2 SAMUIL 7:13 - Tanou Moonsoi Timugon

¹³ Io noyo ondo' mambaal Raki' ra baloi, am tutunon Ku maa' raginio saboi ra sabuoi-buoi no sangulun papag nano mamarinta koson ra raja'.

2 SAMUIL 7:13 ပူးပေါင်းရင်းမြစ်များ

KASAUKAN 49:10

Mampaguut i Jiuda ra susukur ru parinta. Papag nano magail mamarinta. Bansa'-bansa' magibit ra upiti riso, am migulatur ra guang gumagaya' ra saang nano.

2 SAMUIL 22:51

Nangani' i Aki Kapuuno' ra kamanangan maayo ra raja' pinili' Nano; masalok Io motogom ra ulun pinili' Nano, iono i Daut am papag nano, koson ra sabubuoi no.

2 SAMUIL 7:16

Magail kou mokoondo' ra papag am patilayunon Ku pamarintaan muno. Pamarintaan muno kolondo' pupus.’ ”

2 SAMUIL 7:27

Iou Tuhan Ondo' Maayo Kaga' Kuasa', i Aki Kapuuno' ru ulun ru Israil! Baani aku makiasi' koon raginio sabap ra nambala' Kou raki' ulipon Mutu ra baal ragitio. Nambala' Kou raki' ra anak akupu kuno ra mansusunu' saukon Mu ra raja' ru bansa' ragitio.

1 RAJA'-RAJA' 2:24

Namiot noyo Tuhan ra intok kuno ra rasawat ru kurisi' ru ama' kuno, Raja' Daut. Sinugut noyo ru Tuhan no bantu' Nano am nangani' ra pamarintaan ti raki' am papag kuno. Magibot aku ralalom inggalan ru Tuhan ondo' naayag no ra i Adonia matoi ra orou raiti' niayuk!”

1 RAJA'-RAJA' 2:4

Amon ru gumagaya' kou ra Tuhan, suguton no bantu' ondo' binaal Nano paat ra Io nambala' raki' ra papag kuno mamarinta ra Israil, buoi nilo totopot gumagaya' ra ngaangai' susuban Nano am gumagaya' Riso ra sotopot-topot ru guang am salibuor nilo.

1 RAJA'-RAJA' 2:45

Kaa' mambarakat Io raki' am mangikang ra pamarintaan ru Raja' Daut ra sabuoi-buoi no.”

1 RAJA'-RAJA' 5:5

Nambantu' noyo Tuhan ra Raja' Daut ama' kuno. Ragu Nano, ‘Anak ungkuyon muno ondo' lantikon Kuno masauk ra raja' koson malit rirun mambaal ra Baloi Kuno.’ Ginio ra namatas aku noyo koson mambaal ra Baloi intok sumamba ra Tuhan, i Aki Kapuuno' kuno.

1 RAJA'-RAJA' 6:12

“Amon ru gumagaya' kou ra ngaangai' ukum am susuban Kuno, suguton Ku rirun atan ondo' binantu' Ku noyo ri Daut, ama' muli.

1 RAJA'-RAJA' 8:13

Raino nambaal aku Rirun ra rondo' baloi ondo' maindon, koson intok ayanan Muno ra mantilayun.”

1 RAJA'-RAJA' 8:15

Indagu raja', “Koompor noyo Tuhan, i Aki Kapuuno' ru Israil! Nanugut Io ra bantu' ondo' binaal Nano ra ama' kuli, Raja' Daut, paat ra Io minindagu ra Raja' Daut koon ragitio,

1 RAJA'-RAJA' 8:19

kaa' okou kalo mambaal raginio. Anak muno, anak muno galama' mambaal ra baloi Kuno.’

2 RAJA'-RAJA' 21:4

Nambaal io ra altar tayar ru dewa-dewa giu' ra ralalom Baloi ru Tuhan, intok ondo' inaru' ru Tuhan koson ra intok sumambayang Riso.

2 RAJA'-RAJA' 21:7

Pinabanta' ru Raja' Manasi sinungkalalaing ru Dewi Asyira giu' ra Baloi ru Tuhan, ondo' intok raginio inindaguan ru Tuhan ri Daut am i Salomo anak ungkuyon nano, “Baloi Kutu am bandar Jirusalim ti ondo' pinili' Ku noyo intor ra wilayah mopor am ruo bansa' ru Israil, iono intok ondo' inaru' Ku koson ra intok sumambayang Raki'.

2 RAJA'-RAJA' 8:19

kaa' kalo masaga' Tuhan mamuso ra Jiuda, sabap ra bantu' Nano ra ulipon Nano Raja' Daut ra papag ru Raja' Daut mamarinta ra sabuoi-buoi no.

