2 SAMUIL 4:8 - Tanou Moonsoi Timugon

⁸ Kopongo raginio pinataak nilo ulu no ra Raja' Daut giu' ra Gibron. Konilo, “Gitio noyo ulu ru Raja' Isbosit anak ungkuyon ri Raja' Saul, pantula' muno ondo' mangkinam mamatoi rirun. Paat ra orou raiti' nambalos noyo Tuhan ra binaal ri Raja' Saul am papag nano ra bala muno.”

2 SAMUIL 4:8 ပူးပေါင်းရင်းမြစ်များ

2 SAMUIL 18:19

Kopongo raginio indagu i Agimaas anak ri Jadok ri Joab, “Iowo' aku mongoi uma' ra raja' am mampasaboi ra tanou moonsoi ra namayag noyo Tuhan ra raja' intor ra pantula'.”

2 SAMUIL 18:31

Kopongo raginio ulipon ra bansa' Itiopia no nakasaboi, am indagu ra raja', “Nagibit aku ra tanou moonsoi rirun! Paat ra orou raiti' Tuhan nangani' rirun ra kamanangan ra ngaangai' ulun ondo' giminuor rirun.”

2 SAMUIL 2:8

I Abnir anak ri Nir, panglima saujor ru Raja' Saul, nagiru' nabaya' ri Isbosit, anak ru Raja' Saul giu' ra Maganaim, giu' ra sandaup ru Sungoi Jordan.

2 SAMUIL 22:48

Mangani' Io raki' ra kamanangan ra pantula' kuno; nanguasa' Io ra bansa'-bansa' ra saang kuno,

MAZMUR 71:24

Songorowon Ku mantunung ra gagaya' Muno, sabap ra ilo ondo' kuminam mangurana' raki' no kinala noyo am tinauyu' noyo.

MATIUS 2:20

Paginupi i Jusup am pulusat sangulun malaikat ru Tuhan riso am indagu io, “Sukal no, ibito' magina' no sumaguli' ra pagun ru Israil. Sabap ra io ondo' nangkinam mamatoi ra lalaing ti minatoi noyo.”

PINAINTALANG 18:20

Pakaansuk mamagun ru suruga' ra kalunsayan ru bandar no. Pakaansuk ulun ri Aki Kapuuno', rasul am nabi, sabap ra linunsai noyo ri Aki Kapuuno' bandar no koson balos ra atan ondo' binaal ramuyun ru mamagun raginio.

PINAINTALANG 6:10

Giminolok ilo ra mapuor, “O Tuhan Maayo Kaga' Kuasa', mapasau am motopot! Kula' poyo buoi no bagu akimin Mu ulun ru tana' ti am mangukum risilo sabap ra namatoi ramon?”

1 SAMUIL 18:11

Nangkara' Raja' Saul, “Potonsokon ku io ra timbok no.” Pinapatir no tutura' no ri Daut saboi induo, kaa' nailiwan ri Daut ginio.

1 SAMUIL 19:1

Nambala' Raja' Saul ri Jonatan, anak ungkuyon nano am ngaangai' ru pagawai nano ra nangatang io koson mamatoi ri Daut. Kaa' motogom kaga' i Jonatan no ri Daut,

1 SAMUIL 19:15

Kaa' nanusub Raja' Saul no risilo mongoi poyo ra giu' no koson magilong ri Daut ra mato nilo galama'. Nanusub io, “Ibito' min io ragiti pabayaan ra intok pambalangan nano, maa' raginio mapatoi ku io.”

1 SAMUIL 20:1

I Daut pana nagiru' boo intor ra Nayot mamaar ra Rama, am minongoi uma' ri Jonatan. Pangkuot io ri Jonatan, “Atan kinua' binaal kutu? Atan kinua' kasalaan kutu? Atan kinua' tula kutu ra ama' muno saboi ra ama' muno masaga' mamatoi raki'?”

1 SAMUIL 23:15

Nalaa' i Daut no sabap ra Raja' Saul no totopot masaga' koson mamatoi riso. Rondo' paat ra i Daut soroi giu' ra Oris, giu' ra tana' kaagisan Jiip.

1 SAMUIL 24:4

Nakasaboi Raja' Saul giu' ra rondo' intok mamaar ra kukula' kandang ru domba ra kiing ru ralan. Siminubol Raja' Saul no ra ralalom ru luang batu ra giu' no ra mampangara'. Nakainamot toojo ri Daut am ulun-ulun nano tatanga' nansibuni ra luang batu raginio niayuk, giu' ra ujok poyo.

1 SAMUIL 25:29

Amon ru mokoondo' sasangulun ondo' mamulunsar rirun am kuminam mamatoi rirun, maaru' Tuhan i Aki Kapuuno' no mangampin rirun koson ra sangulun magalung ra rapu' nano ondo' mologo kaga'. Kaa' pantula' muno papatiron ru Tuhan ra maalur, koson ra batu ondo' pinobobol ra lasitik.