2 SAMUIL 5:7 - Tanou Moonsoi Timugon

⁷ Kaa' totopot Raja' Daut nakagaau ra Sion kubu pangampinan nilo. Intor raginio kubu no ininggalanan ra “Bandar Daut.”)

2 SAMUIL 5:7 ပူးပေါင်းရင်းမြစ်များ

1 RAJA'-RAJA' 2:10

Raja' Daut minatoi am linobong giu' ra Bandar Daut.

2 SAMUIL 6:16

Paat ra Kaban Nabantuan inibit siminubol ra bandar, i Mikgal anak ruandu' ru Raja' Saul, minimpal ra gigimpalan am nakakito ra Raja' Daut mansasayau am titindak koson mangurumat ra Tuhan. Mataman i Mikgal magilong ra Raja' Daut.

2 SAMUIL 6:12

Norongog ru Raja' Daut ra nambarakat Tuhan ra sasambaloi ri Obid-Idom am ngaangai' ondo' soroi riso no, sabap ra Kaban Nabantuan no. Ginio ra ongoi Raja' Daut ra baloi ri Obid-Idom am alapo' Kaban Nabantuan no. Pinabanding no Kaban Nabantuan ra Jirusalim nabaya' ra pangiantakan maayo.

PINAINTALANG 14:1

Ilai' ku boo, am makito Anak Domba no minigor ra rasawat ru Bulur Sion. Nabaya' Riso no mokoondo' 144,000 ngaulun ondo' rabas nilono tinatanduan ra inggalan Nano am inggalan ru Ama' Nano.

IBRANI 12:22

Kaa' sotopot no nakainggaar kau ra Bulur Sion am bandar ri Aki Kapuuno' ondo' maayag no, ioginio Jirusalim am poyo riribu malaikat giu' ra suruga'.

ROMA 9:33

Tinulisan noyo ra Buuk Kitab intor ra batu no koson ragitio; “Ilai', mapabanta' Aku ra batu giu' ra Sion, ondo' kasaruan ru ulun, rondo' batu maayo ondo' karatuan ru ulun. Kaa' osoi ayuk mangintopot Riso kalo mangkaus.”

MIKA 4:2

am konilo, “Ibok no magaloi takau ra bulur ru Tuhan, mongoi ra Baloi ru Tuhan, i Aki Kapuuno' ru Israil. Mangila' Io ra kasagaan Nano ondo' musiti' baalon takau; maya' takau ra ralan ondo' pinili' Nano, sabap ra pangilaan ru Tuhan i minatong intor ra Jirusalim; intor ra Sion minindagu Io ra ngaangai' ulun Nano.”

JISAYA 59:20

Kon ru Tuhan ra ulun Nano, “Matong Aku ra Jirusalim koson manungka' am mamayag ra ngaangai' ulun ondo' timinalikur ra tula.

JISAYA 12:6

Musiti' no moonong mamagun ru Sion magilakup am marimbai. Aki Kapuuno' ondo' matulai, Aki Kapuuno' ru Israil no matulai, Minunor Io ramuyun.”

MAZMUR 132:13

Sion pinili' ru Tuhan; saukon No ra ayanan Nano.

MAZMUR 87:2

tagamin No toojo bandar Jirusalim ka intok-intok ra bokon giu' ra Israil.

MAZMUR 51:18

Kalo masaga' Kou ra taak simbalui ra pinataak; amon mapataak aku ra taak simbalui koson mapabansuk ra guang Muno, Okou pana kalo maansukan.

MAZMUR 48:12

Polosoon noyo minayan ra Sion am Jiuda maansukan, sabap ra natimpok nangakiman Muno.

MAZMUR 9:11

Ilo ondo' makaulig Rirun malansan Rirun, iou Tuhan; osoi-osoi ayuk pana matong Rirun no kalo iruanin Mu ilo.

MAZMUR 2:6

Minindagu Io, “Giu' ra Sion, bulur Kuno ondo' matulai, pinasauk Ku noyo raja' Kuno.”

2 TUNUNG RU BANSA' ISRAIL 24:16

Linobong io giu' ra kalabangan ru raja' giu' ra Bandar Daut, koson mangkara' ra binaal moonsoi nano ri Aki Kapuuno', Baloi ru Tuhan am ulun ru Israil.

