2 SAMUIL 6:14 - Tanou Moonsoi Timugon

¹⁴ Nansasayau Raja' Daut ra guang maantak kaga' koson mangurumat ra Tuhan. Paat raginio nongkonoon io ra konoon linon mariwa' ondo' pinabangkos ra awak nano.

2 SAMUIL 6:14 ပူးပေါင်းရင်းမြစ်များ

2 SAMUIL 6:15

Koon raginio noyo Raja' Daut am ngaangai' mamagun ru Israil nagibit ra Kaban Nabantuan no ra Jirusalim liliwa' magigindii am sinumbaya' ru samput ra bujung.

2 SAMUIL 6:20

Kopongo raginio, paat ra Raja' Daut nakauli' koson mamujak ra sasambaloi nano, tuum i Mikgal riso. Kon ri Mikgal, “Paat ra orou raiti' totopot raja' ru Israil nambaal ra inan nano urumaton kaga'! Nagibabaang raja' koson ra ulun sasambungon ondo' kalo mapandai mauyu' ra saang ru ulipon-ulipon ruandu' ru pagawai-pagawai istana!”

1 TUNUNG RU BANSA' ISRAIL 15:27

Paat raginio Raja' Daut nansukub intor ra konoon linon malumis. Koon raginio niayuk ra bayang ru ulun mangkukuli ra miujik am i Kinanya, tingganai nilo, am niayuk ngaangai' ulun ru Liwi ondo' nangkayang ra Kaban no. Raja' Daut niayuk nambayang ra efod intor ra konoon linon.

MAZMUR 149:3

Omporo' noyo inggalan Nano ralalom ru ligo'; omporo' noyo inggalan Nano ondo' kayusin ra jitor am asasin ra tamburing.

MAZMUR 150:4

Omporo' Io ra tamburing am ligo'! Omporo' Io ra jitor am tulali!

MAZMUR 30:11

Rongogo' aku no, iou Tuhan, am pakaasi' no raki'. Tuhan indangano' aku!”

MAZMUR 87:7

Maririmbai am lumigo' ilo, “Sion noyo puun ru ngaangai' ru barakat mai.”

KAINGKUALAN 15:20

I Miriam boo, sangulun nabi, iono maayo ruandu' ri Arun, nangalap ra tamburing nano. Ngaangai' ruandu' pana minaya' napalamba' ra tamburing liliwa' mansayau.

KAINGKUALAN 15:21

Rinimbayan ri Miriam ilo, “Rimbayi' min Tuhan sabap ra moonsoi kaga' kamanangan noowot Nano; Namatir Io ra kuda am ulun nangura' ra kuda ralalom ru raat.”

KAINGKUALAN 19:6

Masauk kau ra ulun ondo' patimpokon Raki' galama', am mangandoi kau ayuk Raki' koson ra imam.”

MAMPATANOU 9:10

Tandaa' toojo kandoi min, sabap giu' ra tana' ru ulun minatoi kolondo' kandoi, pangkaraan, katutunan, kapoam kapintaran poyo; giu' noyo angayan min.

YEHEZKIEL 46:10

Ulun manguasa' musiti' sumubol ra Baloi ru Tuhan mababaya' ra mamagun, am mingkual mababaya' ra mamagun.

LUKAS 15:25

Liliwa' ragili, anak nano ra katuaan nangandoi giu' ra umo. Paat io minuli' am maar nakasuku' ra baloi, norongog no titikas am sayau ru ulun.

SAGULION 6:5

Tagami' noyo Tuhan i Aki Kapuuno' min ra sotopot-topot ru guang: Pakitono' noyo togom no ralalom baal ru bayag am baalon mino.

KOLOSI 3:23

Atan ayuk kondoyon mino, paugaro' min noyo toojo mabaya' ra guang mabanis, koson ayuk mangandoi kau ra Tuhan am sala' ka ra ulun.

TINGGANAI RU BANSA' 11:34

Paat i Jipta sumaguli' ra Mijpa, ratong anak ruandu' nano manguma' riso, liliwa' mansayau am mangkuli ra tamburing. Io anak langkuir ri Jipta.

TINGGANAI RU BANSA' 21:21

am paginaa ra giu'. Paat ralaa ru Silo matong mansayau paat ra pangiantakan no, ingkual intor ra umo ru anggur no, am sigagama' jumajal mangalap ra ralaa-ralaa no. Saukon ilo ra andu' min am ibiton ilo muli' ra wilayah ru Binjamin.

1 SAMUIL 2:18

Liliwa' raginio, i Samuil ondo' lalaing ayuk poyo narayus mangandoi ayuk ra Tuhan. I Samuil nambayang ra bayang timpok intor ra konoon linon, koson ra bayang sambayang ru imam-imam.

1 SAMUIL 2:28

Intor ra ngaangai' bansa' ru Israil, pinili' Ku sasambaloi nano nasauk ra imam Kuno koson mangandoi giu' ra altar, monolob ra kaminyan, am mambayang ra efod paat makitulu' intor Raki'. Nanaak Aku risilo ra pangiawan koson mangalap ra santayaran intor ra taak simbalui ondo' solobon ra rasawat ru altar.

1 SAMUIL 22:18

Ginio ra indagu Raja' Saul ri Doig, “Okou noyo mamatoi risilo!” Pinatoi boo ri Doig no ngaangai' ru imam no. Paat ra orou raginio namatoi io ra balu' ngoopor am limo ngaulun imam ondo' iniou mambayang ra efod.