2 SAMUIL 7:18 - Tanou Moonsoi Timugon

¹⁸ Kopongo raginio umpos Raja' Daut ra ralalom ru kim ru Tuhan. Panturung io am pakiasi', “Iou Tuhan Raja', aku am sasambaloi kuno kalo maaya' mangapu ra ngaangai' moonsoi ondo' pinakito Muno raki' ra buoi ti.

2 SAMUIL 7:18 ပူးပေါင်းရင်းမြစ်များ

KASAUKAN 32:10

Kalo maaya' aku mangapu ra ngaangai' togom am gagaya' Muno ondo' pinakito Muno raki', ulipon Mutu. Susukur kutu ayuk inibit ku liminaup ra Sungoi Jordan, kaa' raino siminaguli' aku ra ruo ngampulalayan ti.

KASAUKAN 32:11

Makiasi' aku toojo Rirun ra bayagon Mu aku intor maayo kuno i Isau. Malaa' aku ra maaru' matong io pampaluus ramon ngaangai', niayuk ruandu' am lalaing.

2 SAMUIL 23:5

Koon raginio noyo i Aki Kapuuno' mambarakat ra papag kuno, sabap ra Io nambaal ra nabantuan ondo' mantilayun raki', nabantuan ondo' kalo masulang, bantu' ondo' kalo makulau. Ginio noyo guangon ayuk ru guang kuno; ginio noyo ondo' masauk ra kamanangan kuno, am maaru' i Aki Kapuuno' manugut raginio.

2 SAMUIL 7:17

Koon raginio noyo nambalaan ri Natan no ra Raja' Daut ngaangai' ondo' pinabala' ri Aki Kapuuno' riso.

1 TUNUNG RU BANSA' ISRAIL 17:16

Raja' Daut pana minumpos boo ra ralalom ru Kim ru Tuhan. Nanturung Raja' Daut am pakiasi', “Iou Tuhan i Aki Kapuuno', aku am sasambaloi kuno kalo maaya' mangapu ra ngaangai' moonsoi ondo' pinakito Muno raki' ra buoi ti.

1 TUNUNG RU BANSA' ISRAIL 29:14

Aku am mamagun kuno sotopot no kalo makapangani' ra atan pana Rirun, sabap ra ngaangai' tinaakan Muno am atan ondo' taakin maiti longgom Muno niayuk.

MAZMUR 8:4

Paat ra aku mantingaa' ra limbowon ondo' sinauk Muno, bulan am butitin ondo' pinaatang Muno,

KAINGKUALAN 3:11

Kaa' indagu i Musa ri Aki Kapuuno', “Osoi kia aku ti? Kalo makakau' aku muma' ra raja' am magibit ra ulun ru Israil mingkual intor ra Misir.”

JISAYA 37:14

Raja' Gijkia nangalap ra surat raginio intor ra ulun-ulun sinusub no, am basaa' no. Kopongo raginio raja' no minongoi ra Baloi ru Tuhan, am basaa' no surat no ra saang ru Tuhan,

IPISUS 3:8

Sotopot no, kabalu' pana ra aku ti nakatauli intor ra ngaangai' ulun ri Aki Kapuuno', kaa' inanian aku niayuk ri Aki Kapuuno' ra kandoi mampasaboi ra ulun sala ka Jaudi ra Tanou Moonsoi intor ra kalangkayaan ri Kristus ondo' kalo noyo mauntob.

TINGGANAI RU BANSA' 6:15

Taam i Gidion, “Kaa' Tuhan atan lair kulaan aku mamayag ra ulun ru Israil? Bansa' kutu ondo' malawo kaga' ra popolos ru bansa' ru Manasi. Mulu' poyo ra aku noyo ondo' kalo maatang kaga' ra sasambaloi kuno.”

RUT 2:10

Igulatur i Rut am indagu ri Boas, “Kua guango' mu aku koon raginio am bonsoi ru guang muno raki'? Aku ti ulun ru bansa' ra bokon ayuk!”

1 SAMUIL 15:17

Kon ri Samuil, “Sala' ka kia okou no nasauk ra tingganai ru ngaangai' bansa' ru Israil, kabalu' pana mangkara' kou ra kalo maatang kou? Nampili' noyo Tuhan no rirun nasauk ra raja' ru Israil,

1 SAMUIL 18:18

Taam i Daut, “Osoi boo kia aku ti, am osoi boo kia sasambaloi ru ama' kuli giu' ra Israil saboi aku ti masauk ra anak mangiwan ru raja'?”

1 SAMUIL 9:21

Taam i Saul, “Aku ti intor ra bansa' ru Binjamin, bansa' ondo' boborok kaga' giu' ra Israil, am sasambaloi kuno ondo' kalo maatang kaga' ralalom ru bansa' raginio. Kua indagu kou raki' koson raginio?”