2 SAMUIL 5:11 - Tanou Moonsoi Timugon

¹¹ Raja' Giram, intor ra pagun Tirus, nangator ra ulun-ulun sinusub nano mongoi ra Raja' Daut. Nangani' Raja' Giram ri Raja' Daut ra tataun sidar, manukang ra tataun am manukang ra batu koson mambaal ra istana.

2 SAMUIL 5:11 ပူးပေါင်းရင်းမြစ်များ

2 SAMUIL 5:12

Ginio ra nakaliman i Raja' Daut ra Tuhan napaikang riso koson ra raja' ru Israil, am napasauk ra pamarintaan nano naukapan koson ra kaatangan ru ulun ru Tuhan.

2 SAMUIL 7:1

Nanindung Tuhan ra Raja' Daut intor ra ngaangai' taliasou ru pantula', saboi nakaayan io ra istana nano.

2 SAMUIL 7:2

Kopongo raginio indagu Raja' Daut ra Nabi Natan, “Ilai', aku minayan ra istana ondo' binaal intor ra tataun sidar, kaa' Kaban Nabantuan ri Aki Kapuuno' pinauli ralalom ru kim!”

1 RAJA'-RAJA' 5:15

Mokoondo' niayuk Raja' Salomo ra 80,000 ngaulun ungkuyon giu' ra kagunungan koson mangimbatu; 70,000 ngaulun ungkuyon mangkayang ra batu-batu no.

1 RAJA'-RAJA' 5:18

Ulun mangngandoi ra Raja' Salomo am mangngandoi ra Raja' Giram, am niayuk intor ra bandar Gibal nanampos ra batu am tataun koson mambaal ra Baloi ru Tuhan.

1 TUNUNG RU BANSA' ISRAIL 14:1

Raja' Giram intor ra Tirus nanusub ra duta-duta nano mongoi ra Raja' Daut, am nangator niayuk ra tataun sidar, ulun manukang ra tataun, am niayuk ulun manukang ra batu koson mambaal ra istana.

IJRA 3:7

Mamagun nanaak ra ruit koson pambayar ra gaji' ru ulun manukang ra batu am ulun manukang ra tataun. Ilo niayuk nangator ra akanon, inumon am umau jaitun giu' ra bandar Tirus am Sidon koson aligin ra tataun sidar intor ra Libanon. Tataun no inibit ra Japo pinaaya' ra raat. Ngaangai' kandoi no binaal ra pangiawan intor ra Raja' Koris, raja' ru Pirsia.

MAZMUR 30:1

Mazmur ri Daut. Rimbayon bulintok mokoondo' Baloi ru Tuhan patimpokon.

YEHEZKIEL 26:2

“Okou ulun mapandai matoi, rongogo' golos magilakup ru ulun ru Tirus. Golok ilo, ‘Jirusalim natutuk noyo! Kaikangan ru pantalanan nano nairu' noyo! Jirusalim kalo boo nasauk ra gumula' ritakau!’ ”

JOSUA 19:29

Intor ra giu' balitan raginio lumikou ra Rama, saboi ra bandar Tirus ondo' mokoondo' ra kubu; am lumikou ra Gosa am polos ra Raat Tanga'. Wilayah no nakasimpung bandar Magalab, Akjib,