu ayuk intor ra mamagun nano maayag. Kapasawon Ku ilo koson ra pirok tinuyu' toojo ru apui. Kinamin Ku ilo koson ra ulun mangkinam ra mas. Ilo pana makiasi' boo Raki', am iowon Ku pakiasian nilo. Balain Ku ilo ra ilo ulun Kuno, am ilo pana mangiou ra Aku Tuhan, i Aki Kapuuno' nilo.”

JUANIS 1:12

Kaa' osoi ayuk mangapu Riso, ioginio mangintopot Riso, pasaukon No ilo ra anak ri Aki Kapuuno'.

SAGULION 26:18

Paat ra orou raiti' niayuk Tuhan nangapu ramuyun koson ra ulun Nano galama' koson ra binantu' Nano, am nanusub Io ramuyun maa' raginio gumagaya' ra ngaangai' ukum Nano.

SAGULION 27:9

Kopongo raginio i Musa, nabaya' ra imam-imam ru Liwi, minindagu ra ngaangai' ulun ru Israil, “Rongogo' noyo, ulun ru Israil kau ngai' am tutuno'. Paat ra orou raiti' nasauk kau noyo ra ulun ru Tuhan i Aki Kapuuno' min.

SAGULION 32:6

Koson raginio kia ralan pamakuan min ra Tuhan, akau ngai' ulun sasambungon, am kolondo' pangkaraan? Io noyo Ama' min, Namangun ramuyun, Io noyo napasauk ramuyun ra rondo' bansa'.

1 PITRUS 2:10

Ragili, akau sala' ka ulun ri Aki Kapuuno', kaa' raino siminauk kano boo ra ulun Nano. Am poyo ragili, pai' ru nakaulig kau ra asi' Nano, kaa' raino ti inasian kau boo.