1 TUNUNG RU BANSA' ISRAIL 28:10

Karaa' noyo toojo ra Tuhan nampili' rirun koson mambaal ra baloi ra rorondo' koson Riso. Ginio ra, raino baalo' noyo kandoi no ra guang mingkotog toojo.”

2 TUNUNG RU BANSA' ISRAIL 33:4

Binaal ru Raja' Manasi altar-altar tayar ru dewa-dewa giu' ra ralalom Baloi ru Tuhan, intok ondo' inaru' ru Tuhan koson intok sambayangan Riso ra sabubuoi no.

2 TUNUNG RU BANSA' ISRAIL 6:16

Ginio ra iou Tuhan, i Aki Kapuuno' ru Israil, suguto' niayuk bantu' ondo' rondo' poyo ra ama' kuli. Minindagu Kou riso ra intor ra papag nano, magail mokoondo' sangulun koson mamarinta koson ra raja' ru Israil, ondo' ra ilo gumagaya' ra Ukum Muno koson ra Raja' Daut.

AYUP 36:7

Sindungin No ulun ondo' mabanis guang; polosoon No ilo mamarinta koson ra raja' saboi urumaton ilo ra sabubuoi no.

MAZMUR 72:17

Gama' ru sabuoi-buoi no inggalan ru raja' karaan, am sasabiton inggalan nano mantilayun koson mato ru orou. Gama' ru ngaangai' bansa' makibarakat koson ra raja', am ngaangai' ulun manabit ra raja' makakaansukan.

MAZMUR 89:21

Natuum Ku ulipon Kuno, i Daut am pasaukon Ku io ra raja', am riwon Ku io ra umau papasaukan.

MAZMUR 89:29

Tagamin Ku io toojo, am nabantuan Kuno riso mantilayun ra sabuoi-buoi no.

MAZMUR 89:4

Minindagu Kou, “Nambaal aku ra nabantuan ra ulun ondo' pinili' Kuno; binantu' Ku noyo ri Daut ulipon Kuno:

JISAYA 49:8

Tuhan mindagu ra ulun Nano, “Bulintok ra Aku mangiou, tumaam Aku; orou ra Aku mamayag, indanganon Takamin. Sindungin am alungin Takamin, am saukon Ku nabantuan ra bansa'-bansa'. Tapulion Ku pagun ra masiluk masauk ra tana' tungkuson ondo' ayanin.

JISAYA 9:6

Kuasa' Nano marayus rumuang; pamarintaan Nano kalinuos ayuk. Mamarinta Io koson suali ru Raja' Daut, pamarintaan Nano mimpuun ra ukum am katimpakan intor ragino saboi ra pupus ru tana' ti. Ngaangai' kasaukan raginio maaru' baalon ru Tuhan Ondo' Maayo Kaga' Kuasa'.

JISAYA 9:7

Tuhan mamparatu' ra ukuman ra pamarintaan ru Israil, ioginio papag ri Jakub.

JIRIMIA 33:17

Aku, Tuhan nambantu' ra masalok mokoondo' sangulun intor ra papag ri Daut ondo' masauk ra raja' ru Israil;

YEHEZKIEL 37:25

Mamagun ilo ra pagun ondo' tinaakan Kuno ri Jakub, ulipon Kuno, giu' ra pagun inayanan ru kinamatuaan nilo. Ilo am papag nilo mayan ra giu' ra sabubuoi no. Sangulun raja' koson ri Daut, ulipon Kuno mamarinta risilo ra sabubuoi no.

DANIL 2:44

Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.

JAKARIA 6:12

Balai' io ra Aku, Tuhan Ondo' Maayo Kaga' Kuasa' mindagu, ‘Ulun ondo' sabiton ri Talantar nakasugut giu' ra intok sinarayan nano, am mambaal io saguli' ra Baloi ru Tuhan.

JAKARIA 6:13

Io noyo ondo' mambaal ra Baloi Kuno am mangapu ra urumat ondo' aniin ru raja', am mamarinta io ra mamagun nano. Sangulun imam mamaya' riso am maguyu mangandoi ra moonsoi.’

MATIUS 16:18

Ginio ra balain Tokou: okou no i Pitrus, koson ra batu maikang, am tampak ru batu ti mampabigor Aku ra pasimpungan Kuno. Kuasa' ru kapatayan pana kalo makagula' raginio.

IBRANI 3:3

Kaa' sotopot no i Jisus noyo mauli' omporon ka i Musa, koson niayuk ra sangulun manambaloi mauli' omporon ka ondo' tinambaloi nano.

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.