2 SAMUIL 6:13 - Tanou Moonsoi Timugon

¹³ Kopongo ulun ondo' nangkayang ra Kaban Nabantuan minugar onom ngatumpang ra pagulu, panusub Raja' Daut risilo muog. Papataak io boo ra taak simbalui ra Tuhan, iono sanginan sapi' gawayan am sanginan anak ru sapi' ondo' kinolomok.

2 SAMUIL 6:13 ပူးပေါင်းရင်းမြစ်များ

1 RAJA'-RAJA' 8:5

Raja' Salomo am ngaangai' ru ulun ru Israil natitimung giu' ra saang ru Kaban Nabantuan, am nampataak ra taak simbalui iono domba am sapi' ondo' masuang kaga', saboi kalo mauntob suang no.

1 TUNUNG RU BANSA' ISRAIL 15:15

Paat nampabanding ra Kaban, ulun ru Liwi nansaan ra Kaban no ra ruo ngantaun bandasan ondo' tinaakan ru Tuhan pinaumbaya' ri Musa.

1 TUNUNG RU BANSA' ISRAIL 15:2

Kopongo raginio indagu Raja' Daut, “Ulun ru Liwi ayuk ondo' iowon mansaan ra Kaban Nabantuan ri Aki Kapuuno', sabap ra ilo pinili' ru Tuhan koson mansaan ra Kaban Nabantuan ru Tuhan am koson mangandoi ayuk Riso ra sabubuoi no.”

2 TUNUNG RU BANSA' ISRAIL 5:6

Raja' Salomo am ngaangai' ulun ru Israil natimung giu' ra saang ru Kaban Nabantuan, am nampataak ra taak simbalui koson ra domba am sapi' ondo' masuang kaga', saboi kalo mauntob suang no.

UNTABAN 4:15

Paat maparulun ra Kim, bansa' ru Kigat mangkayang ra kuliamos mangapasau ra mopongo ayuk taubin ri Arun am anak-anak nano ngaangai' kuliamos no am niayuk kuliamos ra ukop nano. Kalo pokombongon bansa' ru Kigat ra kuliamos mangapasau no. Amon ru mangambong ilo raginio, matoi ilo. Ginio noyo kandoi ru bansa' ru Kigat paat pabandingon Kim ru Tuhan.

UNTABAN 7:9

Kaa' kalo nanaak i Musa ra bansa' ru Kigat ra kurita' ru sapi' kapoam sapi', sabap ra kuliamos ra mangapasau ondo' alungin nilo musiti' saanin nilo.

MATIUS 22:4

Raja' no pana panusub poyo ra ulipon-ulipon no ra bokon i mongoi pambala'. Bilin no risilo, ‘Balai' noyo ondo' binalaan kuli ra akanon ra bunsag ti nakatampos noyo. Sapi' am anak ru sapi' mongoonsoi kuno, nasimbalui noyo. Ngaangai' ti nopongo noyo. Ibok, ratong kano ra bunsag paguatan ti!’

JOSUA 3:3

am indagu ra ulun ru Israil, “Paat ra akau makakito ra imam-imam magibit ra Kaban Nabantuan ru Tuhan i Aki Kapuuno' min, ugar noyo am baya' noyo risilo.