2 SAMUIL 6:17 - Tanou Moonsoi Timugon

¹⁷ Kopongo raginio pabantaa' nilo Kaban Nabantuan ra intok nano giu' ralalom kim ondo' pinatirong ru Raja' Daut koson ra Kaban Nabantuan no. Napataak Raja' Daut ra taak simbalui koson mapabansuk ra guang ru Tuhan am taak simbalui koson makibarakat ra Tuhan.

2 SAMUIL 6:17 ပူးပေါင်းရင်းမြစ်များ

1 RAJA'-RAJA' 8:5

Raja' Salomo am ngaangai' ru ulun ru Israil natitimung giu' ra saang ru Kaban Nabantuan, am nampataak ra taak simbalui iono domba am sapi' ondo' masuang kaga', saboi kalo mauntob suang no.

1 TUNUNG RU BANSA' ISRAIL 15:1

Nambaal Raja' Daut ra kukula' baloi giu' ra Bandar Daut koson riso. Nanampos io ra intok ru Kaban Nabantuan ri Aki Kapuuno' am napatirong ra kim intok ru Kaban no.

1 TUNUNG RU BANSA' ISRAIL 15:3

Ginio ra nampiau Raja' Daut ra ngaangai' ulun ru Israil matong ra Jirusalim koson mapabanding ra Kaban Nabantuan ru Tuhan ra intok ondo' tinampos nano.

1 TUNUNG RU BANSA' ISRAIL 16:1

Pinabanta' nilo Kaban Nabantuan no giu' ra ralalom ru kim ondo' tinampos noyo ru Raja' Daut. Kopongo raginio nampataak ilo ra taak-taak simbalui koson mapabansuk ra guang ru Tuhan am taak-taak simbalui koson makibarakat Riso.

1 TUNUNG RU BANSA' ISRAIL 6:31

Raja' Daut nampili' ra kukula' ngaulun koson manalingapu ra rimbai pangamparan giu' ra intok sambayangan giu' ra Jirusalim, nalupus Kaban Nabantuan pinabanding ra giu' no.

2 TUNUNG RU BANSA' ISRAIL 1:4

Kaa' Kaban Nabantuan inibit noyo ra Jirusalim, am binulian giu' ra ralalom ru kim ondo' binaal ru Raja' Daut paat ra io napabanding ra Kaban no intor ra Kiryat-Jiarim.)

2 TUNUNG RU BANSA' ISRAIL 5:6

Raja' Salomo am ngaangai' ulun ru Israil natimung giu' ra saang ru Kaban Nabantuan, am nampataak ra taak simbalui koson ra domba am sapi' ondo' masuang kaga', saboi kalo mauntob suang no.

MAZMUR 132:8

Ratong no am ayan no ra Baloi Muno, iou Tuhan, mabaya' ra Kaban Nabantuan, tatandu' ru kuasa' Muno.

IMAMAT 3:9

am pataakon boo tayar ragitio intor ra domba no koson ra taak ra akanon ra Tuhan: Lomok, ngaangai' ru iku' ondo' mokolomok am pututon maar ra bungul ru bakulung, lomok ondo' nokolopot ra kalabuat,