2 SAMUIL 6:19 - Tanou Moonsoi Timugon

¹⁹ am nantayar ra akanon risilo ngaangai'. Nangani' io ra rondo' ruti', sangkinis kual pinanggang, am kismis ra moonong ungkuyon am ruandu' giu' ra Israil. Kopongo raginio uli' ilo ra baloi ru sigagama'.

2 SAMUIL 6:19 ပူးပေါင်းရင်းမြစ်များ

2 SAMUIL 6:18

Kopongo Raja' Daut napataak ra taak simbalui, barakato' no mamagun ru Israil ralalom inggalan ru Tuhan Ondo' Maayo Kaga' Kuasa',

2 SAMUIL 6:20

Kopongo raginio, paat ra Raja' Daut nakauli' koson mamujak ra sasambaloi nano, tuum i Mikgal riso. Kon ri Mikgal, “Paat ra orou raiti' totopot raja' ru Israil nambaal ra inan nano urumaton kaga'! Nagibabaang raja' koson ra ulun sasambungon ondo' kalo mapandai mauyu' ra saang ru ulipon-ulipon ruandu' ru pagawai-pagawai istana!”

1 RAJA'-RAJA' 8:66

Paat ra orou kabalu', Raja' Salomo nanusub ra ngaangai' ru ulun no muli'. Minuli' ilo ra naansukan, liliwa' mongompor ra raja' ra tayar ru ngaangai' barakat ondo' tinaakan ru Tuhan ra Raja' Daut, ulipon Nano, am ngaangai' ru ulun Nano Israil.

1 TUNUNG RU BANSA' ISRAIL 16:3

am nantatayar ra akanon risilo ngaangai'. Moonong ulun ondo' soroi ra giu' no, ungkuyon am ruandu' inanian rondo' ruti', sampila' kual pinanggang, am rondo' kuui kismis.

1 TUNUNG RU BANSA' ISRAIL 16:43

Kopongo raginio ngaangai' ulun minuli' ra baloi ru sigagama'. Raja' Daut niayuk minuli' koson mababaya' ra sasambaloi nano.

2 TUNUNG RU BANSA' ISRAIL 30:24

Nanaak Raja' Gijkia ra 1,000 ngainan sapi' gawayan am 7,000 ngainan domba koson sinimbalui am inakan ru mamagun. Pagawai-pagawai nanaak 1,000 ngainan sapi' gawayan am 10,000 ngainan domba. Paat raginio masuang kaga' imam namasau ra inan.

2 TUNUNG RU BANSA' ISRAIL 7:10

Suabon no boo, orou ra karuo ngoopor am talu sila' katulu', nanusub Raja' Salomo ra ngaangai' ulun no muli'. Ilo ngaangai' naansukan sabap ra barakat-barakat ondo' tinaakan ru Tuhan ra ulun Nano Israil, ri Raja' Daut, am Raja' Salomo.

NIGIMIA 8:10

Uli' kano am pambaal kano ra bunsag. Pantayar kano ra akanon am wain min risilo ondo' natutusan. Orou raiti' orou patimpokon ra Tuhan takau. Ginio ra pai' kano pangiluk guang. Kaansukan ondo' tinaakan ru Tuhan ramuyun mangikang ramuyun.”

RIMBAI PANGAMPARAN 2:5

Ikango' aku ra kismis, paligago' aku ra ipol, sabap tutuyangon ku lumaai riso.

YEHEZKIEL 45:17

Kaa' paat ra pangiantakan ra sila' bagu, am orou Sabat, am orou pangiantakan ra bokon, ulun manguasa' lansanin manampos ra bibiag koson pataakon koson ra taak simbalui, am niayuk taak simbalui koson paringkuanangan Raki'; am niayuk taak simbalui wain ra tayar ru ngaangai' bansa' ru Israil. Io no lansanin manampos ra taak simbalui koson mangampun ra tula, taak simbalui koson paringkuanangan Raki', taak simbalui koson mapabansuk ra guang Kuno, am taak simbalui koson makibarakat Raki'. Aku pana mangampun boo ra tula ru ulun ru Israil.”

GOSIA 3:1

Indagu Tuhan raki', “Ongoi poyo am kasaga' no ra sangulun ruandu' ondo' masaga' mansawa'. Tagami' noyo io koson ra Aku motogom ra ulun ru Israil, kabalu' pana nangiruan ilo noyo Raki' am siminamba ra tuhan-tuhan ra bokon, am niayuk masaga' mampataak ra kuui kismis ra sinungkalalaing.”

RINALATAN 20:35

Ginio ra nanulu' aku no ramuyun ra amon ru mangandoi takau koson raginio makapangindangan takau ra ulun malawo. Karaa' min ati kulaan bala' ru Tuhan Jisus ra io minindagu, ‘Moonsoi poyo mangani' intor ra makitaak.’ ”

IPISUS 4:8

Koson tinulisan ra Buuk Kitab, “Paat ra nagaloi Io giu' ra rasawat kaga', nampaaya' Io po ra masuang ulun rinakop; am nangani' Io ra ulun ra taak.”

JOSUA 22:6

I Josua nambarakat risilo am napaugar risilo ra ragu ragitio, “Raino langkaya' kau am minuli' kau nagibit ra masuang bibiag tinambiag, pirok, mas, gangsa', basi' am bayang. Tatayaro' noyo kuliamos ginaau ondo' inalap min intor ra pantula', ra gino ngai' min.” Kopongo raginio minuli' ilo. Tinaakan ri Musa tana' giu' ra tampilon sirangon ru Sungoi Jordan ra sampiruo intor ra bansa' ru Manasi, am tinaakan ri Josua tana' tampilon ra kalasaan ru Sungoi Jordan ra sampiruo poyo bansa' ru Manasi, nabaya' ra bansa'-bansa' ra bokon.