2 SAMUIL 5:9 - Tanou Moonsoi Timugon

⁹ Kopongo Raja' Daut nampagaau ra kubu Sion, minayan io ra giu' no am ininggalanan no ra “Bandar Daut”. Nambaal io ra bandar giu' ra liput ru kubu no, inintaran ra tampilon ru sirangon ru bulur ondo' pinumpunan ra tana'.

2 SAMUIL 5:9 ပူးပေါင်းရင်းမြစ်များ

2 SAMUIL 5:7

Kaa' totopot Raja' Daut nakagaau ra Sion kubu pangampinan nilo. Intor raginio kubu no ininggalanan ra “Bandar Daut.”)

2 SAMUIL 5:8

Paat orou raginio indagu Raja' Daut ra ulun-ulun nano, “Mokoondo' kia osoi-osoi ragiti ondo' masisang ra ulun ru Jibusi koson raki' masisang risilo? Sama' kia sisang nano saboi moogot io kaga' mamatoi risilo? Amon ru kon raginio, subol no ra babayaan ru timug am bulunsaro' ulun bolou am ulun kimpo' ondo' kasisangin kuno.” (Ginio sabap ra ulun mindagu, “Ulun bolou am ulun kimpo' inggalarin mumpos ra Baloi ru Tuhan.”)

2 SAMUIL 6:10

Ginio ra kalo boo masaga' io magibit ra Kaban Nabantuan no ra Jirusalim. Kaa' inibit no Kaban Nabantuan no ra baloi ri Obid-Idom, ulun ondo' intor ra Gat.

1 RAJA'-RAJA' 11:27

Gitio noyo tunung ru guor no. Raja' Salomo tatanga' mamumpun ra tana' giu' ra tampilon sirangon ru Jirusalim am mamuna' ra timbok ru bandar.

1 RAJA'-RAJA' 2:10

Raja' Daut minatoi am linobong giu' ra Bandar Daut.

1 RAJA'-RAJA' 9:15

Raja' Salomo namakai ra kuli' koson mambaal ra Baloi ru Tuhan am istana ru raja', am koson mamumpun ra tana' giu' ra tampilon sirangon ru bandar, am niayuk mambaal ra timbok ru bandar. Io niayuk namakai ra kuli' koson mambaal saguli' ra bandar Gajor, Migido am Gijir. (

1 RAJA'-RAJA' 9:24

Namumpun Raja' Salomo ra tana' giu' ra tampilon sirangon ru bandar no, kalupus andu' nano, anak ruandu' ru raja' ru Misir, minanding intor ra Bandar Daut minongoi ra istana ondo' binaal ru Raja' Salomo riso.

2 RAJA'-RAJA' 12:20

Pagawai-pagawai ru Raja' Joas naguguum manggal riso. Ruo ngaulun intor risilo, iono i Jojakar anak ri Simiat am i anak ri Somir, namatoi ra Raja' Joas giu' ra baloi ondo' binaal ra rasawat ru namumpunan ra tana' giu' ra tampilon sirangon ru Jirusalim, iono giu' ra ralan mongoi ra bandar Sila. Raja' Joas linobong giu' ra kalabangan ru raja' giu' ra Bandar Daut, am i Amajia, anak ungkuyon nano minalit riso koson raja'.

1 TUNUNG RU BANSA' ISRAIL 11:8

Raja' Daut nambaal saguli' ra bandar no, inintaran ra intok ondo' kinasawat ra tana' giu' ra tampilon sirangon ru bulur, am i Joab namuna' ra tampilon ra bokon ru bandar no.

2 TUNUNG RU BANSA' ISRAIL 32:5

Raja' Gijkia namiot ra kaikangan ru bandar ra namuna' ra timbok am niayuk nambaal ra manara-manara ra rasawat no, am niayuk rondo' lapis ru timbok poyo giu' ra tampilon ra liwar. Suai raginio, pinuna' ru Raja' Gijkia kubu ondo' binaal giu' ra rasawat ru tana' pinumpun, giu' ra tampilon sirangon ra Jirusalim lair. Nanusub io niayuk ra ulun mambaal ra masuang tutura' am perisai.

NIGIMIA 3:15

I Salum anak ri Kolgoji, mangunguasa' ra libung Mijpa, nambaal saguli' ra Kulobon Garabang Taur ru timug. Napaatang ilo ra taap ra kulobon garabang no, napaatang ra angob-angob ru kulobon, paku'-paku' tataun am tataun-tataun pangalor ra kulobon garabang. Giu' ra Kulam Sila, nambaal io ra tayar ru timbok mamaar ra taman istana saboi ra tukar ondo' tumuun intor ra Bandar Daut.

MAZMUR 122:3

Binangun Jirusalim sinauk ra bandar, ondo' inatang am maantak.

JISAYA 29:1

Aibui boo ra Jirusalim ondo' sabiton ra Altar ri Aki Kapuuno'! Aibui boo ra bandar intok nangkiman ru Raja' Daut! Sambilor ayuk kapoam ruo ngambilor poyo pangiantakan-pangiantakan nano baalon,

TINGGANAI RU BANSA' 9:20

Kaa' amon ru kalo, polosoon noyo apui mingkual intor ri Abimilik am monolob ra ngaangai' mamagun ru Sikgim am Bit-Milo. Koson raginio niayuk, polosoon apui mingkual intor ra mamagun ru Sikgim am Bit-Milo am monolob kakai' ri Abimilik.”

TINGGANAI RU BANSA' 9:6

Timung boo mamagun ru Sikgim am Bit-Milo. Minongoi ilo ra saau ru puun oak, iono puun karamat giu' ra Sikgim, am napasauk ri Abimilik ra raja'.