2 SAMUIL 5:24 - Tanou Moonsoi Timugon

²⁴ Paat ra morongog mu bolos koson ra ngaas-ngaas ru ulun baris giu' ra untu ru puun tataun no, patalimpuuno' noyo bulunsar sabap ra mugar Aku ra saang muno koson mangala ra saujor ru Palistin.”

2 SAMUIL 5:24 ပူးပေါင်းရင်းမြစ်များ

2 RAJA'-RAJA' 7:6

Tuhan noyo nangkinibit ra saujor ru Siria nokorongog ra bolos koson ayuk ra rondo' pulalai ru saujor maayo ondo' minatong pamulunsar risilo ra kuda am kurita' kuda. Indoson ru saujor ru Siria ra raja' ru Israil nagakut ra raja' ru ulun ru Git am raja' ru ulun ru Misir am ngaangai' saujor nilo koson mamulunsar ra saujor ru Siria.

TINGGANAI RU BANSA' 4:14

I Dibora pana mindagu ri Barak, “Jalai no! Tuhan mabaya' ramuyun! Paat orou raiti' nanaak noyo Tuhan ra kamanangan ramuyun ri Sisira.” Ginio ra tuun i Barak intor ra Gunung Tabor nabaya' ra mopor ngaribu ulun nano.

TINGGANAI RU BANSA' 7:15

Pokorongog i Gidion ra inupi ru ulun no am arati' no, igulatur io samba ri Aki Kapuuno'. Saguli' io boo ra pangkiman ru Israil am indagu, “Tampos kano! Manaak Tuhan ramuyun ra kamanangan ra pulalai ru saujor Midian!”

1 TUNUNG RU BANSA' ISRAIL 14:15

Paat ra akau mokorongog ra bolos kinuralap giu' ra rasawat ru puun-puun tataun no, pamulunsar kano, sabap ra mugar Aku magulu ramuyun koson mangala ra saujor ru Palistin.”

2 SAMUIL 5:23

Igondo' poyo nangkuot Raja' Daut ra Tuhan. Taam Tuhan, “Pai' ilo bulunsaro' intor ragiti. Kaa' ugar no liputo' intok ti am bulunsaro' ilo intor ra talikuron, mamaar ra puun-puun ru kertau.