2 SAMUIL 5:20 - Tanou Moonsoi Timugon

²⁰ Ginio ra minongoi i Daut giu' ra Baal-Pirasim am nangala ra ulun ru Palistin. Indagu io, “Jinunjung noyo ru Tuhan gagampin ru pantula' kuno, koson ra liur napajunjung ra ngaangai' no ra igondo' ayuk.” Ginio sabap ra intok no ininggalanan ra Baal-Pirasim.

2 SAMUIL 5:20 ပူးပေါင်းရင်းမြစ်များ

2 SAMUIL 19:9

Ngaangai' ulun ru Israil ra titikop pagun nansasangor ra ilo po ngai'. Konilo ra rondo' am bokon, “Namayag noyo Raja' Daut ritakau intor ra pantula'. Namayag io ritakau intor ra ulun ru Palistin. Kaa' raino nagiru' io intor ri Absalom am nangiruan ra pagun ti.

1 TUNUNG RU BANSA' ISRAIL 14:11

Ginio ra Raja' Daut namulunsar ra ulun ru Palistin giu' ra Baal-Pirasim am nangala risilo. Indagu Raja' Daut, “Koson ra liur maayo, jinunjung ri Aki Kapuuno' pantula' kuno ondo' pinaumbaya' raki'.” Ginio sabap ra intok no ininggalanan ra Baal-Pirasim.

MAZMUR 60:1

Ra tingganai ru santimungan maririmbai. Sumugut ra rimbai: Bunga' Bakung noyo sasi'. Mazmur ru Raja' Daut,

JISAYA 28:21

Tuhan tumirong giu' ra gunung Pirajim am giu' ra Limayak Gibion koson binaal No ra galing i. Paugaron No kasagaan Nano kabalu' pana pagilayan no saasala' ayuk. Paugaron No kandoi Nano ondo' makaimuag no.

ABAKUK 3:13

Miningkual Kou koson mamayag ra ulun Muno, koson mamayag ra raja' pinili' Muno. Namparatu' Kou ra tingganai ru ulun malaat, am namuso ra ngaangai' maamaya' nano.