2 SAMUIL 5:12 - Tanou Moonsoi Timugon

¹² Ginio ra nakaliman i Raja' Daut ra Tuhan napaikang riso koson ra raja' ru Israil, am napasauk ra pamarintaan nano naukapan koson ra kaatangan ru ulun ru Tuhan.

2 SAMUIL 5:12 ပူးပေါင်းရင်းမြစ်များ

2 SAMUIL 5:11

Raja' Giram, intor ra pagun Tirus, nangator ra ulun-ulun sinusub nano mongoi ra Raja' Daut. Nangani' Raja' Giram ri Raja' Daut ra tataun sidar, manukang ra tataun am manukang ra batu koson mambaal ra istana.

2 SAMUIL 5:13

Kopongo Raja' Daut nabanding intor ra Gibron minongoi ra Jirusalim, mokoondo' io ra masuang poyo andu' am parulug, am niayuk anak ungkuyon am ruandu'.

2 SAMUIL 7:16

Magail kou mokoondo' ra papag am patilayunon Ku pamarintaan muno. Pamarintaan muno kolondo' pupus.’ ”

1 RAJA'-RAJA' 10:9

Koompor noyo Tuhan, i Aki Kapuuno' muno! Nampakito Io noyo ra maansayan Io rirun am nampasauk rirun ra raja' ru Israil. Ginio sabap ra togom Nano mantilayun ra Israil, nampasauk Io noyo rirun ra raja' nilo maa' raginio makaugar mu ukum am katimpakan.”

1 TUNUNG RU BANSA' ISRAIL 14:2

Ginio ra nakaliman Raja' Daut ra Tuhan nangikang ra intok nano koson ra raja' ru Israil am nangikang ra pamarintaan nano koson ra kaatangan ru ulun ru Tuhan.

2 TUNUNG RU BANSA' ISRAIL 2:11

Nangator Raja' Giram ri Raja' Salomo ra surat am taam no koson ragitio, “Sabap ra Tuhan motogom ra ulun Nano, linantik No okou masauk ra raja' nilo.

ESTER 4:14

Amon ru mongkoror kou ayuk ra koon ragitio baal ti, maaru' ulun ru Jaudi makaapu ra indangan intor ra suruga' am bayagon ilo, kaa' okou galama' matoi am sasambaloi ru ama' muno maluus. Osoi makapandai, maaru' lair koson ra bulintok ragitio noyo okou pinili' masauk ra andu' ru raja'!”

DANIL 2:30

Nambala' noyo toojo i Aki Kapuuno' ra ondo' nakasibuni ra inupi no raki', sala' ka sabap no ra aku mapintar poyo intor ra osoi pana, kaa' maa' raginio maratian mu inupi no am makarati' ra suang ru guang muno.

UNTABAN 24:7

Makaalap ilo ra timug ru rasam ra luluab, am mantanom ra sampug giu' ra umo ondo' maukop ra timug. Raja' nilono maayo poyo intor ra Raja' Agag, am pamarintaan nano kalangkaan.