2 TUNUNG RU BANSA' ISRAIL 5:2

Kopongo raginio nanusub Raja' Salomo ra ngaangai' tingganai ru bansa'-bansa' ru Israil tumimung giu' ra Jirusalim, koson mapabanding ra Kaban Nabantuan ru Tuhan intor ra Sion, Bandar Daut, poongoyon ra Baloi ru Tuhan.

1 TUNUNG RU BANSA' ISRAIL 11:7

Raja' Daut minayan ra kubu no, ginio boo ra kubu no sabiton ra “Bandar Daut”.

1 RAJA'-RAJA' 8:1

Kopongo raginio Raja' Salomo nanusub ra ngaangai' tingganai ru bansa'-bansa' ru Israil muma' riso giu' ra Jirusalim, koson mapabanding ra Kaban Nabantuan ru Tuhan intor ra Sion, bandar Daut, mongoi ra Baloi ru Tuhan.

1 RAJA'-RAJA' 3:1

Raja' Salomo napasauk ra raja' ru Misir no pagamung nano am nanangandu' ra anak ruandu' ru raja' ru Misir. Inibit ru Raja' Salomo anak ruandu' ru raja' no minayan ra Bandar Daut saboi ra pambaalan ra istana ru Raja' Salomo, Baloi ru Tuhan, am timbok giu' ra liput ru bandar Jirusalim no nopongo.

2 SAMUIL 6:10

Ginio ra kalo boo masaga' io magibit ra Kaban Nabantuan no ra Jirusalim. Kaa' inibit no Kaban Nabantuan no ra baloi ri Obid-Idom, ulun ondo' intor ra Gat.

2 SAMUIL 5:9

Kopongo Raja' Daut nampagaau ra kubu Sion, minayan io ra giu' no am ininggalanan no ra “Bandar Daut”. Nambaal io ra bandar giu' ra liput ru kubu no, inintaran ra tampilon ru sirangon ru bulur ondo' pinumpunan ra tana'.

2 SAMUIL 5:8

Paat orou raginio indagu Raja' Daut ra ulun-ulun nano, “Mokoondo' kia osoi-osoi ragiti ondo' masisang ra ulun ru Jibusi koson raki' masisang risilo? Sama' kia sisang nano saboi moogot io kaga' mamatoi risilo? Amon ru kon raginio, subol no ra babayaan ru timug am bulunsaro' ulun bolou am ulun kimpo' ondo' kasisangin kuno.” (Ginio sabap ra ulun mindagu, “Ulun bolou am ulun kimpo' inggalarin mumpos ra Baloi ru Tuhan.”)

1 RAJA'-RAJA' 9:24

Namumpun Raja' Salomo ra tana' giu' ra tampilon sirangon ru bandar no, kalupus andu' nano, anak ruandu' ru raja' ru Misir, minanding intor ra Bandar Daut minongoi ra istana ondo' binaal ru Raja' Salomo riso.

JIRIMIA 21:13

Kopongo raginio indagu Tuhan ra Jirusalim, “Okou Jirusalim! Intok muno masawat poyo intor ra limayak ra liliut muno. Koson kou ra bulur batu masawat giu' ra tana' marata', kaa' anggalon Tokou. Minindagu kou ra kolondo' sangulun pana makapamulunsar rirun kapoam makasubol ra kubu-kubu muno.

NIGIMIA 3:15

I Salum anak ri Kolgoji, mangunguasa' ra libung Mijpa, nambaal saguli' ra Kulobon Garabang Taur ru timug. Napaatang ilo ra taap ra kulobon garabang no, napaatang ra angob-angob ru kulobon, paku'-paku' tataun am tataun-tataun pangalor ra kulobon garabang. Giu' ra Kulam Sila, nambaal io ra tayar ru timbok mamaar ra taman istana saboi ra tukar ondo' tumuun intor ra Bandar Daut.

MAZMUR 48:3

Sion, bulur ri Aki Kapuuno', masawat am maantak; bandar ru Raja' ondo' matulai mapabansuk ra titikop ru tana' ti!