2 SAMUIL 5:17 - Tanou Moonsoi Timugon

¹⁷ Paat ra ulun ru Palistin nakapandai ra sinauk noyo Raja' Daut ra raja' ru Israil, ingkual saujor nilo koson mamparakop riso. Kaa' paat ra Raja' Daut nokorongog raginio, minongoi io sindung ra rondo' intok ondo' mokoondo' ra kubu.

2 SAMUIL 5:17 ပူးပေါင်းရင်းမြစ်များ

2 SAMUIL 21:15

Rondo' pangayawan nasauk poyo ra ulun ru Palistin am ulun ru Israil, Raja' Daut am ulun-ulun nano pana minongoi pangayou manggal ra ulun ru Palistin. Ralalom ru rondo' pangayawan no naagui Raja' Daut.

2 SAMUIL 23:14

Paat raginio Raja' Daut soroi ra sambuluran ondo' mokoondo' ra kubu, am sampulalai ulun ru Palistin nanguasa' noyo ra Bitligim.

2 SAMUIL 5:16

Ilisama, Ilyada am Ilipilit.

2 SAMUIL 8:1

Kukula' buoi raiti, namulunsar poyo Raja' Daut ra ulun ru Palistin. Nangala io risilo am nampagaau ra tana' nilono.

2 SAMUIL 8:12

iono Idom, Moab, Amon, Palistin am pagun ru ulun ru Amalik. Pinataak niayuk ru Raja' Daut santayaran intor ra kuliamos ondo' ginaau nano intor ra Raja' Gadadijir.

IBRANI 11:33

Sabap ra pangintapatan noyo kinala nilo pagun-pagun ra bokon am namanang ilo. Nambaal ilo ra motopot am nokoowot ra atan ondo' binantu' ri Aki Kapuuno' risilo. Kinuasa' nilo singa' saboi kalo nansaam risilo.

1 SAMUIL 29:1

Nanimung ulun ru Palistin ra ngaangai' saujor nilono giu' ra Apik, am ulun ru Israil nangkim mamaar ra taur ru timug giu' ra Limayak Jijriil.