2 SAMUIL 5:2 - Tanou Moonsoi Timugon

² Intor ragili, am poyo paat ra Raja' Saul lakat poyo raja' mai, okou noyo naningganai ra saujor ru Israil nangayou. Binantu' niayuk ru Tuhan no rirun ra okou maningganai ra ulun Nano am masauk ra raja' nilo.”

2 SAMUIL 5:2 ပူးပေါင်းရင်းမြစ်များ

KASAUKAN 49:24

Kaa' panah ri Jusup mokotog, am kalindu' nano paikangon ri Aki Kapuuno' ri Jakub Ondo' Maayo Kaga' Kuasa', iono Magagalung am Mangampin ra ulun ru Israil.

2 SAMUIL 6:21

Taam Raja' Daut, “Mansayau aku koson mangurumat ra Tuhan. Nangimpai Io ra ama' muli am niayuk sasambaloi muno, am nampili' raki' koson ra tingganai ru ulun Nano Israil. Rumayus aku mansayau am tumampos ra asabin janjain poyo intor ra raitii' ni koson mangurumat ra Tuhan. Mataman kou raki', kaa' ulipon-ulipon ruandu' no mangurumat raki'!”

2 SAMUIL 7:7

Buoi ru pangkiralanan Kuno mabaya' ra ulun ru Israil, kalo igondo' aku pangkuot ra osoi pana tingganai ondo' pinili' Kuno, atan sabap no ilo kalo nambaal Raki' ra baloi intor ra tataun sidar.’

2 SAMUIL 7:8

Ginio ra balai' ulipon Kuno Raja' Daut ra gitio noyo ragu Kutu, Tuhan Ondo' Maayo Kaga' Kuasa' no riso, ‘Nangalap Aku rirun intor ra magalung ra domba giu' ra padang am napasauk Aku rirun ra tingganai ru ulun Kuno Israil.

2 RAJA'-RAJA' 20:5

sumaguli' ra Raja' Gijkia, raja' ru ulun ru Tuhan. Napasaboi i Jisaya ra ragu ti riso, “Koon ragitio ragu ru Tuhan, i Aki Kapuuno' ru kinamatuaan ru raja' Daut, ‘Norongog Ku noyo pakiasian muno. Nakito Ku lomou muno. Namabas Aku no rirun am buoi talu ngoorou mongoi kou ra Baloi ru Tuhan.

1 TUNUNG RU BANSA' ISRAIL 11:2

Intor ragili, am poyo paat ra Raja' Saul lakat poyo namarinta ramon, okou naningganai ra saujor ru Israil giu' ra intok pangayawan. Am poyo ra Tuhan i Aki Kapuuno' muno raja' nambantu' ra okou raja' naningganai ra ulun Nano am nasauk ra mamarinta risilo.”

2 TUNUNG RU BANSA' ISRAIL 1:10

Ginio ra anii' aku ra kapintaran am kapandayan ondo' musiti' aku mokoondo' koson mamarinta risilo. Amon ru kalo, kalo masaga' aku mamarinta ra ulun Muno ra masuang ti.”

JISAYA 40:11

Alungin No ulun Nano koson ra sangulun magagalung; timungon No am kubibilon No anak-anak ru domba, am ralalom kinolomoi, aakon No indung-indung ru domba.

JISAYA 55:4

Sotopot no, sinauk Ku io ra tingganai am panglima, sasi' intor ra kuasa' Kuno ra bansa'-bansa'.

YEHEZKIEL 34:23

Pasaukon Ku sangulun ra raja' koson ri Daut, ulipon Kuno, koson masauk ra rorondo' magagalung risilo, am magalung io risilo.

MIKA 5:4

am mamparatong io ra kaansayan. Paat ra ulun ru Asyur namulunsar ra pagun takau am namandak ra pangampin takau, nanusub takau ra tingganai-tingganai ondo' maikang kaga' koson gumula' risilo.

UNTABAN 27:17

sangulun ondo' makapaningganai risilo paat mangayou. Pai' polosoo' ulun Muno masauk ra pulalai ru domba ondo' kolondo' magagalung.”

MATIUS 2:6

‘Okou noyo Bitligim, pekan maatang kaga' intor ra ngaangai' pekan giti ra Judia; intor rirun matong sangulun tingganai ondo' maningganai ra ulun Kuno Israil.’ ”

JUANIS 10:11

Aku noyo magagalung ra moonsoi, am magagalung ra moonsoi mampataak ra painawo Nano ra domba Nano.

IBRANI 2:10

Sumugut ra inatang ri Aki Kapuuno' ondo' nambaal am niayuk magalung ra ngaangai', matimpok niayuk i Jisus saukon ra matanda' mansail ra kaimbalaan. Maa' raginio urumaton ri Aki Kapuuno' masuang anak Nano mababaya' ri Jisus ondo' magibit risilo ra pamayagan.

1 SAMUIL 13:14

Kaa' raino pamarintaan muno kalo mabuoi. Sabap ra okou kalo giminagaya' Riso, Tuhan no maguyum ra ulun bokon ondo' kasagain Nano koson pilion masauk ra raja' ru ulun Nano.”

1 SAMUIL 16:1

Tuhan pana mindagu boo ri Samuil, “Kula' poyo buoi ra okou mangiluk guang sabap ri Saul? Inimpayan Ku noyo io koson raja' ru Israil. Raino, ibito' noyo umau jaitun am ongoi no ra Bitligim, ongoi ra sangulun ondo' makainggalan ri Isai, sabap ra nampili' Aku noyo ra sangulun intor ra anak nano koson masauk ra raja'.”

1 SAMUIL 18:13

Raja' Saul pana napabanding boo ri Daut intor ra ralalom ru istana am pinili' no nasauk ra tingganai ru pulalai ra saribu ngaulun saujor. Naningganai i Daut ra pulalai nano ralalom pangayawan,

1 SAMUIL 18:16

Kaa' ngaangai' mamagun ru Israil am Jiuda motogom ri Daut, sabap ra io sangulun tingganai ondo' masuang indangan nano. Naguot i Daut ra anak ruandu' ru Raja' Saul

1 SAMUIL 18:5

Binaal ri Daut ra matanda' ngaangai' kandoi ondo' nanusuban ru Raja' Saul. Raja' Saul pana nampili' boo riso nasauk ra pagawai saujor. Baal raginio napakaansuk ra guang ru ngaangai' pagawai saujor am ulun ru Raja' Saul.

1 SAMUIL 25:28

Ampuno' noyo kasalaan kutu. Maaru' Tuhan no mapasauk rirun am papag muno raja' ru Israil, sabap ra nangayou kou ra tayar ru Tuhan; kalo mambaal kou ra atan pana kalaatan ra buoi ru bayag muno.

1 SAMUIL 25:30

Mambaal Tuhan ra ngaangai' moonsoi ondo' binantu' Nano rirun, am kalo boo mabuoi okou pasaukon No ra raja' ru Israil.

1 SAMUIL 9:16

“Susuab no tampilon ra susuab ti olo'-olo' paat koson ragitio, manusub Aku ra sangulun ungkuyon intor ra bansa' ru Binjamin muma' rirun. Umawo' ulu nano ra umau koson ra tatandu' nampili' riso masauk ra raja' ru ulun Kuno Israil. Mapalabus io ra ulun Kuno intor ra ulun ru Palistin. Nakito Ku noyo kaimbalaan ru ulun Kuno, am norongog Ku noyo tangi' nilo ra makiindangan.”